ٹائپنگ مکمل اسکول کے کتب خانے

شمشاد

لائبریرین
اسکول کے کتب خانے
صفحہ 92
اس قسم کے کارڈ چھپوا لئے جائیں اس سے کتابوں کے انتخاب اور خریداری میں سہولت ہو جاتی ہے۔ اگر کتاب خانہ کے حالات اس کی اجازت نہ دیتے ہوں کہ مجوزہ کارڈ چھپوایا جائے تو پھر اس صورت میں بڑے سائز کے کاغذ کو چار برابر حصوں میں تقسیم کر کے ہر حصہ پر مجوزہ کارڈ پر دیئے گئے مواد کو ٹائپ کر لیا جائے۔ بہتر صورت تو یہ ہو گی کہ اس کا اسٹینسل اس طرح کاٹ لیا جائے کہ ہر کاغذ پر چار پرچیاں چھپ سکیں۔ یہ پرچیاں منتخبہ کارڈ کا کام دے سکتی ہیں۔ ان پرچیوں پر تمام ضروری اندراجات کر کے ترتیب سے یکجا کر لیا جائے اور دائیں طرف یا بائیں طرف پرچی پر پنچ سے دو (2) سوراخ کر کے مضبوط ڈوری سے باندھ لیا جائے۔ اس طرح سو (100) سو (100) پرچیوں کے بنڈل بنا لئے جائیں۔
تمام منتخبہ کتب کے کارڈز بنانے اور ترتیب دینے سے آئندہ جب کبھی کسی کتاب کی سفارش وصول ہو تو اس کو اس فائل میں دیکھا جا سکتا ہے۔ اگر اس فائل میں پہلے کا کارڈ یا مطلوبہ کتب کی پرچی موجود ہو تو پھر اس پر صرف مطلوبہ نسخے دیکھ لئے جائیں۔ اگر زائد نسخے طلب کئے گئے ہیں تو مطلوبہ نسخوں کی تعداد سابقہ پرچی پر ہی بڑھا دی جائے گی۔ ہر کتاب کا منتخبہ کارڈ یا پرچی اس فائل میں اس وقت تک رہنا چاہیے جب تک مطلوبہ کتاب کا آڈر کتب فروش کو نہ بھیج دیا جائے۔ اگر کتابوں کے آڈر کے لئے الگ مجوزہ آڈر پرچیاں کتب خانہ نے چھپوائی ہیں تو پھر اس منتخبہ کارڈ یا پرچی کو کتاب کا آرڈر دینے کے بعد تلف کیا جا سکتا ہے۔ ورنہ پھر اس کارڈ یا پرچی کو ایک دوسری فائل "آرڈر فائل" یا خریداری فائل میں منتقل کر دیا جائے اور اس کارڈ کی پُشت پر کتب فروش کا نام، آرڈر کی تاریخ اور آرڈر نمبر مزید لکھ دیا جائے۔ اب یہ کارڈ منتخبہ فائل سے آرڈر فائل میں منتقل ہو جائے گا۔
منتخبہ فائل میں لائبریرین کو اساتذہ، طلباء اور والدین کی تجویز کردہ کتب کے کارڈ تیار کر کے ترتیب سے رکھنا چاہیے اور جب کتب خانہ کو خریداری کے لئے رقم مہیا کی جائے تب اس منتخبہ فائل سے اتنی کتابوں کے کارڈ/پرچیاں نکال لی جائیں جن کو مہیا کردہ رقم سے خریدا جا سکتا ہو۔
کتابوں کی خریداری کے لئے ترقی یافتہ ملکوں میں تو مخصوص قسم کی آرڈر پرچیاں چھپوائی جاتی ہیں۔ بعض ادارے معمولی قیمت پر پرچیاں چھپی چھپائی مہیا کر دیتے ہیں۔ پاکستان میں اکثر کتب خانے یہ پرچیاں نہ ہی چھپوا سکتے ہیں اور نہ ہی باہر سے چھپی ہوئی حاصل کر سکتے ہیں۔ لہذا ایسے کتب خانے جو آرڈر پرچیاں نہیں چھپوا سکتے وہ تمام منتخبہ کارڈ یا پرچیاں جن پر درج کتابیں خریدنی ہیں مصنف یا عنوان کے اعتبار
 

