انوکھڑا گاوݨ آلا
اوہ پنجابی عارفانہ کلام گا رہیا سی ۔ اوہدے وچ شاہ پوری لہجے دا جھلکارا سی تے نال ای کِتے کِتے دوجیاں لہجیاں دی وی دِس پیندی سی۔ اِنج لگدا سی جیویں کِسے مڈھلے سُر نال ذیلی سُر کھیڈن لگے ہوون ، رباعی دے مصرعیاں دی طرحاں جیہڑے چووی مختلف وزناں دے ہوندیاں وی رباعی اندر اوپرے نہیں لگدے۔۔ لہجیاں دی ایس تال میل نال سنݨ آلیاں دے جثّے ہولی ہولی پھڑکدے پئے سن ، ایہو جیہے وجد دی طرحاں جیس وچ بندے آپنے وسوں باہر نہیں ہوندے تے زیادہ تر ذوقی کیفیت نوں جثے اندر ای ہنڈھاوندے رہندے نیں۔
اوہنے کلام ختم کردیاں ہویاں جد سید نصیر الدین نصیر ہوراں دی ایہہ رباعی پڑھی تے مینوں کوڈ سوئچنگ code switching دی یاد آگئی:
ستّار ہے تو، نہ کر مجھے بے پردا
میں ہاں ترے بوہے دا قدیمی بردا
تنہا استادہ ام بہ دشتِ غربت
رب احفظنی ولا تذرنی فردا
آخری تدوین:
