اسٹیبلشمنٹ جعلی حکومت کی حمایت چھوڑ دے آنکھوں پر بٹھائیں گے،فضل الرحمان

جاسم محمد نے 'سیاست' کی ذیل میں اس موضوع کا آغاز کیا، ‏اکتوبر 25, 2020

  1. جاسم محمد

    جاسم محمد محفلین

    مراسلے:
    24,689
    اسٹیبلشمنٹ جعلی حکومت کی حمایت چھوڑ دے آنکھوں پر بٹھائیں گے،فضل الرحمان
    ویب ڈیسک اتوار 25 اکتوبر 2020
    [​IMG]
    مولانا فضل الرحمن نے پی ڈی ایم کے جلسے سے خطاب کیا۔ (فوٹو، فائل)

    کوئٹہ: اپوزیشن جماعتوں کے اتحاد کا تیسرا جلسہ جاری ہے اور اپوزیشن رہنما اپنی تقاریر میں حکومت پر شدید تنقید کررہے ہیں ۔

    ایکسپریس نیوز کے مطابق پاکستان ڈیمو کریٹک موومنٹ (پی ڈی ایم) کی جانب سے کوئٹہ میں بھی کامیاب جلسے کی صورت میں سیاسی طاقت کا بھرپور مظاہرہ کیا ہے۔

    این ایف سی میں تبدیلی نہیں ہونے دیں گے

    پاکستان ڈیموکریٹک موومنٹ کے سربراہ مولانا فضل الرحمان نے کوئٹہ میں جلسے سے خطاب کرتے ہوئے کہا کہ 18ویں ترمیم اوراین ایف سی ایورڈ میں تبدیلی نہیں ہونےدیں گے۔ پی ڈی ایم این ایف سی ایوارڈ میں صوبے کے حصوں میں کوئی کمی تسلیم نہیں کرے گی۔ کسی نادیدہ قوت کو عوام کے حق پر ڈاکا ڈالنے کی اجازت نہیں دیں گے۔

    انہوں نے کہا کہ پہلےبھی کہاتھاکہ ملک ان نااہلوں کے حوالے نہ کرو۔ جعلی حکمرانوں کے خلاف ہماری تحریک اور زور سے آگے بڑھے گی۔ اس حکومت کے پاس حکمرانی کا قانونی جواز تو پہلے بھی نہیں تھا اور جسٹس فائز عیسی کے ریفرینس کی منسوخی کے فیصلے کے بعد جعلی حکمران اپنا اخلاقی جواز بھی کھو بیٹھے ہیں۔

    فضل الرحمان کا کہنا تھا کہ آج بھی اسٹیبلشمنٹ جعلی حکومت کی پشت پناہی سے دستبراد ہوجائے تو ان کو اپنی آنکھوں پر بٹھانے کے لیے تیار ہیں۔ لیکن عجیب بات ہے کہ میں جرم کروں تو سزائے موت کا حق دار بنوں اور یہ پاکستان کے ایسے مالک ہیں کہ یہ عوام کو جانور سمجھیں اور ان کا خیال ہے کہ ان کے سامنے جو چارہ ڈالیں وہ تسلیم کریں گے تو ہمیں یہ رویہ نہیں ہے۔

    انہوں نے تقریر کے آغاز میں مذمتی قرارداد پیش کرتے ہوئے کہا ہے کہ فرانس میں رسول اللہ صلی اللہ علیہ وسلم کے خاکوں کی اشاعت سے امت مسلمہ کے جذبات مجروح ہوئے ہیں۔ یورپی حکمرانوں کی توہین آمیز رویے کی شدید الفاظ میں مذمت کرتے ہیں۔ فرانس سے سفارتی تعلقات فوری طور پر منسوخ کیے جائیں۔

    اپوزیشن ایک اسٹیج اور پیج پر ہے!