شمشاد

لائبریرین
اسکول کے کتب خانے
صفحہ 93
سے ترتیب دے کر کاغذ پر تین نقلیں یا تو ٹائپ کرا لیں یا خوبصورت تحریر میں کاربن لگا کر لکھ لیں۔ ان میں سے ایک یعنی اصل کتب فروش کو آرڈر نمبر اور تاریخ لکھ کر روانہ کر دیں اور دو کاپی اپنے پاس فائل میں رکھ لیں جب کتابیں آ جائیں تو اپنی دونوں فہرستوں سے کتابیں جانچیں، رجسٹر داخلہ میں ہر کتاب کا اندراج کریں۔
اگر کسی کتب خانہ کے وسائل اس کی اجازت دیں کہ وہ آرڈر پرچیاں چھپوا سکتے ہوں تو پھر مندرجہ ذیل نمونے کے مطابق تین مختلف رنگوں کے کاغذ پر پرچیاں چھپوا لیں اور ان کی تین تین سو (یعنی ہر رنگ کی سو) کاپیاں بنوا لیں۔
نمونہ آرڈر کارڈ، انگریزی کُتب
سفید، پیلا، نیلا
card 2.png
 

مقدس

لائبریرین
عائشہ 101 سے 110 تک میں لیتی ہوں اگلے تین دن کے لیے
پرامس اس سے پہلے نہیں کروں گی
شمشاد بھیا میں نے ابھی اسٹارٹ نہیں کرنے۔۔ اگر آپ نے اوکے کیا تو اسٹارٹ کروں گی
پرامس
 

شمشاد

لائبریرین
عائشہ 101 سے 110 تک میں لیتی ہوں اگلے تین دن کے لیے
پرامس اس سے پہلے نہیں کروں گی
شمشاد بھیا میں نے ابھی اسٹارٹ نہیں کرنے۔۔ اگر آپ نے اوکے کیا تو اسٹارٹ کروں گی
پرامس
میری طرف سے اجازت ہے۔ اب عائشہ بھی مانے تب ہے۔
 

عائشہ عزیز

لائبریرین
(ص 87 )

لگایا جاسکتا ہے کہ کس موضوع پر کون سی کتب شائع ہوتی ہیں۔ جیسے پاکستان قومی کتابیات Pakistan National Bibliography. اس میں پاکستان میں ایک خاص مدت میں شائع ہونے والی کتب کی فہرست ہوتی ہے۔اس طرح دوسے ممالک سے بھی اسی قسم کی فہرستیں بعض سرکاری اور غیر سرکاری اداروں سے شائع ہوتی ہیں بیرونی مواد کے لیے ان سے مدد لی جاسکتی ہے۔

۲۔ کتب خانوں کے مطبوعہ کٹیلاگ

بعض کتب خانے اپنی کتابوں کے کٹیلاگ شائع کرتے ہیں۔ ان کی مدد سے بھی اندازہ کیا جاسکتا ہے کہ کونسی معیاری کتب اسکول کے کتب خانہ کے لیے مفید ہوسکتی ہیں۔ یہ عام تاثر لیا جاتا ہے کہ ہر کتب خانہ معیاری کتب خریدتا ہے لہٰذا اس کے کٹیلاگ میں شامل کتب معیاری ہوں گی۔ ان سے انتخاب سہولت سے کیا جاسکتا ہے۔ ہمارے ملک میں ابھی کتب خانوں نے اپنے تمام مواد کے کٹیلاگ شائع کرنا شروع نہیں کئے ہیں بعض نے مخطوطات، نایاب کتب یا مخصوص موضوعات پر فہرستیں شائع کی ہیں۔ پنجاب پبلک لائبریری نے بچوں کی کتب کی فہرست شائع کی ہے۔ پاکستان میں مختلف کتب خانوں کے مخصوص موضوعات پر شائع ہونے والے کٹیلاگس کی تفصیل عادل عثمانی صاحب کی کتاب Status of Bibliography in Pakistan. میں دیکھی جاسکتی ہیں۔

سمعی و بصری مواد

تعلیم و تدریس میں سمعی و بصری مواد کو خاصی اہمیت حاصل ہے۔ اس مواد کی مدد سے طالب علموں کو مشکل سے مشکل مضامین اور موضوعات نہایت سہولت اور آسانی سے ذہن نشین کرائے جاسکتے ہیں۔ آج کل تمام ترقی یافتہ اور ترقی پذیر ملکوں میں سمعی و بصری مواد کا کثرت سے استعمال ہوتا ہے تاکہ بچے کم وقت اور کم لاگت میں ایسے تجربات اور علوم حاصل کر لیں جن کو جاننے کے لیے پہلے طویل مدت اور کثیر رقم درکار ہوتی تھی۔ ہمارے ملک میں بدقسمتی سے ان مواد کے حصول اور استعمال کی طرف بہت کم توجہ دی جارہی ہے۔ سمعی و بصری مواد آج کل نہ صرف کلاس میں تعلیم کے لیے استعمال ہوتے ہیں بلکہ کتب خانو ںمیں ان کو استعمال عام ہوگیا ہے۔اکثر ترقی یافتہ ملکوں میں کتب خانے اس مواد کو علم
 

