1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

انٹرویو انٹرویو وِد ابنِ سعید

امن ایمان نے 'تعارف و انٹرویو' کی ذیل میں اس موضوع کا آغاز کیا، ‏نومبر 20, 2014

  1. محمد امین

    محمد امین لائبریرین

    مراسلے:
    9,454
    جھنڈا:
    Pakistan
    موڈ:
    Flirty
    زندہ باد۔۔۔ بالآخر سعود پھنس ہی گیا۔۔۔۔ ہاہاہ
    سعود سے میری دوستی اورکٹ پر ابنَ صفی کے گروپ میں 2005 یا 2006 میں ہوئی تھی۔ 2006 کی Gtalk چیٹ تو آج بھی محفوظ ہے گوگل پر۔۔۔ پھر محفل پر سعود ہی لایا مجھے۔۔۔ ہم بھی پرانے شناساؤں میں ہیں ۔۔۔۔
     
    • معلوماتی معلوماتی × 4
    • زبردست زبردست × 1
    • دوستانہ دوستانہ × 1
  2. امیداورمحبت

    امیداورمحبت محفلین

    مراسلے:
    3,074
    جھنڈا:
    Pakistan
    موڈ:
    Relaxed
    ہیں ابن سعید بھائی ۔۔۔۔۔۔۔۔۔۔۔۔۔۔۔۔ یعنی بغیر اطلاع کے آؤں میں ۔۔۔۔۔ :):)
     
    • دوستانہ دوستانہ × 1
    • پر مزاح پر مزاح × 1
  3. امن ایمان

    امن ایمان محفلین

    مراسلے:
    1,788
    موڈ:
    Cheerful
    نایاب بھائی سوالات پوچھنے کے لیے میری اجازت کی ضرورت نہیں ہے۔۔بس ایسا ہے کہ میں اپنی رو میں سوالات کرتی ہوں پھر ان جوابات پر مزید بات کرنا بھی انٹرویوکے تسلسل کو قائم رکھتا ہے۔۔تواچھے بھائی جہاں آپ دیکھیں کہ سوالات سعود بھائی کے انتظار میں ہیں۔۔تو ان کے جواب کے بعد آپ بھی پوچھ سکتے ہیں۔بس ایسا ہے کہ سعود بھائی کو زیادہ پریشان ہم نے نہیں کرنا کہ اُن کے پاس وقت کی کمی ہے۔
    (اور کسی بھی دھاگے میں آف ٹاپک گفتگو دھاگے کا حسن خراب کردیتی ہے۔۔جو مجھے کبھی بھی اچھی نہیں لگی۔)
     
    • معلوماتی معلوماتی × 1
    • دوستانہ دوستانہ × 1
  4. دلاور خان

    دلاور خان لائبریرین

    مراسلے:
    883
    جھنڈا:
    Pakistan
    موڈ:
    Amused
    یہیں کہیں پڑھا تھا آپ نے کمپیوٹر میں اردو کی بورڈ کبھی انسٹال نہیں کیا۔
    تو اردو میں نام کیا Urdu.ca ویب سائٹ کے ذریعے لکھا تھا:)
     
    • دوستانہ دوستانہ × 1
  5. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    بری بات۔ ذاتیات پر نہیں اترتے۔ :sneaky:
     
    • دوستانہ دوستانہ × 1
    • پر مزاح پر مزاح × 1
  6. دلاور خان

    دلاور خان لائبریرین

    مراسلے:
    883
    جھنڈا:
    Pakistan
    موڈ:
    Amused
    تجسسناک سی بات رہی:)
     
    • دوستانہ دوستانہ × 1
  7. دلاور خان

    دلاور خان لائبریرین

    مراسلے:
    883
    جھنڈا:
    Pakistan
    موڈ:
    Amused
    آپ کراچی میں ہوتے ہیں؟
     
