لقمان پنجابی
محفلین
مندرا ۔۔ امریکی سفیر رچرڈ اولسن نے عالمی صحت دے دن دی مناسبت نال پاکستان وچ اک وڈے آکھاں دے علاج معالجے دے ہسپتال، لیٹن رحمت اللہ بینولنٹ ٹرسٹ (ایل آر بی ٹی) مندرا پنجاب، دا دورہ کیتا۔ ایل آر بی ٹی نوں امریکی ادارہ برائے بین الاقوامی ترقی یو ایس ایڈ نے اپنڑیں نکی گرانٹ منصوبے دے تحت مالی امداد فراہم کیتی جیدے تحت 11417 پاکستانی زنانیاں دا ایل آر بی ٹی وچ آپریشن کیتا گیا۔
ایس امداد دے ذریعے او لوکی مستفید ہوندے نے جیڑے موتیے تے اکھاں دیاں دوجیاں بیماریاں دے علاج معالجے دا خرچہ برداشت نہی کر سکدے۔ پچھلے سال ، یو ایس ایڈ نے ایل آر بی ٹی دے نال سانجھہ وچ پاکستان بھر توں چھے ہسپتالاں وچ آپریشناں لئی مالی امداد دیتی، اے ہسپتال اکوڑہ خٹک، مانسہرہ، خانیوال مندرا، لار تے رشید آباد وچ واقع نے۔
رچرڈ اولسن نے آکھیا "کہ ایل آر بی ٹی دی کامیابی ساڈے دوواں ملکاں دے درمیان صحت دے متعلق مشکل مسئلیاں دے حل دی اک شاندار مثال وے۔ یو ایس ایڈ دا نکی گرانٹ دا منصوبہ پاکستانی تنظیماں دیاں کاوشاں نو پورے ملک وچ وداھاوا دیندا وے۔ تے مینوں بڑی خوشی وے کے اسی ایل آر بی ٹی دے نال رل کے چوکھیاں پاکستانی زنانیاں دیاں زندگیاں وچ بہتری لیاندی وے۔"
ایس تقریب دے وچ رچرڈ اولسن نے ہسپتال دا دورہ کیتا تے آپریشناں دے وقت جدید ٹیکنالوجی دے استعمال دا مشاہدہ کیتا تے یو ایس ایڈ دی مالی امداد نال آپریشناں تو فائدہ چکنڑ آلیاں زنانیاں دے وچار سنڑے کے کیداں اوناں دی ذندگیاں انکھاں وناڑ توں بعد بہتر ہویاں۔
یو ایس ایڈ دا 25 ملین ڈالر دی لاگت آلا پنج سالہ نکی گرانٹ منصوبہ پاکستانی غیر سرکاری تنظیماں، سول سوسائٹی گروپ نجی شعبہ وچ کم کرنڑ آلیاں تنظیماں تے آبادیاں نو موقعے فراہم کردا وے کےا وہ نکے توں درمیانی سطح دے منصوبیاں دی مالی امداد لئی درخواست دینڑ جیڑے روزگار، تعلیم دے بہتر موقعے پیدا کرنڑ تے توانائی دے وسیلیاں وچ وادھا کرنڑ۔ ہنڑتائیں یو ایس ایڈ نے نکے گرانٹ پروگرام دے تحت ایک کروڑ پنج لکھہ ڈالر مالیت دیاں 23 گرانٹاں توانائی، تعلیم، تعلیم بالغاں تے معاشی پالیسی دے جدید منصوبیاں لئی فراہم کیتیاں نے۔ نکے گرانٹ منصوبے وارے ہور جان کاری لئی اے ویب سائٹ ویکھو:
لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
http://www.facebook.com/USDOTPunjabi