    چیئرمین پاکستان پیپلز پارٹی بلاول بھٹو زرداری نے اپوزیشن اتحاد کے جلسے سے ویڈیو لنک پر خطاب کرتے ہوئے کہا کہ عمران خان فوج سمیت ملک کے تمام اداروں کو ٹائیگر فورس بنانا چاہتے ہیں۔ ہم اس کی اجازت نہیں دیں گےاس لیے چاہتے ہیں کہ ان کا مستقبل میں کوئی سیاسی کردار نہ رہے۔ پی ڈی ایم کو توڑنےوالے خواب دیکھ رہےہیں۔ پاکستان کی حکومت ایک طرف اور سلیکٹز دوسری طرف ہے۔قدم آگے بڑھانے والے ہیں پیچھے ہٹانے والے نہیں۔

    بلوچستان کے عوام کا سر کٹ سکتا ہے لیکن جھکے گا نہیں۔ عوام چاہے جہاں کہ ہوں وہ اپنی جمہوریت لاناچاہتے ہیں۔ غربت ، بے روزگاری، بھوک، بولنے اور سانس لینے کی آزادی چاہتے ہیں۔ سیاست، صحافت اور عدلیہ کچھ بھی آزاد نہیں۔ آپ کو یہ حق دلوانے کے لیے سبھی جمہوری جماعت ایک پیج پر ہیں۔ انہیں ہمارے اسٹیج اور پیج پر آنا ہوگا ورنہ گھر جانا ہوگا۔

    ’تماشا ختم ہونے والا ہے‘

    مسلم لیگ (ن) کی نائب صدر مریم نواز نے جلسے سے خطاب کرتے ہوئے کہا کہ کوئٹہ کے لوگوں نے محبت وشفقت سے استقبال کیا اس پر تہہ دل سے شکرگزار ہیں، پالیسیاں بنانا عوامی نمائندوں کا کام ہے۔

    ان کا کہنا تھا کہ فرانس میں توہین آمیزخاکےبنانےمسلمانوں کودلوں کو تکلیف پہنچی۔ حکومت نے6سوبچوں کےاسکالرشپس کے منسوخ کر دیے کسی کو ان پر رحم نہیں کیا۔مجھے پتہ ہےیہاں سے نوجوانوں کو اٹھالیاجاتاہے۔بہنوں بیٹیوں کے کمروں میں راتوں رات گھس کر دروازے توڑنےکیا ہمارا کلچر ہے۔ ایک بچی کے تین بھائیوں کو لاپتہ کرنے کا پتہ چلنے پرمیرے آنکھ میں آنسو آگئے۔

    انہوں نے کہا کہ عوامی کی حاکمیت عزت پانے کے لیے آئے ہیں۔ عدلیہ جسٹس شوکت عزیزکوانصاف دیا جائے۔موجودہ حاکم عوام کونہیں کسی اور کو جوابدہ ہے۔ انہوں ںے کہا کہ اپنے حلف اور آئین کی پاسداری کرو اور سیاست سے دور ہوجائو،جعلی حکومتیں مت بنائو۔ کٹھ پتلیوں کا تماشا اب ختم ہونے والا ہے۔

    ’ ہم مظلوم کا ساتھ دیں گے‘

    پشتون خواہ ملی عوامی پارٹی کے سربراہ محمود خان اچکزئی کا کہنا تھا کہ جہاں مظلوم اور ظالم کی جنگ ہوگی ہم مظلوم کا ساتھ دیں گے، جتنی محبت مجھے پنجاب کے عوام سے ہے، اس سے زیادہ مجھے بلوچستان کےعوام سے ہے۔

    ’بلوچستان اور سندھ کے ساحل اٹوٹ انگ ہیں‘

    صدر نیشنل پارٹی ڈاکٹر عبدالمالک بلوچ کا جلسے سے خطاب کے دوران کہنا تھا کہ پی ڈی ایم کا بنیادی مقصد جمہوریت کا فروغ پارلیمنٹ کو سپریم بنانا ہے، بلوچستان اور سندھ کے ساحل اٹوٹ انگ ہیں، انہیں کوئی الگ نہیں کرسکتا۔

    ’بلوچستان پہلے کی طرح اب بھی جاگ رہا ہے‘

    بی این پی کے سربراہ سردار اختر مینگل کا کہنا تھا کہ بلوچ قوم نے ملک کی آزادی کے لیے جانوں کی قربانی دی، بلوچستان کے عوام نے ہمیشہ جمہوریت کا علم بلند رکھا، بلوچستان پہلے کی طرح اب بھی جاگ رہا ہے، کوئٹہ کے گلی کوچے اور محلے قہقہوں سے گونجتے تھے، بلوچستان کے لوگوں کےچہروں پرمسکراہٹ ہوتی تھی، آج بلوچستان کےحالات کی وجہ سےعوام بدحال ہیں، آج بلوچستان میں آپ کو موت کے ڈیرے نظر آئیں گے، بلوچستان کوان حالات تک کس نے پہنچایا؟

