اس نظم کی اصلاح فرمائیں

[محسن اعوان]

تم نے ایسا کیوں کہا
مرد سب ہیں بے وفا
لیلیٰ پر جو مر گیا
پھر وہ مجنوں کون تھا
تم نے ایسا کیوں کہا
عورتیں ہیں با وفا
عیسٰیؑ نے جو زندہ کی
سوچ اُس زن کو ذرا
مجھ کو چاہت مت سکھا
اپنے بارے میں بتا
تم نے جو دھوکہ دیا
اس کا بھی کچھ ہو گا کیا
بحث میں اب ہار جا
بات میری مان جا
تم نے مجھ کو جو کہا
سب کا سب ہے بے تکا

 

[محمد خلیل الرحمٰن]

لیلیٰ پر جو مر گیا
پھر وہ مجنوں کون تھا

لیلیٰ کی ی گررہی ہے

عیسٰیؑ نے جو زندہ کی
سوچ اُس زن کو ذرا

عیسیٰ کی ی اور ژندہ کی ہ گر رہی ہے۔

تم نے جو دھوکہ دیا
اس کا بھی کچھ ہو گا کیا

ہوگا کا الف گر رہا ہے

 

[محسن اعوان]

ہوگا کا الف گر رہا ہے

سر اس بارے میں ذرا تفصیل سے بتائیں یہ حرف کیسے گر رہے ہیں اور اس سے کیا فرق پڑے گا

 

[محسن اعوان]

سر ان الفاظ کو گرا کر ہی شعر وزن میں آئے گا

 

[محمد احسن سمیع راحلؔ]

سر ان الفاظ کو گرا کر ہی شعر وزن میں آئے گا

بیٹا ایک تو ہر حرف کو گرانے کی اجازت نہیں ہوتی. مثلا عربی اور فارسی الفاظ میں تو حروف علت کا اسقاط بالکل جائز نہیں. ہاں، ہائے خفی کو تقطیع میں شمار نہیں کیا جاتا.
دیسی الفاظ میں محض حروف علت، یعنی الف، واؤ اور یائے کو بوقت ضرورت گرایا جا سکتا ہے، الا یہ کہ روانی میں زیادہ فرق نہ پڑے.
حروف ناطق خواہ دیسی الفاظ کے ہوں یا عربی فارسی، ان کا تقطیع میں بہرصورت شمار کیا جائے گا.

 

[محمد احسن سمیع راحلؔ]

مجھ کو چاہت مت سکھا
اپنے بارے میں بتا

نظم آپ نے "تم" کے صیغے سے شروع کی، اس لیے تاآخر آپ کو یہی ضمیر استعمال کرنا پڑے گی، بیچ بیچ میں تو کا صیغہ نہیں آ سکتا جیسے محولہ بالا مصرعوں میں ہے.

 

[محسن اعوان]

نظم آپ نے "تم" کے صیغے سے شروع کی، اس لیے تاآخر آپ کو یہی ضمیر استعمال کرنا پڑے گی، بیچ بیچ میں تو کا صیغہ نہیں آ سکتا جیسے محولہ بالا مصرعوں میں ہے

بہت شکریا سر جی آپ کا میں اس کو درست کرنے کی کوشش کروں گا

 

[محسن اعوان]

بیٹا ایک تو ہر حرف کو گرانے کی اجازت نہیں ہوتی. مثلا عربی اور فارسی الفاظ میں تو حروف علت کا اسقاط بالکل جائز نہیں. ہاں، ہائے خفی کو تقطیع میں شمار نہیں کیا جاتا.
دیسی الفاظ میں محض حروف علت، یعنی الف، واؤ اور یائے کو بوقت ضرورت گرایا جا سکتا ہے، الا یہ کہ روانی میں زیادہ فرق نہ پڑے.
حروف ناطق خواہ دیسی الفاظ کے ہوں یا عربی فارسی، ان کا تقطیع میں بہرصورت شمار کیا جائے گا

بہت شکریہ سر جی

 

[محسن اعوان]

