اشعار میں محاوروں کا استعمال

[مومن فرحین]

دل کو جو دیکھ لو تو یہی پیار سے کہو
قربان جائیے ترے قربان جائیے

 

[سیما علی]

دل لے کے مجھ سے کہتے ہیں کچھ کام کا نہیں
الٹی شکایتیں ہوئیں احسان تو گیا

بٹیا یہ اسطر ح نہیں ہے
دل لے کے مفت کہتے ہیں کچھ کام کا نہیں
الٹی شکایتیں ہوئیں احسان تو گیا!!!!!!
داغ دہلوی

 

[مومن فرحین]

بٹیا یہ اسطر ح نہیں ہے
دل لے کے مفت کہتے ہیں کچھ کام کا نہیں
الٹی شکایتیں ہوئیں احسان تو گیا!!!!!!
داغ دہلوی

اوہ شکریہ اپیا ۔۔۔ دونوں اشعار لکھنے میں گڑ بڑ ہو گئی تھی

 

[سیما علی]

لے چلا جان مری روٹھ کے جانا تیرا
ایسے آنے سے تو بہتر تھا نہ آنا تیرا

 

[سیما علی]

ہاتھ رکھ کر جو وہ پوچھے دل بیتاب کا حال
ہو بھی آرام تو کہہ دوں مجھے آرام نہیں

 

[سیما علی]

تھی خبر گرم کہ غالبؔ کے اُڑیں گے پرزے

دیکھنے ہم بھی گئے تھے، پہ تماشا نہ ہوا !!!

 

[سیما علی]

میرؔ عمداً بھی کوئی مرتا ہے
جان ہے تو جہان ہے پیارے
میر تقی میر

 

[سیما علی]

نالۂ بلبل شیدا تو سنا ہنس ہنس کر
اب جگر تھام کے بیٹھو مری باری آئی

لالہ مادھو رام جوہر

 

[سیما علی]

لگے منہ بھی چڑھانے دیتے دیتے گالیاں صاحب
زباں بگڑی تو بگڑی تھی خبر لیجے دہن بگڑا

حیدر علی آتش

 

[سیما علی]

پیری میں ولولے وہ کہاں ہیں شباب کے
اک دھوپ تھی کہ ساتھ گئی آفتاب کے

منشی خوش وقت علی خورشید