    ’حکمران ایک طرف ہیں اور 22 کروڑ عوام دوسری طرف‘

    پیپلز پارٹی کے راجا پرویز اشرف نے کہا کہ موجودہ حکمران ایک طرف،22کروڑ عوام دوسری طرف، موجودہ حکمرانوں کو ایک مشورہ دینا چاہتا ہوں، حکمرانوں نے الیکشن میں جھوٹ بولا گیا اور ابھی بھی جھوٹ بولا جارہا ہے، آپ نے کہا کہ دیگر سیاست دان کرپٹ اور ہم ایماندار ہیں، آپ نے کہا دیگر سیاست دان کرپٹ اور ہم ایماندار ہیں، جھوٹ بولنے والے کیلئے دنیا اور آخرت میں سخت سزا ہے، آج بچہ بچہ جانتا ہے یہ نااہل حکومت ہے،وقت آگیا ہے پاکستان کی حکمرانی وہ کرے جو عوام کے ووٹ سے آئے گا۔

    ’آنے والا وقت پاکستان کےعوام کا ہے‘

    جلسے سے خطاب کے دوران جے یو پی کے اویس نورانی نے کہا کہ حکومت احتساب کے نام پر لوگوں کی تذلیل کرنا چاہتی ہے، ایسے احتساب کے عمل کو جوتے کی نوک پر رکھتے ہیں، ملک کا آئین توڑنے والوں کا بھی احتساب ہوناچاہیے، آنے والا وقت پاکستان کےعوام کا ہے۔

    ’دوائیں، پٹرول اور آٹا مہنگا کرنے والا نیا پاکستان‘

    مرکزی جمعیت اہل حدیث پاکستان کے سربراہ پروفیسر ساجد میر نے کہا کہ موجودہ حکومت عوام کی منتخب کردہ نہیں بلکہ مسلط کی گئی ہے، حکومت نے دوسال میں ثابت کردیا کہ وہ عوام کی مشکلات حل نہیں کرسکتیں، وہ احتساب کی گردان کرتےہیں اور احتساب نہیں انتقام لیتے ہیں، یہ دوائیں، پٹرول اور آٹا غائب کرکے مہنگا کرنے والا نیا پاکستان ہے، اس غیر آئینی اور غیر اخلاقی حکومت سے چھٹکارا حاصل کریں گے۔

    ’مہنگائی ملک کا سب سے بڑا مسئلہ‘

    قومی وطن پارٹی کے آفتاب احمد خان شیرپاؤ کا کہنا تھا کہ مہنگائی ملک کا سب سے بڑا مسئلہ بن چکا ہے، غریب آدمی کے لئے 2 وقت کی روٹی کمانا مشکل ہے، ادویات کی قیمتوں میں 100 فیصد اضافہ ہوگیا، موجودہ دورحکومت میں عوامی مشکلات اور مسائل دور نہیں کیے گئے، آئندہ انتخابات کے نتیجے میں عوام کی خواہش پر حکومت آئے گی۔

    ’سب کو مل کروفاق سے صوبوں کا حق لیناہے‘

    عوامی نیشنل پارٹی کے امیر حیدر ہوتی نے کہا کہ پاکستان کی اپوزیشن جماعتیں ایک ہوگئی ہیں، سب کو مل کر وفاق سے صوبوں کا حق لیناہے، بلوچستان کو گیس اور خیبرپختونخواکو بجلی سے محروم رکھا جار ہاہے، بلوچوں اور پختونوں کو مل کر بلوچستان کے حقوق حاصل کرنا ہیں، گوادر پر سب سے پہلا حق بلوچستان کا ہوناچاہیے، پنجاب اور پورے پاکستان سے جو آواز اٹھ رہی ہے اس کا بھی مقدمہ لڑنا ہے۔

