اشعار - حروف تہجی کے لحاظ سے

[شمشاد]

بسکہ دشوار ہے ہر کام کا آساں ہونا
آدمی کو بھی میسر نہیں انساں ہونا
(چچا)

 

[عمر سیف]

پاؤں اٹھتے تھے اُسی منزلِ وحشت کی طرف
راہ تکتے تھے جہاں راہ کے پتھر کیا کیا

 

[شمشاد]

توبہ میری جام شکن، جام مئے توبہ شکن
سامنے ڈھیر ہے ٹوٹے ہوئے پیمانوں کا

 

[عمر سیف]

ٹوٹے ہوئے مرقد بھی ذرا دیکھ لے چل کر
تنہائی میں نقشے نہ بنا تاج محل کے

 

[شمشاد]

ث سے معذرت

جلوۂ گل نے کیا تھا واں چراغاں آب جو
یاں رواں مژگانِ چشمِ تر سے خونِ ناب تھا
(چچا)

 

[عمر سیف]

ث سے
ثبوت ہے یہ محبت کی سادہ لوحی کا
جب اس نے وعدہ کیا ہم نے اعتبار کیا

چ سے
چوٹ کھانے کا بڑا شوق تھا تم کو اختر
درد مہکا ہے تو اب شور مچاتے کیوں ہو

 

[شمشاد]

چوٹ کھانے کا بڑا شوق تھا تم ہم اختر
درد مہکا ہے تو اب شور مچاتے کیوں ہو

عمر بھائی پہلے مصرعے میں کچھ گڑبڑ لگ رہی ہے۔

 

[عمر سیف]

عمر بھائی پہلے مصرعے میں کچھ گڑبڑ لگ رہی ہے۔

درست کردیا وہی دیکھ رہا تھا ۔۔

 

[شمشاد]

حال دل نہیں معلوم، لیکن اس قدر یعنی
ہم نے بار ہا ڈھونڈھا، تم نے بارہا پایا
(چچا)

 

[عمر سیف]

شمشاد بھائی ڈھونڈھا ایسے لکھتے ہیں کیا ؟؟ یا ڈھونڈا ؟؟

خلقت پہ سادگی کا میں الزام کیا دھروں
جتنے شگاف تھے میری دانائیوں میں تھے

 

[شمشاد]

شمشاد بھائی ڈھونڈھا ایسے لکھتے ہیں کیا ؟؟ یا ڈھونڈا ؟؟

میرے خیال میں "ڈھونڈا" صحیح لفظ ہے۔

 

[شمشاد]

درماندگی میں غالبؔ کچھ بن پڑے تو جانوں
جب رشتہ بے گرہ تھا، ناخن گرہ کشا تھا
(چچا)

 

[عمر سیف]

میرے خیال میں "ڈھونڈا" صحیح لفظ ہے۔

پوسٹ نمبر 1009 میں درست کر لیں۔۔

 

[ماہی احمد]

ڈھونڈو گے اگر ملکوں ملکوں، ملنے کے نہیں نایاب ہیں ہم
تعبیر ہے جس کی حسرت و غم، اے ہم نفسو وہ خواب ہیں ہم۔

 

[شمشاد]

پوسٹ نمبر 1009 میں درست کر لیں۔۔

عمر بھائی دیوان غالب میں ویسے ہی لکھا ہوا ہے۔

 

[شمشاد]

ذہن پہ چھائی ہوئی غم کی گھٹا ہو جیسے
درد میں ڈوبی ہوئی ساری فضا ہو جیسے
(کرشن ادیب)

 

[ماہی احمد]

رنج سے خوگر ہوا انساں تو مٹ جاتا ہے غم
مشکلیں اتنی پڑیں کہ آساں ہو گئیں

غالب

 

[شمشاد]

زبان سُخن کو، سُخن بانکپن کو ترسے گا
سُخن کدہ میری طرزِ سُخن کو ترسے گا
(ناصر کاظمی)

 

[ماہی احمد]

سن تو صحیح جہاں میں ہے تیرا فسانہ کیا
کہتی ہے تجھ کو خلقِ خدا غائبانہ کیا

 

[شمشاد]

شعلہء حسن چمن میں نہ دکھایا اُس نے
ورنہ بُلبُل کو بھی پروانہ بنایا ہوتا
(بہادر شاہ ظفر)