  8. ابن سعید

    ابن سعید خادم

    مراسلے:
    60,174
    امن بٹیا ہمیں تو ہندوستان کے ہی مختلف خطوں کی اردو زبان کے لب و لہجے میں واضح فرق محسوس ہوتا ہے چہ جائیکہ ہند و پاک۔ ایک محاورے کے مطابق ہندوستان وہ ملک ہے جہاں کوس کوس پر پانی بدلے بیس کوس پر بانی۔ اللہ جانے ہم کبھی مشکل اردو کے الزام سے بری ہو بھی سکیں گے یا نہیں۔ جبکہ حقیقت حال اینکہ ہمارے لب و لہجے پر عموماً ہماری دیہی زبان کے اثرات غالب رہتے ہیں لہٰذا ہمارے فقروں میں کہنہ سال اور اجنبی ہو رہے الفاظ در آتے ہیں۔ نتیجتاً ہماری سلیس زبان بھی ثقیل ہونے کا الزام پا کر خفیف ہو جاتی ہے۔ :) :) :)
    تعلقات کی ابتدا کو لیکر ہمارے مزاج میں ہچکچاہٹ کا عنصرے قدرے زیادہ پایا جاتا ہے، لیکن ہماری جانب پہل کرنے والوں کو کبھی مایوسی نہیں ہوتی ہے۔ ایک دفعہ کوئی حلقہ احباب میں شامل ہو جائے تو دیر سویر بھولے بھٹکے ہم انھیں یاد کرتے رہتے ہیں۔ کئی دفعہ ایسا بھی ہوتا ہے کہ روابط کی ڈائریکٹری چیک کرتے ہوئے کوئی نام نظر آ جائے جن کی خیر خیریت ملے عرصہ گزر گیا ہو تو فوراً رابطے کی کوشش کرتے ہیں۔ شاذ و نادر ایسا بھی ہوتا ہے کہ رابطے میں پہل دوسری جانب سے ہوئی ہو لیکن عموماً ہم ایسا نہیں سوچتے کہ ہر دفعہ ہم ہی کیوں پہل کریں۔ اس کے بر عکس جن احباب سے مسلسل رابطے میں ہوتے ہیں ان میں پہل ہر دو جانب سے ہوتی رہتی ہے یا یوں کہہ لیں کہ ایسے احباب سے پہل کا تکلف ہی نہیں برتنا ہوتا ہے۔ ویسے رابطے میں پہل کرنے والی بات تقریباً ہر کسی پر صادق آتی ہے، فرق صرف یہ ہے کہ ہر کسی کا ترجیحی حلقہ مختلف ہوتا ہے۔ :) :) :)
     
    • پسندیدہ پسندیدہ × 7
    • زبردست زبردست × 6
    • متفق متفق × 2
  9. محمد امین

    محمد امین لائبریرین

    مراسلے:
    9,454
    جھنڈا:
    Pakistan
    موڈ:
    Flirty
    جی
     
  10. محمد شعیب

    محمد شعیب مدیر

    مراسلے:
    2,273
    موڈ:
    Busy
    ونڈوز پر تو ہم نے سعود بھائی کو ایک سکرپٹ کی مدد سے اردو لکھتے دیکھا ہے، لینکس کا نہیں پتہ۔ :) :)
     
    • معلوماتی معلوماتی × 1
  11. دلاور خان

    دلاور خان لائبریرین

    مراسلے:
    883
    جھنڈا:
    Pakistan
    موڈ:
    Amused
    شاید کہیں دیکھا ہے آپ کو۔
     
