لقمان پنجابی
محفلین
اسلام پور، سیدوشریف، سوات تو 12 کلو میٹر دور آباد اے، جیتھے دی 75 فیصد آبادی اپنی روزی روٹی شالاں (چادراں) دی بنائی ذریعے کماندی اے۔ 3 دسمبر 2013 نوں یو ایس ایڈ نے اپنے فرم پراجیکٹ ذریعے اسلام پور دے علاقے دے 38 جلاہیاں نوں منڈی دے دا پیچ سکھان لئی دو دیہاڑ کاروباری حکمت عملی، دام لاون، مال دی وکری لئی خریدار دی منگ تے مال دی نمائیش دی تربیت دا بندوبست کیتا۔ تے 4 دسمبر 2013 نوں یو ایس ایڈ دے فرم پراجیکٹ نے اسلام پور دے 30 جلاہیاں دے تیار مال دی تگڑے خریداراں لئی نمائیش دا بندوبست کیتا۔
شہری آبادی دے ست چوٹی دے خریداراں، چینّون ہوم، چینّون ایپیرل، کھڈی، شوبھیناک، ایگوبیچ ٹری، تے ماریہ بی نے علاقے وچوں مال دی خرید دے موقعے ویکھن لئی اپنے نمائیندے گھلے۔ نمائیش آلے دن جلاہیاں کوئی لگ بگ 3 لکھ 60 ہزار روپے دی وکری کیتی تے کئی خریداراں ولوں آزمائیشی مال دی خرید لئی فرمائیشاں وی لئیاں۔
اسلام پور دے جلاہیاں یو ایس ایڈ دا شکریہ ادا کیتا کے اونے اک تگڑے کاروباری موقعے دی راہ کھولی، تے ایدے چ شامل کاروباری حضرات نے شہری آبادی نال لمے عرصے جاری رہن آلی سانجھ کاری دی امید تے خوشی دا اظہار کیتا۔