اوجِ تخیّل ۔ اشعار شامل کیجے۔

[عباد اللہ]

نہ لیوئے گر خسِ جوہر طراوت سبزہء خط سے
لگا دے خانہ ء آئینہ میں روئے نگار آتش
غالب

 

[محمد ریحان قریشی]

ہنوز اک پرتو نقش خیال یار باقی ہے
دل افسردہ گویا حجرہ ہے یوسف کے زنداں کا

 

[محمد وارث]

مستانہ طے کروں ہوں رہِ وادیِ خیال
تا بازگشت سے نہ رہے مدعا مجھے
غالب

 

[محمد تابش صدیقی]

اس تشنہ لب کی نیند نہ ٹوٹے دعا کرو
جس تشنہ لب کو خواب میں دریا دِکھائی دے

کرشن بہاری نور

 

[محمد وارث]

سنا ہے اس کے بدن کی تراش ایسی ہے
کہ پھول اپنی قبائیں کتر کے دیکھتے ہیں
​

آغاز ہم نے کر دیا ہے۔ آگے آپ جانیے۔ سرگوشی مدِّ نظر رہے۔

دیکھو تو دل فریبیِ اندازِ نقشِ پا
موجِ خرامِ یار بھی کیا گُل کتر گئی
غالب

 

[محمد وارث]

اتنا مانوس ہوں فطرت سے، کلی جب چٹکی
جُھک کے میں نے یہ کہا، مجھ سے کچھ ارشاد کیا
جوش

 

[محمد تابش صدیقی]

دیئے میراث کے ٹوٹے ہوئےمت پھینک ظہیر
کچھ اندھیرے بھی ترے حصے میں آئے ہونگے

ظہیر احمد ظہیر

 

[قرۃالعین اعوان]

میں جو بولا , کہا کہ یہ آواز
اسی خانہ خراب کی سی ہے
میر ان نیم باز آنکھوں میں
ساری مستی شراب کی سی ہے

 

[قرۃالعین اعوان]

نظر میرے دل کی پڑی درد کس پر
جدھر دیکھتا ہوں وہی رو برو ہے

 

[محمد تابش صدیقی]

نظر میرے دل کی پڑی درد کس پر
جس طرف دیکھتا ہوں وہی رو برو ہے

جدھر دیکھتا ہوں وہی روبرو ہے

 

[محمد ریحان قریشی]

رونے سے اور عشق میں بے باک ہوگئے
دهوئے گئے ہم ایسے کہ بس پاک ہوگئے

 

[قرۃالعین اعوان]

جدھر دیکھتا ہوں وہی روبرو ہے

شکریہ!

 

[محمد بلال اعظم]

سنا ہے اس کے بدن کی تراش ایسی ہے
کہ پھول اپنی قبائیں کتر کے دیکھتے ہیں
​

آغاز ہم نے کر دیا ہے۔ آگے آپ جانیے۔ سرگوشی مدِّ نظر رہے۔

صرف مانع تھی حیا بندِ قبا کھلنے تلک
پھر تو وہ جانِ حیا ایسا کھلا، ایسا کھلا
رسا چغتائی
​

 

[صائمہ شاہ]

خنجر چلے کسی پہ تڑپتے ہیں ہم امیر
سارے جہاں کا درد ہمارے جگر میں ہے

امیر مینائی​

 

[صائمہ شاہ]

ماورائے سُخن بھی ہے کچھ بات
بات یہ ہے ، کہ گفتگو نہ کرے ​

اصغر گونڈوی ​

 

[صائمہ شاہ]

تھا حاصلِ نظّارہ فقط ایک تحیّر
جلوے کو کہے کون کہ اب گُم ہے نظر بھی

اصغر گونڈوی ​

 

[عباد اللہ]

یہ جھریاں نہیں ہاتھوں پہ ضعفَ پیری نے
چنا ہے جامہ ء اصلی کی آستینوں کو
انیس

 

[عباد اللہ]

ہم بھی اس سلسلہء عشق میں بیعت ہیں جسے
ہجر نے دکھ نہ دیا وصل نے راحت نہیں دی
افتخار عارف

 

[سعیدالرحمن سعید]

تم اگر میری جان بن جاؤ
تم کو تم پر نثار کر دوں گا
فاروق درویش​

 

[سعیدالرحمن سعید]

موئے مژگاں سے ترے سینکڑوں مر جاتے ہیں
یہی نشتر تو رگ ِ جاں میں اتر جاتے ہیں
امیر مینائی​