عائشہ عزیز

لائبریرین
(ص 94)​
نمونہ آرڈر کارڈ اردو کتب​
سفید۔ پیلا۔ نیلا​
r.png
ان پرچیوں پر مطلوبہ تفصیلات ٹائپ کی جائیں اور ہر کتاب کے لیے تینوں رنگوں کی پرچیوں پر کاربن لگا کر ٹائپ کی جائیں۔ ان پرچیوں کو مندرجہ ذیل طریقے سے استعمال کیا جائے۔

۱۔ سفید پرچی کو "کتب برائے خریداری" فائل میں مصنف کے اعتبار سے ترتیب دیا جائے۔ اس فائل کو منتخبہ کتب کی فائل برائے خرید کے قریب رکھا جائے۔ آئندہ جب کبھی کسی کتاب کی طلب آئے تو منتخبہ کتب اور کتب برائے خرید، دونوں فائلوں میں جانچنے کے بعد فیصلہ کیا جائے کہ کتاب خریدی جائے یا نہیں۔ یہ پرچی اس وقت تک "کتب برائے خریداری" میں رکھی جائے جب تک کتب فروش سے یہ کتاب وصول نہ ہو جائے۔ کتاب وصول ہو جانے کے بعد پرچی اس فائل سے نکال کر عام کٹیلاگ میں مصنف کے اعتبار سے فائل کر دی جائے۔ اس سے قاری اور لائبریرین دونوں کو یہ معلوم ہوسکے گا کہ کتاب کتب خانہ میں موجود ہے اور فنی عمل کے مراحل میں ہے۔
 

عائشہ عزیز

لائبریرین

زلفی شاہ

لائبریرین
سید زلفی بھائی کے لیے پیج۔۔۔
کو کتابیں جلد اور مناسب قیمت پر مل جائیں اور کتب فروش کو اس کی رقم بغیر کسی رکاوٹ کے جلد ادا ہو جائے۔
رسائل، اخبارات و دیگر مواد
کتابوں کے علاوہ کتب خانہ کو رسائل، اخبارات، سمعی وبصری اور دیگر مواد کی ضرورت پیش آتی ہے ان کے حصول کے لیے بھی مخصوص قسم کے افراد اور اداروں سے رابطہ قائم کرنا ہوتا ہے۔ اخبارات و رسائل کے لیے کتب فروشوں کی طرح نمائندے ہوتے ہیں جو کتب خانوں کو یہ خدمت مہیا کرتے ہیں۔ ان نمائندوں سے اخبارات کے لیے ماہانہ اور رسائل کے لئے سالانہ معاہدہ کیا جاتا ہے۔ یہ عموما کٹوتی نہیں دیتے۔ اخبارات کی ادائیگی عموما مہینہ ختم ہونے پر کی جاتی ہے اور رسائل کا سالانہ چندہ پیشگی ادا کیا جاتا ہے۔ نمائندہ کے انتخاب میں اس بات کا خیال رکھنا ضروری ہے کہ اخبارات روزانہ صبح پہنچ جائیں اور رسائل شائع ہوتے ہی کتب خانہ پہنچنے چاہئیں۔ اگر اخبارات اور رسائل کے مہیا کرنے میں یہ سہولت حاصل نہ ہو تونمائندوں کو تبدیل کر دینا مناسب ہو گا۔
سمعی و بصری مواد، مشینیں و آلات کی خریداری میں بہت احتیاط کی ضرورت ہوتی ہے۔ اس کی خریداری کسی معقول اور معتبر دوکاندار یا نمائندہ سے کرنا چاہیے تاکہ مشین یا آلات خراب ہونے کی صورت میں مرمت یا تبدیلی یا واپسی آسانی سے ہو سکے۔
باب 8 مواد کتب خانہ
مطبوعہ مواد 99
لغات 100
قاموس العلوم 102
سالنامے 103
سوانحی ماخذ 104
جغرافیائی ماخذ 105
ڈائریکٹریز 106
کتابیات و اشاریہ جات 108
دستی کتب(کتیب) 109
عام کتب 112
رسائل 113
سمعی و بصری مواد 114
ریڈیو و ٹیلی ویژن 115
2.gif

3.gif
 

مقدس

لائبریرین
101

ہیں جس سے ان کے مقالہ یا مضمون میں ندرت اور زبان میں چاشنی پیدا ہو جاتی ہے۔
"لغات کو زبان اور وسعت کے اعتبار سے تقسیم کیا جا سکتا ہے دسترس کے اعتبار سے لغت مفصل بھی ہو سکتی ہیں اور مخٹصر و منتخب بھی۔ عام بھی ہو سکتی ہین اور خاص مضمون کی اصطلاحات پر مبنی بھی۔"