  12. ابن سعید

    ابن سعید خادم

    مراسلے:
    60,174
    اردو ویب سے جڑنے کے بعد ہم پہلے سے رواں چند منصوبوں کا حصہ بھی بنے نیز خود بھی کئی منصوبوں کی ابتدا کی۔ ہماری کوشش رہی ہے کہ اکثر منصوبوں میں ایک یا زائد محفلین کو شریک رکھا جائے، بلکہ کئی دفعہ تو دیگر احباب ہی منصوبوں کی پیشوائی کرتے ہیں اور ہم فقط ان کی معاونت کر رہے ہوتے ہیں۔ ہم کسی منصوبے کو مکمل گرداننے کو لیکر ہمیشہ تذبذب کا شکار رہتے ہیں کیونکہ بیشتر منصوبوں کی تکمیل کا اعلان در اصل ان کی زوال کی ابتدا کا اعلان ہوتا ہے، اور مناسب دیکھ ریکھ نہ ہونے پر وہ منصوبے بہت جلدی ہی اپنی موت کا مزہ چکھ لیتے ہیں۔ وہیں اگر کسی منصوبے کے مرحلہ وار اہداف نہ متعین کیے جائیں تو وہ مسلسل و دائمی التوا کا شکار رہتا ہے۔ مثال کے طور پر ہم نے کچھ عرصہ قبل ماورائی فیڈر کے نام سے ایک بلاگ ایگریگیٹر ریڈر جاری کیا تھا جو بشمول ہمارے کئی دیگر احباب کے معمول میں شامل رہا اور جس مقصد کے لیے اس کو بنایا گیا تھا اس کے ساتھ مکمل انصاف کرتا رہا، حتیٰ کہ وہ دن آیا جب ہم اس کی دیکھ ریکھ سے غافل ہو گئے اور اب تو عرصہ ہوا اس کا یو آر ایل زائرین کو مایوس کر رہا ہے۔ گو کہ اس کو دوبارہ زندگی دینے میں بہت زیادہ تکلفات حارج نہیں ہیں، لیکن ہم نے اس کی ترقی کے اگلے مرحلے کے لیے کافی کچھ سوچ رکھا ہے جس کے لیے ضروری وقت دیگر ترجیحات کے باعث میسر نہیں آ رہا۔ اردو ویب ڈیجیٹل لائبریری کی مثال بھی ایسی ہی ہے کہ اس کا ابتدائی نسخہ عام کرنے کے بعد اس میں بہتری کے بے شمار منصوبے ذہن پر بار بار چوٹ کرتے رہتے ہیں لیکن کبھی یہ توفیق نہیں ہوتی کہ کما حقہ وقت نکال کر اسے نئی جہات سے روشناس کرا سکیں۔ اردو ویب فونٹ سرور کا منصوبہ کسی حد تک تکمیل پا گیا تھا اور اب تک بخوبی رواں ہے نیز بے شمار لوگوں کو اس سے استفادہ ہو رہا ہے، لیکن اس میں بھی بہتری لانے کے کئی منصوبے ذہن میں موجود ہیں جو کہ ترجیحات کی فہرست میں کہیں نیچے دبے ہوئے ہیں۔ چونکہ یہاں منصوبوں کی بابت سوال کیا گیا ہے اس لیے چھوٹی موٹی اسکرپٹس اور یوٹیلیٹیز کا بیان عبث ہے نیز اردو ویب کی ذمہ داریوں کا بیان بھی شاید علیحدہ سوال کا متقاضی ہے۔ :) :) :)
    یہ فہرست طویل ترین ہے اور ہونی بھی چاہیے۔ انصاف کی بات تو یہ ہے کہ پچھلے سوال کے جواب میں جن چند منصوبوں کا بیان ہوا ہے وہ بھی یہیں موزوں آتے ہیں۔ فی الحال زیر تکمیل وسیع و عریض منصوبوں میں اردو ویب ڈیجیٹل لائبریری اور اردو ویب لغت سر فہرست ہیں۔ اردو ویب ڈیجیٹل لائبریری کو نئے سرے سے منظم کرنے کی ضرورت ہے نیز ایسا نظام عمل اور ایسے وسائل فراہم کرنے ہیں کہ کافی حد تک خود کار انداز میں ہر ہفتے چند کتابیں مرحلہ وار شائع ہوتی رہیں، نیز ان کو مختلف انداز کی فائلوں کی صورت ڈاون لوڈ کرنے کی سہولت دستیاب ہو۔ اس مقصد کے لیے ایک عدد اردو ویب لائبریری ورک فلو مینجمنٹ سسٹم کا منصوبہ عرصہ دراز سے منتظر ہے۔ ماضی میں اس حوالے سے ٹکڑوں کی صورت کچھ کام کیا تھا لیکن اب جب بھی دوبارہ کام کریں گے تو نئے سرے سے ابتدا کرنی ہوگی۔ وہیں اردو لغت کے حوالے سے پچھلے چند برسوں میں کئی دفعہ کام کرنے کی کوشش کی لیکن کسی مرحلے کی تکمیل ہو اس سے پہلے ہی دیگر ترجیحات آن پڑتیں اور ہر دفعہ ادھورا کام تعطل کا شکار ہو جاتا۔ جب کبھی اس پر دوبارہ کام کرنے کی کوشش کی تو پہلے کیا ہوا بیشتر کام بوجوہ دہرانا پڑا۔ ہمارے شریک جرم بلکہ منصوبے کی قیادت کر رہے ڈاکٹر فاتح صاحب گواہ ہیں کہ ہم نے پچھلے چار پانچ برسوں میں اس نسبت کتنے بڑے بڑے خواب بنے اور کیسے کیسے پاپڑ بیلے۔ البتہ کچھ عرصہ قبل اردو ویب لغت کے لیے ہوئے کام کی ایک جھلک ایک عدد ریسرچ پیپر کی صورت شائع کی گئی تھی۔ امید ہے کہ اگلی کوشش اسے قابل استعمال شکل میں لے آئے گی اور اسے استفادہ عامہ کے لیے جاری کر دیا جائے گا۔ ٹائپو گرافی کے حوالے سے بھی ہم کسی نہ کسی طور کئی منصوبوں کا حصہ رہے۔ مثلاً چند برس قبل کیریکٹر بیسڈ فانٹ سے ترسیمے بنانے کی کوشش کی تھی جو کہ برادرم محمد سعد صاحب کا پیش کردہ منصوبہ تھا۔ گو کہ اس منصوبے میں اتنی پیش رفت ہو چکی تھی کہ ترسیمے تیار کر لیے گئے تھے، لیکن ان کو مکمل فونٹ کی شکل دینے کے مراحل میں آگے چل کر کچھ پیچیدگیاں آئی تھیں جنھیں حل کیا جا سکتا تھا لیکن بوجوہ وہ منصوبہ بھی سرد خانے کی نظر ہو گیا۔ چند ماہ قبل ترسیمہ جات کی جانچ پڑتال اور پروف ریڈنگ کی غرض سے ہم نے ایک نظام تیار کیا تھا جو کہ تقریباً مکمل ہے، لیکن اس کو جاری کرنے کے لیے شاید ایک دن کی محنت مزید درکار ہے۔ ارادہ تھا کہ محفل کی پچھلی سالگرہ کے موقع پر اسے جاری کر دیں گے، لیکن بوجود اس کی تکمیل بر وقت نہ ہو سکی۔ بعد ازاں ہم عید کے موقع پر گھر چلے گئے اور تب سے آج تک وہ منصوبہ بھی ایک ساعت سعید کا منتظر ہے۔ اردو محفل کا موجودہ طے شدہ ترجمہ جو کہ "اردو جدید" کے نام سے دستیاب ہے یہ بھی ان کاموں میں سے ہے جو کبھی تمام ہونے والا نہیں، فورم سافٹوئیر کے ہر اپگریڈ کے بعد اس پر نظر ثانی کی ضرورت در پیش ہوتی ہے اور کئی نئے ترجمے شامل کرنے پڑتے ہیں۔ اس ترجمے میں ہم نے اس بات کا خاص خیال رکھا ہے کہ بجائے ایک ہی نشست میں مکمل ترجمہ کرنے کے، ضرورت کے مطابق سیاق و سباق میں رہتے ہوئے ترجمے کیے جائیں، نیز کوشش کی گئی ہے کہ فقروں سے جنسی امتیاز ختم ہو جائے یا کم سے کم ہو۔ کئی برسوں سے اردو محفل کے زمرہ جات کو نئے سرے سے مرتب کرنے کا منصوبہ زیر عمل ہے۔ دو برس قبل ہم نے کچھ ایک زمروں میں کافی رد و بدل کیے تھے، لیکن ماندہ زمرے اب بھی محتاج توجہ ہیں۔ بظاہر یہ ایک سہل کام لگتا ہے، لیکن در حقیقت بہت ہی پیچیدہ اور وقت طلب ہے۔ ایسی ہی کئی اور چھوٹی بڑی چیزیں ہیں جن پر دیر سویر تھوڑی بہت توجہ دینی پڑتی ہے، لیکن یہاں سبھی کا احاطہ مشکل امر ہے۔ :) :) :)
    اردو ویب ڈیجیٹل لائبریری اور اردو ویب لغت کو باہم مربوط کر کے کئی دلچسپ اور عمدہ چیزیں سامنے لائی جا سکتی ہیں، ایسے کئی منصوبوں کا خاکہ ذہن میں ہے۔ اردو ویب کے کئی چھوٹے بڑے منصوبوں کو افرادی قوت، قیادت، اور جہت دینے کی ضرورت ہے۔ اردو انسائکلو پیڈیا، عروض انجن، اور اردو سیارہ وغیرہ کو اردو محفل سمیت اردو ویب کی دیگر خدمات کے ساتھ زیادہ بہتر انداز میں مربوط کرنے کی ضرورت ہے۔ اردو ویب کا صفحہ اول تشکیل نو چاہتا ہے، نیز اردو ویب کے ڈاونلوڈ سینٹر میں ضروری آلات و وسائل کی فراہمی خاصی مفید ثابت ہو سکتی ہے۔ علاوہ ازیں اردو ویب پر ہو رہی ڈیویلپمنٹ کو مہمیز کرنے اور گٹ ہب جیسے اوپن کولیبوریٹیو ڈیویلپمنٹ پلیٹ فارم کے استعمال کو رواج دینا ہے۔ کچھ عرصہ قبل برادرم زیک سے اردو اسپیچ سنتھسس اور او سی آر وغیرہ کے منصوبوں پر بات ہوئی تھی جنھیں سنجیدگی سے آگے بڑھانے کی ضرورت ہے۔ بچوں کے لیے انٹرنیٹ پر مفید اور دلچسپ مواد کی فراہمی، کالج کے طلباء کے لیے اردو ڈیویلپمنٹ و اردو ادب کے حوالے سے اردو ویب پر مینٹر شپ، معاونت، رہنمائی، حوصلہ افزائی، و سرپرستی کا نظام اور رواج اہم سنگ میل ہوں گے۔ مجموعی طور پر اردو ویب کی افرادی قوت کو اختلافی مسائل سے نکال کر تعمیری رخ پر ڈالنے کی ضرورت ہے۔ اردو کی ترویج و ترقی کے حوالے سے کچھ منصوبے ایسے بھی ذہن میں موجود ہیں جن پر اردو ویب کے دائرے سے باہر رہ کر کام کرنے کی ضرورت ہے، لیکن ان کا یہاں بیان غیر ضروری خیال کرتے ہیں۔ :) :) :)
     
