مقدس
لائبریرین
ہاں تو جناب! وقت آگیا ہے پھر سے ایک اور شخصیت کی پٹائی کا۔۔ اپسس میرا مطلب ایک اور شخصیت کے بارے میں اپنے تاثرات بیان کرنے کا۔۔
ہاں تو جی اس ہفتے کی مہمان شخصیت ایک ایسے بھائی ہیں جو لوگوں کی بستی کرنے میں ماہر سمجھے جاتے ہیں۔۔ہر بات کا جواب پہلے سے گھڑ کر رکھا ہوتا ہے۔۔ خاصے نکمے، فارغ اور ویلے انسان ہیں۔۔ جاب تو کرتے ہیں لیکن وہاں بھی عموما٘ چائے اور نیٹ کے شغل میں لگے رہتے ہیں۔ ان کا بھاری بھر کم تعارف کرانے کے بعد کتنا عرصہ میری ان سے بات نہیں ہوئی کہ یہ اتنی مشکل باتیں کرنے والا بندہ کتنا بورنگ ہو گا لیکن ہونی کو کون ٹال سکتا ہے۔۔ ہمارا ان سے آخرکار ٹاکرا ہو ہی گیا۔۔ اپنے تعارف میں صرف ایک ہی بات تو سچ لکھی تھی بھائی میاں نے کہ "کہ لے دیکھ لے میاں میرے اندر بھی کچھ نہیں" ہی ہی ہی ہی۔۔
محفل پر انہیں تلاش کرنا ہو تو سب سے پہلے یہ دیکھیں کہ نیلم نے موجودہ کہاوت کہاں لکھی۔ اس کے آس کے پاس ہی کہیں نہ کہیں پائے جائیں گے۔۔نیلم کے ساتھ ان کی پارٹنر شپ خاصی کامیابی سے چل رہی ہے۔۔ ادھر وہ کہاوت پوسٹ کرتی ہے ادھر بھائی جی اس پر چھرا پھیرنے حاضر ہو جاتے ہیں۔۔ ہی ہی ہی ۔۔ خاصے خوش مزاج واقع ہوئے ہیں لیکن اگر یہ کسی کو تنگ کرنا چاہیں تو تب تک پیچھے نہیں ہٹتے جب تک اگلا بندہ ہاتھ جوڑ کر معافی نہ مانگ لے۔
بھائی جی کو ایک یہ بھی خوش فہمی لاحق ہے کہ وہ بہت معصوم ہیں۔۔ جبکہ ہم بہنیں ان کو اکثر اس بات کا احساس دلاتی رہتی ہیں کہ دوسروں کی ایسی باتوں کو دل پر مت لیا کریں۔۔ لیکن یہ ہیں کہ سمجھتے ہی نہیں۔۔
اب مذاق ختم۔۔۔ ہماری آج کے مہمان ایک ایسے بھائی ہیں جو بہت پیارے، سوفٹ نیچر، اسٹریٹ فارورڈ اور بلا کے ذہین ہیں۔۔ ہر کام میں آگے۔۔ شاعری خود تو نہیں کرتے لیکن اعلٰی ذوق کے مالک ہیں۔ بہترین نثر نگاری کرتے ہیں۔۔ ہر ایک کی مدد کرنے میں آگے آگے۔۔ کسی کو پریشان نہیں دیکھ سکتے اور سب سے خاص بات بہنوں ، بیٹیوں کی آنکھ میں آنسو تو ان سے برداشت ہی نہیں ہوتے۔۔ ان کا بس چلے تو ساری دنیا کی خوشیاں ان کے دامن میں ڈال دیں۔۔
عشو بے بی سے ان کی محبت کسی سے ڈھکی چھپی نہیں۔۔ اس کا ذکر، جس مان اور پیار سے کرتے ہیں۔۔ دل کرتا ہے کہ سنتے رہو۔۔ اس کی چھوٹی چھوٹی باتوں پر گھنٹوں سرشار رہتے ہیں۔۔ اور ان کو کتنے فخر کے ساتھ ہمارے ساتھ شئیر کرتے ہیں۔۔
ہاں جی میں انہی کا ذکر کر رہی ہوں جو ایک لونگ بابا ہیں عشو کے، جو اپنے امی اور ابو کے ہونہار بیٹے ہیں۔۔ ایک بہت ہی کئیرنگ ہسبینڈ ہیں۔۔ اور ساتھ میں بہنوں کے ایک بہترین بھیااا۔
تو آئیں آج کی مہمان شخصیت کے بارے میں اپنے تاثرات کا اظہار کریں۔کرنا یہ ہے کہ آپ نے اپنی رائے اپنے ہی الفاظ میں یا ان دیے گئے سوالات کے جوابات کی صورت میں دینا ہے اب یہ آپکی مرضی ہے کہ آپ چاہیں تو سب سوالات کے جوابات دیں یا پھر صرف چند ایک کے۔
مہمان شخصیت سے پہلی دفعہ بات چیت کا آغاز کب اور کیسے ہوا؟
مہمان شخصیت کے بارے میں آپ کا پہلا تاثر کیا تھا اور اب تک آپ نے ان کو کیسا پایا ہے؟
مہمان شخصیت کی کون سی عادت آپ کو سب سے زیادہ اچھی لگتی ہے؟
مہمان شخصیت پر غصہ کرنے کا موقع دیا جائے تو کیسے کریں گے؟
مہمان شخصیت کے ہاتھ کا بنا کھانا کھانے کا رسک لیں گے یا بھوکا رہنا برداشت کر لیں گے؟
مہمان شخصیت سے آپ نے کچھ سیکھا یا سیکھنا چاہیں گے؟
مہمان شخصیت کے لیے کوئی مشورہ اور کوئی فرمائش؟
مہمان شخصیت کے اوتار اور دستخط کے بارے میں آپ کی کوئی رائے؟
مہمان شخصیت کو آپ محفل کےکن زمروں میں زیادہ دیکھنا چاہتے ہیں؟
مہمان شخصیت کے پوسٹ کیے گئے دھاگوں میں آپ کا پسندیدہ ترین دھاگہ؟
مہمان شخصیت کے کمنٹس جو آپ کو یاد رہ گئے ہوں؟
مہمان شخصیت کو آپ کوئی ٹائیٹل دینا چاہیں؟
