اشعار - حروف تہجی کے لحاظ سے

[شمشاد]

ذکر ان کا جو ہوا آنکھوں سے برسات ہوئی
ہاں مرے ساتھ عجب سازش حالات ہوئی
نوشاد مونس اعظمی

 

[گُلِ یاسمیں]

رنگ باتیں کریں اور باتوں سے خوشبو آئے
درد پھولوں کی طرح مہکے اگر تو آئے

 

[گُلِ یاسمیں]

زندگی بھر نہ ہوا ختم قیامت کا عذاب
ہم نے ہر سانس میں برپا نیا محشر دیکھا
اتنا بے حس کہ پگھلتا ہی نہ تھا باتوں سے
آدمی تھا کہ تراشا ہوا پتھر دیکھا
( محسن نقوی)

 

[گُلِ یاسمیں]

سوچا کئے کہ ٹوٹ نہ جائے کسی کا دل
گزری ہے اپنی عمر اسی دیکھ بھال میں
خالد وہ۔ بات تو اب اسے یاد بھی نہیں
ہم جی کو خون کر گئے جس کے ملال میں

 

[گُلِ یاسمیں]

شمار میں نہ کروں گا فراق کے شب و روز
وہیں سے بات چلے گی جہاں سے ٹوٹی تھی

 

[گُلِ یاسمیں]

صحن گلشن کا یہ عالم تھا کہ جب آندھی ر کی
ہر طرف بکھرے ہوئے کچھ تتلیوں کے پر ملے

 

[گُلِ یاسمیں]

ضبط کا شوق بھی ہے عہد کا پیماں بھی ہے
عہد و پیماں سے گزر جانے کو جی چاہتا ہے
ضبط اتنا ہے کہ ہر رگ میں ہے محشر برپا
اور سکوں ایسا کہ مر جانے کو جی چاہتا ہے

 

[گُلِ یاسمیں]

طرز کلام ان کا ہوا طرز خاص و عام
بدلیں گے اب وہ بات کا انداز کس طرح

( امجد اسلام امجد)

 

[گُلِ یاسمیں]

ظاہر کی آنکھ سے نہ تماشا کرے کوئی
ہو دیکھنا تو دیدہ ء دل وا کرے کوئی
منصور کو ہوا لب گویا پیام موت
اب کیا کسی کے عشق کا دعوی کرے کوئی

 

[شمشاد]

طریق خوب ہے آپس میں آشنائی کا
نہ پیش آوے اگر مرحلہ جدائی کا
میر تقی میر

 

[سیما علی]

عدو کے سامنے ہتھیار ڈالنے والا
کوئی فراز سا کافر نہیں تھا غازی تھا

 

[سیما علی]

غلط بیاں یہ فضا مہر و کیں دروغ دروغ
شراب لاؤ غم کفر و دیں دروغ دروغ

 

[سیما علی]

فہمیدہ ہے جو تجھ کو تو فہمید سے نکل
اور دید کا جو شوق ہے تو دید سے نکل
مصحفی غلام ہمدانی

 

[گُلِ یاسمیں]

قمر اپنے داغ دل کی وہ کہانی میں نے چھیڑی
کہ سنا کیے ستارے مرا رات بھر فسانہ

 

[گُلِ یاسمیں]

کون جانے کہ نئے سال میں تو کس کو پڑھے
تیرا معیار بدلتا ہے نصابوں کی طرح

 

[گُلِ یاسمیں]

گھروں میں جب تلک رہنا
سفر کی جستجو کرنا
سفر میں جب تلک رہنا
گھروں کی گفتگو کرنا

 

[گُلِ یاسمیں]

لوگ چپ چاپ ہیں اگر انہیں بے حس نہ کہو
شدت غم سے بھی بن جاتے ہیں پتھر چہرے

 

[گُلِ یاسمیں]

میں بھی انا پرست، وہ بھی انا پرست
پھر یوں ہوا کہ رستے یکجا نہیں رہے

 

[گُلِ یاسمیں]

نئی رتوں میں دکھوں کے سلسلے بھی ہیں نئے
وہ زخم تازہ ہوئے ہیں جو بھرنے والے تھے

 

[گُلِ یاسمیں]

وحشتوں کی ویرانی کچھ یوں بھی گھر کر آتی ہے
بارش کی رم جھم میں دل بوجھل بوجھل رہتا ہے
یادوں کے جنگل کی بند کھڑکی بھی کھلتی ہے
عجب دکھوں کے میلے میں ایک شورسا برپا رہتا ہے