امریکی سفیر نے نجم سیٹھی کے 35 پنکچروں کے بارے میں مجھے کچھ نہیں بتایا، مرتضیٰ پویا کی تردید
اسلام آباد (رپورٹ : شکیل شیخ) معروف شخصیت آغا مرتضیٰ پویا نے منگل کی شب اس بات کی سختی سے تردید کی کہ امریکی سفیر نے 2013ء کے عام انتخابات میں نگراں وزیراعلیٰ پنجاب نجم سیٹھی کی بدنامی کا باعث بننے والی 35 پنکچروں کی کہانی سنائی تھی۔ انہوں نے کہا کہ یہ قطعی جھوٹ ہے اور امریکی سفیر نے کبھی مجھ سے ایسی بات نہیں کی۔ آغا مرتضیٰ پویا کا نام منگل کو اس وقت سامنے آیا جب تحریک انصاف کے ایک رہنما نعیم الحق کے مطابق 35 پنکچروں سے متعلق نجم سیٹھی اور نوازشریف کے درمیان ٹیلی فونک گفتگو کے بارے میں امریکی سفیر نے مرتضیٰ پویا کو آگاہ کیا۔ تحریک انصاف کے سربراہ عمران خان 35 پنکچروں کے حوالے سے نجم سیٹھی کو مورد الزام ٹھہراتے رہے ہیں اور کیچڑ اُچھالتے ہوئے یہاںتک کہا کہ نجم سیٹھی نے جیو ٹی وی کو پاکستان کرکٹ بورڈ کے نشریاتی حقوق دیئے۔ تاہم جب نجم سیٹھی عدالتی کمیشن میں حاضر ہوئے تو عمران خان کے وکیل نے ان سے 35 پنکچروں کے بارے میں کوئی سوال نہیں کیا۔ اپنی طرف سے نجم سیٹھی نے عمران خان اور ڈاکٹر شاہد مسعود پر ہتک عزت کا دعویٰ کیا اور مسلسل عدم حاضری پر عدالت نے ان پر 5 ہزار روپے جرمانہ عائد کیا جو عمران خان نے ادا کر کے جواب دہی کے لئے مزید وقت مانگا جبکہ شاہد مسعود کا موقف تھا کہ انہوں نے عمران خان کے الفاظ دہرائے تھے۔ آغا مرتضیٰ پویا کی جانب سے تردید کے بعد اب 35 پنکچروں سے متعلق الزام ہی پنکچر ہوگیا اور اس سے ہوا نکل گئی ہے۔
اسلام آباد (رپورٹ : شکیل شیخ) معروف شخصیت آغا مرتضیٰ پویا نے منگل کی شب اس بات کی سختی سے تردید کی کہ امریکی سفیر نے 2013ء کے عام انتخابات میں نگراں وزیراعلیٰ پنجاب نجم سیٹھی کی بدنامی کا باعث بننے والی 35 پنکچروں کی کہانی سنائی تھی۔ انہوں نے کہا کہ یہ قطعی جھوٹ ہے اور امریکی سفیر نے کبھی مجھ سے ایسی بات نہیں کی۔ آغا مرتضیٰ پویا کا نام منگل کو اس وقت سامنے آیا جب تحریک انصاف کے ایک رہنما نعیم الحق کے مطابق 35 پنکچروں سے متعلق نجم سیٹھی اور نوازشریف کے درمیان ٹیلی فونک گفتگو کے بارے میں امریکی سفیر نے مرتضیٰ پویا کو آگاہ کیا۔ تحریک انصاف کے سربراہ عمران خان 35 پنکچروں کے حوالے سے نجم سیٹھی کو مورد الزام ٹھہراتے رہے ہیں اور کیچڑ اُچھالتے ہوئے یہاںتک کہا کہ نجم سیٹھی نے جیو ٹی وی کو پاکستان کرکٹ بورڈ کے نشریاتی حقوق دیئے۔ تاہم جب نجم سیٹھی عدالتی کمیشن میں حاضر ہوئے تو عمران خان کے وکیل نے ان سے 35 پنکچروں کے بارے میں کوئی سوال نہیں کیا۔ اپنی طرف سے نجم سیٹھی نے عمران خان اور ڈاکٹر شاہد مسعود پر ہتک عزت کا دعویٰ کیا اور مسلسل عدم حاضری پر عدالت نے ان پر 5 ہزار روپے جرمانہ عائد کیا جو عمران خان نے ادا کر کے جواب دہی کے لئے مزید وقت مانگا جبکہ شاہد مسعود کا موقف تھا کہ انہوں نے عمران خان کے الفاظ دہرائے تھے۔ آغا مرتضیٰ پویا کی جانب سے تردید کے بعد اب 35 پنکچروں سے متعلق الزام ہی پنکچر ہوگیا اور اس سے ہوا نکل گئی ہے۔