مختصر لغت عام طور پو ہر گھر میں ہوتی ہے۔ تفصیلی لغات عموماً کتب خانوں میں رکھی جاتی ہیں۔ کتب خانوں میں ان کا ہونا نہایت ضروری ہے۔ چند نام بطور نمونہ درج ذیل ہیں:۔

1۔ فیروز اللغات
2۔ فرہنگ عامرہ
3۔ فرہنگ آصفیہ
4۔ حروف و معنی
5۔ نسیم اللغات
6۔ اردو ضرب الامثال
7۔ اردو کے خوابیدہ الفاظ
8۔ لغات کشوری (فارسی - اردو)
9۔ المنجد (عربی - اردو)
10۔ اردو انسائیکلوپیڈیا۔ فیروز سنز۔
11۔ اردو دائرۃ المعارف

World book Encyclopedia 20. vols​
Britannica Junior 15 vols.​
Our wonderful world. 18 vols.​
Book of knowledge 20 vols.​
Compton's Pictured Encyclopedia.​
Encyclopedia of Islam.​
Shorter Encyclopedia of Islam.​
 

ذوالقرنین

لائبریرین
صفحہ 95​
(2)۔۔۔ دوسری اور تیسری پرچی یعنی پیلی اور نیلی کتب فروش کو کتابوں کے آرڈر کے ساتھ بھیج دی جائیں۔ کتب فروش جو کتابیں کتب خانہ کو مہیا کرے گا وہ ان کی نیلی پرچی خود رکھ لے گا اور پیلی پرچی کتاب میں رکھ کر کتب خانہ کو واپس کر دے گا جس سے لائبریرین کو اندازہ ہو جائے گا کہ یہ کتاب طلب کی گئی تھی۔​
(3)۔۔۔ پیلی پرچی کتاب کے ساتھ واپس آنے پر لائبریرین "کتب برائے خریداری" فائل سے سفید پرچی نکال لے گا اور اس پرچی کو عام کیٹلاگ میں فائل کر دے گا اور پیلی پرچی کو کتب فروش کے بل کے ساتھ شعبہ حسابات کو ادائیگی کے لیے بھیج دے گا۔ بل میں دی گئی ہر کتاب کے سامنے رجسٹر داخلہ کا نمبر لکھ دیا جائے تاکہ شعبہ حسابات کو معلوم ہو جائے کہ کتاب وصول ہو گئی ہے اور اس کو دفتر داخلہ میں درج کر لیا گیا ہے۔​
(4)۔۔۔ اگر کتب فروش کوئی کتاب مہیا نہ کر سکے تو اس صورت میں وہ نیلی اور پیلی دونوں پرچیاں واپس کر دے گا۔ سفید پرچی " کتب برائے خریداری" فائل سے نکال کر اس پر لکھ دیا جائے کہ کتاب بازار میں دستیاب نہیں ہے یا دوسرے کتب فروش سے رابطہ قائم کیا جائے گا اور اس پرچی کو دوبارہ " منتخبہ کتب" کی فائل میں رکھ دیا جائے تاکہ آئندہ جب کتابیں خریدی جائیں تو اس کتاب کا دوبارہ آرڈر دیا جا سکے۔ کتب کا آرڈر دینے کے بعد ضروری ہے کہ کتب فروش کو گاہے گاہے یاد دہانی کرائی جائے اور جو کتابیں سابقہ اور موجودہ آرڈر کی مہیا نہیں کی گئی ہیں ان کو جلد از جلد کتب خانہ پہنچانے کی تاکید کی جائے۔ جب کتابیں وصول ہوں تو ان کی اچھی طرح جانچ پڑتال کی جائے۔​
(1)۔۔۔ ہر کتاب کو پرچی یا فہرست سے جانچا جائے کہ جو کتاب طلب کی گئی تھی وہی ہے یا مختلف ہے مختلف ہونے پر واپس کی جائے اور بل سے اس کی رقم کاٹ دی جائے۔ اشاعت وغیرہ بھی جانچی جائے۔ قیمت کا خاص طور پر اندازہ کیا جائے کہ صحیح لگائی گئی ہے کم یا زیادہ تو نہیں۔​
(2)۔۔۔ کتابیں وصول ہونے اور جانچنے کے بعد دفتر داخلہ Accession Register میں ان کا اندراج کیا جائے۔ دفتر داخلہ کی تفصیل آئندہ باب میں درج کی گئی ہے۔​
(3)۔۔۔ بل پر نمبر داخلہ لکھ کر اور قیمتیں جانچ کر شعبہ حسابات کو ادائیگی کے لیے بھیج دیا جائے۔ کتب فروش اور کتب خانہ کے تعلقات جس حد تک ممکن ہوں پاک و صاف ہوں تاکہ کتب خانہ​
 
Top