    سیکیورٹی سخت

    کوئٹہ میں دہشت گردی کے خدشے کے پیش نظر صوبائی حکومت اور مقامی انتظامیہ نے سیکیورٹی کے انتہائی سخت انتظامات کئے ہیں، سیکیورٹی کے لیے پولیس اور ایف سی کے 4 ہزار سے زائد اہلکار تعینات کیے گئے ہیں۔ موٹر سائیکل کی ڈبل سواری پر پابندی ہے جب کہ شہر بھر میں موبائل فون سروس بھی ہے۔ اس کے علاوہ کسی بھی ناخوشگوار واقعے کی صورت میں طبی امداد کی بروقت فراہمی کے لیے سرکاری اسپتالوں میں ایمرجنسی نافذ ہے۔

    واضح رہے کہ اس سے قبل پی ڈی ایم اپنا پہلا جلسہ گوجرانوالہ جب کہ دوسرا جلسہ کراچی میں کر چکی ہے۔
     
    • پسندیدہ پسندیدہ × 1
    • غیر متفق غیر متفق × 1
  2. جاسم محمد

    جاسم محمد محفلین

    مراسلے:
    24,689
    • غیر متفق غیر متفق × 2
  3. سیما علی

    سیما علی لائبریرین

    مراسلے:
    10,238
    جھنڈا:
    Pakistan
    موڈ:
    Cool
    شرم اِنکو مگر نہیں آتی ۔۔۔۔
     
    • متفق متفق × 1
  4. جاسم محمد

    جاسم محمد محفلین

    مراسلے:
    24,689
    آج یہ عمران خان کو یزید کہہ رہے ہیں۔ پھر کہتے ہیں ہم مذہب کارڈ استعمال نہیں کرتے
     
    • دوستانہ دوستانہ × 1
  5. بابا-جی

    بابا-جی محفلین

    مراسلے:
    807
    موڈ:
    Bitched
    ہوش رُبا مہنگائی جو بد انتظامی کے سبب ہے، عاصِم باجوہ سکینڈل، اور مُقتدرہ کی سول معاملات میں بڑھتی مُداخلت خانِ اعظم کے لیے مُشکلات کا پہاڑ کھڑا کر چُکی ہے۔ جی میں ہے سب پچھلی حکُومت پر ڈال دِیا جائے مگر عوام کے سامنے یہ منجن مزید اس لیے نہیں بِک رہا ہے کہ اُنہیں بھی عاصم پیزوی کے کرتوں کا پتہ چل گیا ہے۔ کپتان کو چاہیے تھا کہ کم از کم عاصم باجوہ کو کان سے پکڑ کر کلاس سے باہر نکال دیتا۔ مگر کپتان کو اُس پر بھی ترس آ گیا۔
     
    • معلوماتی معلوماتی × 1
    • متفق متفق × 1
  6. سیما علی

    سیما علی لائبریرین

    مراسلے:
    10,238
    جھنڈا:
    Pakistan
    موڈ:
    Cool
    جاسم میاں !!
    حسینیت کی خاک بھی سمجھ میں آجاتی تو پاک ہوجاتے ۔فطرت یزیدی باتیں حسینیت کی ۔ہم ہمیشہ کہتے ہیں کہ یزیدیت ایک کیفیت کا نام ہے اور یہ جس پر طاری ہوجائے وہ یزیدیت کا پیروکار کیونکہ اِنکا یقین بھی دینوی بادشاہت ہے اور یزیدیت کا مقصد بھی دنیاوی بادشاہت۔۔۔اسی لئیے مثالیں بھی وہی دیتے
    مولانا امجد علی اعظمی لکھتے ہیں :
    ″یزید پلید فاسق فاجر مرتکبِ کبائر تھا، معاذ اللہ اس سے اور ریحانہ رسول اللہ صلی اللّہ تعالیٰ علیہ وسلم سیّدنا امام حسین سے کیا نسبت۔۔۔؟!
    کیونکہ اِن پاس اب یہی کارڈ رہ گئیے ہیں۔۔۔۔
     
    • زبردست زبردست × 1
  7. dxbgraphics

    dxbgraphics محفلین

    مراسلے:
    5,276
    جھنڈا:
    Pakistan
    موڈ:
    Relaxed
    مذہبی کارڈ کے استعمال پر جے یو آئی والے فخر کرتے ہوئے کہتے ہیں کہ پی ٹی آئی کی طرح مجرا کارڈ تو استعمال نہیں کرتے۔