ہائے خفی کو تقطیع میں شمار نہیں کیا جاتا

سر جی اس کے بارے میں تھوڑا بتا دیجے

 

[محمد احسن سمیع راحلؔ]

سر جی اس کے بارے میں تھوڑا بتا دیجے

ہائے خفی کو عرفِ عام میں سلسلہ والی ہ بھی کہتے ہیں ۔۔۔ یعنی سلسلہ، رشتہ، روپیہ، پیسہ، آہستہ، شائستہ وغیرہ کے آخر میں جو ہ آتی ہے۔
اسی طرح ہائے مخلوط یعنی دو چشمی ھ کو بھی تقطیع میں شمار نہیں کیا جاتا۔ مثلا تقطیع میں دھول کو دول لکھیں گے۔

 

[محسن اعوان]

ہائے خفی کو عرفِ عام میں سلسلہ والی ہ بھی کہتے ہیں ۔۔۔ یعنی سلسلہ، رشتہ، روپیہ، پیسہ، آہستہ، شائستہ وغیرہ کے آخر میں جو ہ آتی ہے۔
اسی طرح ہائے مخلوط یعنی دو چشمی ھ کو بھی تقطیع میں شمار نہیں کیا جاتا۔ مثلا تقطیع میں دھول کو دول لکھیں گے۔

سر لفظ زندہ میں اس کی کون سی قسم ہے

 

[محمد احسن سمیع راحلؔ]

۔

 

[محسن اعوان]

۔

سر ایک اور بات کے باوقتِ ضرورت ہم گا، گی،گے یا کا کی کے کو فَ کے وزن پر لے سکتے ہیں یعنی الف کو گرا سکتے ہیں اور بعض دفعہ نہ، کہ وغیرہ کو ہم فا کے وزن پر لیتے ہیں اور کبھی ف کے وزن پر اس کے بارے بتا دیں اس بات نے مجھے بہت پریشان کر رکھا ہے

 

[محمد احسن سمیع راحلؔ]

سر ایک اور بات کے باوقتِ ضرورت ہم گا، گی،گے یا کا کی کے کو فَ کے وزن پر لے سکتے ہیں یعنی الف کو گرا سکتے ہیں اور بعض دفعہ نہ، کہ وغیرہ کو ہم فا کے وزن پر لیتے ہیں اور کبھی ف کے وزن پر اس کے بارے بتا دیں اس بات نے مجھے بہت پریشان کر رکھا ہے

زندہ کی بابت میرا پچھلا مراسلہ غلط رائے پر مبنی تھا، اسی لیے حذف کر دیا۔ میرے خیال میں زندہ کی ہ، ہائے خفی ہے اور اس کا اسقاط ہو سکتا ہے۔

گا، گے، گی یا کا کی کے وغیرہ کے الف اور یائے کا اسقاط جائز ہے، اگر روانی میں خلل نہ آئے۔ روانی متاثر ہونے کا کوئی فارمولا نہیں، یہ پہچان تجربے اور مطالعے سے ہی بالاستیعاب ممکن ہے۔
نہ اور کہ کو فا کے وزن پر نہیں لے سکتے۔ ان کا وزن یک حرفی ہی ہوتا ہے۔

 

[محسن اعوان]

زندہ کی بابت میرا پچھلا مراسلہ غلط رائے پر مبنی تھا، اسی لیے حذف کر دیا۔ میرے خیال میں زندہ کی ہ، ہائے خفی ہے اور اس کا اسقاط ہو سکتا ہے۔

گا، گے، گی یا کا کی کے وغیرہ کے الف اور یائے کا اسقاط جائز ہے، اگر روانی میں خلل نہ آئے۔ روانی متاثر ہونے کا کوئی فارمولا نہیں، یہ پہچان تجربے اور مطالعے سے ہی بالاستیعاب ممکن ہے۔
نہ اور کہ کو فا کے وزن پر نہیں لے سکتے۔ ان کا وزن یک حرفی ہی ہوتا ہے۔

بہت شکریہ سر جی آپ کا