اشعار - حروف تہجی کے لحاظ سے

[شمشاد]

یہ ادا ہوئی کہ جفا ہوئی یہ کرم ہوا کہ سزا ہوئی
اسے شوق دید عطا کیا جو نگہ کی تاب نہ لا سکے
جوشؔ ملسیانی

 

[سیما علی]

یہ تیز دھوپ ہمیں کیسے سانولا کرتی
ہمارے سر پہ دعاؤں کا شامیانہ تھا

معین شاداب

 

[شمشاد]

اے نکیلے یہ تھی کہاں کی ادا
کھب گئی جی میں تیری بانکی ادا
میر تقی میر

 

[سیما علی]

بھولی ہوئی صدا ہوں مجھے یاد کیجیے
تم سے کہیں ملا ہوں مجھے یاد کیجیے
منزل نہیں ہوں ، خضر نہیں ، راہزن نہیں
منزل کا راستہ ہوں مجھے یاد کیجیے

ساغر صدیقی

 

[سیما علی]

پہلے پہل تو جی نہ لگا پردیس کے ان لوگوں میں
رفتہ رفتہ اپنے ہی گھر سے سارے ناطے ٹوٹے۔۔۔۔
منیر نیازی

 

[سیما علی]

تھا جو ناخوب بتدریج وہی خوب ہوا
کہ غلامی میں بدل جاتا ہے قوموں کا ضمیر
علامہ اقبالؒ

 

[سیما علی]

ٹ:
ٹوٹا تو ہوں مگر ابھی بکھرا نہیں فراز
میرے بدن پہ جیسے شکستوں کا جال ہو


اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ؤ ہ ھ ء ی ے

 

[سیما علی]

ث:
ثبوت ہے یہ محبت کی سادہ لوحی کا
جب اس نے وعدہ کیا ہم نے اعتبار کیا
جوش ملیح آبادی

 

[سیما علی]

ج:

جب سے آنکھیں لگی ہیں ہماری نیند نہیں آتی ہے رات
تکتے راہ رہے ہیں دن کو آنکھوں میں جاتی ہے رات

میر

 

[سیما علی]

چ:

چھڑیاں ہیں آج چل کر دل کو حسن تو بہلا
نکلے ہیں سیر کرنے سب خوبرو رتوں پر
میرحسن

 

[سیما علی]

ح:
حیات لے کے چلو، کائینات لے کے چلو
چلو تو سارے زمانے کو ساتھ لے کے چلو
(مخدوم محی الدین)

 

[شمشاد]

خفا دیکھا ہے اس کو خواب میں دل سخت مضطر ہے
کھلا دے دیکھیے کیا کیا گل تعبیر خواب اپنا
نظیر اکبرآبادی

 

[لاريب اخلاص]

دل دے تو اس مزاج کا پروردگار دے
جو رنج کی گھڑی بھی خوشی سے گزار دے
داغؔ دہلوی

 

[شمشاد]

ڈال ڈال کو کئی کوئل کی
ادائیں بھی غضب تھیں
شمیم علوی

 

[سیما علی]

ذ
ذرا سی بات پے ہر رسم توڑ آیا تھا
دلِ تباہ نے بھی کیا مزاج پایا تھا
(جان نثار اختر)

 

[سیما علی]

رات گزری ہے سب تڑپتے میر
آنکھ لگ جائے گر تو سو لو تم

میر تقی میر

 

[سیما علی]

ز
زندگی جبر مسلسل کی طرح کاٹی ہے
جانےکس جرم کی پائی ہے سزا یاد نہیں
ساغر صدیقی




اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ؤ ہ ھ ء ی ے

 

[سیما علی]

ساتھ چلنے کو چلے تھے دوست دشمن سب مگر
میری منزل تک کا ساتھی میرا سایہ نکلا

 

[لاريب اخلاص]

شام پڑتے ہی کسی شخص کی یاد
کوچۂ جاں میں صدا کرتی ہے
پروین شاکر

 

[لاريب اخلاص]

صبر اے دل کہ یہ حالت نہیں دیکھی جاتی
ٹھہر اے درد کہ اب ضبط کا یارا نہ رہا
حبیب اشعر دہلوی