    • زبردست زبردست × 11
    • معلوماتی معلوماتی × 4
    • پسندیدہ پسندیدہ × 1
    • دوستانہ دوستانہ × 1
  13. ابن سعید

    ابن سعید خادم

    مراسلے:
    60,174
    تاخیر سے جواب دینے پر معذرت خواہ ہیں۔ پچھلا ہفتہ کچھ عجیب قسم کی مصروفیات کی نذر ہو گیا اور اتنا وقت نصیب نہ ہو سکا کہ دو چار سوالات کے بر وقت جوابات دے سکتے۔ :) :) :)
     
    • متفق متفق × 1
  14. ابن سعید

    ابن سعید خادم

    مراسلے:
    60,174
    جرمانہ ہم پر عائد ہو گا اور اس کی سزا ہمارے بال بچوں کو بھی ملے گی، یہ کہاں کا انصاف ہوا؟ :) :) :)
     
    • دوستانہ دوستانہ × 1
  15. ابن سعید

    ابن سعید خادم

    مراسلے:
    60,174
    دشمن قسم کی دلاری پری! :) :) :)
     
    • پسندیدہ پسندیدہ × 1
    • دوستانہ دوستانہ × 1
  16. ابن سعید

    ابن سعید خادم

    مراسلے:
    60,174
    امین بھائی، شاید اس گلابی فقرے میں "دوبارہ" کا لفظ رہ گیا ہے، کیونکہ آپ تو اس دور کے محفلین ہیں جب محفل میں اراکین کی تعداد فقط تین اعداد پر مشتمل تھی اور محفل نے اپنی اولین سالگرہ بھی نہیں منائی تھی۔ :) :) :)
    ہماری بے بسی پر ہنسنے والو، کسی مصروف ریسرچر کی بد دعا سے بچو! :) :) :)
     
    • پر مزاح پر مزاح × 3
  17. ابن سعید

    ابن سعید خادم

    مراسلے:
    60,174
    بٹیا رانی آپ بھی افواہوں پر یقین کرنے لگیں؟ :) :) :)
     
    • پسندیدہ پسندیدہ × 1
  18. ابن سعید

    ابن سعید خادم

    مراسلے:
    60,174
    ان دنوں گوگل کا ٹرانسلٹریشن ٹول دستیاب ہوا کرتا تھا، غالباً اس سے لکھ کر اپنا نام تلاش کیا تھا۔ ویسے شاید ہم نے یہ کہا ہو کہ ہم اپنے کمپیوٹر میں اردو کی بورڈ نصب نہیں کرتے، "کبھی نہیں کیا" کہنا بعید از حقیقت ہوگا کیونکہ ابتدا میں آزمائشی طور پر کچھ ایک اردو کی بورڈ نصب کیے تھے، لیکن کبھی ان کی عادت نہیں ہوئی اور بعد میں اس بابت سوچنا بھی ترک کر دیا۔ :) :) :)
     
    • پسندیدہ پسندیدہ × 1
  19. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    تو اردو کو تحریر محض خیالاتی قوت سے کرتے ہیں؟ کوئی نہ کوئی کیبورڈ تو انسٹال کرنا پڑتا ہے کسی بھی آپریٹنگ سسٹم میں ہر جگہ استعمال کیلیئے :)
     
    • متفق متفق × 2
    • دوستانہ دوستانہ × 1
  20. ابن سعید

    ابن سعید خادم

    مراسلے:
    60,174
    لیکن ہم ہر جگہ اردو نہیں لکھتے۔ براؤزر کی حد تک یہ کام اردو ایڈیٹر بکمارکلیٹ سے چل جاتا ہے اور کبھی کہیں اور لکھنا پڑ جائے تو اردو محفل میں ٹائپ کر کے کاپی پیسٹ سے کام چلا لیتے ہیں۔ :) :) :)
     
    • زبردست زبردست × 1
    • متفق متفق × 1

اس صفحے کی تشہیر