    مزید یہ کہ قادیانیوں کے لیئے مولانا قابل برداشت نہیں ہیں۔ اور ان کی مخالفت میں قادیانی پیش پیش ہیں۔
     
    • پر مزاح پر مزاح × 1
  8. الف نظامی

    الف نظامی لائبریرین

    مراسلے:
    16,496
    جھنڈا:
    Pakistan
    موڈ:
    Amused
    مرزائے قادیان بھی یزیدی تھا کیوں کہ وہ امام حسین کا گستاخ تھا۔ سب یزیدیوں پر لعنت ہو۔
     
    • غمناک غمناک × 1
  9. انیس الرحمن

    انیس الرحمن محفلین

    مراسلے:
    8,293
    جھنڈا:
    Pakistan
    موڈ:
    Buzzed
    آزاد بلوچستان پر بھی تبادلۂ خیال ہونا چاہیے کچھ۔
     
    • متفق متفق × 1
  10. چودھری مصطفی

    چودھری مصطفی محفلین

    مراسلے:
    480
    فسق، فجور اور ارتکابِ کبائر کا موازنہ کیا جائے تو وزیراعظم تمام اپوزیشن پہ بھاری ہے۔
     
    • پر مزاح پر مزاح × 1
    • مضحکہ خیز مضحکہ خیز × 1
  11. شمشاد

    شمشاد لائبریرین

    مراسلے:
    206,614
    جھنڈا:
    Pakistan
    موڈ:
    Relaxed
    یہ سب سے بڑا غدار ہے۔ جب سے یہ حکومت سے باہر ہوا ہے، اس کو کسی پل چین نہیں۔
     
    • زبردست زبردست × 1
    • متفق متفق × 1
  12. سیما علی

    سیما علی لائبریرین

    مراسلے:
    10,238
    جھنڈا:
    Pakistan
    موڈ:
    Cool
    سارا رونا گانا اسی بات کا تو ہے کہ کھانا پینا ختم ہر حکومت کے ساتھ مولانا ڈیزل۔
     
    • زبردست زبردست × 1
  13. سیما علی

    سیما علی لائبریرین

    مراسلے:
    10,238
    جھنڈا:
    Pakistan
    موڈ:
    Cool
    [​IMG]
     
    • زبردست زبردست × 1
  14. سیما علی

    سیما علی لائبریرین

    مراسلے:
    10,238
    جھنڈا:
    Pakistan
    موڈ:
    Cool
    [​IMG]
    انکا اہجنڈہ پاکستان مخالف ہے اور آج آزاد بلوچستان کا نعرہ اس بات کا مظہر ہے کہ اپوزیشن اپنی چوری اور کرپشن بچانے کے لئے پاکستان کا سودا کرنے سے بھی باز نہیں آئیگی
     
    • زبردست زبردست × 1
  15. جاسم محمد

    جاسم محمد محفلین

    مراسلے:
    24,689
    بیشک پورا ملک ٹوٹ جائے، عمران خان کی حکومت ختم ہو جائے، لیکن ان کو این آر او نہیں ملے گا۔ ابھی صرف اپوزیشن سڑکوں پر ہے۔ اگر فوج نے ان قومی چوروں لٹیروں کو کرپشن کیسز میں این آر او دیا تو پورا پاکستان سڑکوں پر ہوگا۔
     
  16. انیس الرحمن

    انیس الرحمن محفلین

    مراسلے:
    8,293
    جھنڈا:
    Pakistan
    موڈ:
    Buzzed
    فضل ڈیزل اگر یزید کے دور میں ہوتا تو یزید اس کا چیلا ہوتا۔۔۔
     
    • زبردست زبردست × 1
  17. جاسم محمد

    جاسم محمد محفلین

    مراسلے:
    24,689
    مہنگائی روپے کی قدر گرنے کے سبب ہے، امپورٹس کنٹرول کرنے کے سبب ہے، آٹا چینی ایکسپورٹ کرنے کے سبب ہے، ذخیرہ اندوزی کے سبب ہے۔
     
    • پسندیدہ پسندیدہ × 1
    • مضحکہ خیز مضحکہ خیز × 1
  18. جاسم محمد

    جاسم محمد محفلین

    مراسلے:
    24,689
    دھرنا دن میں ہوتا ہے، رات کو تو صرف مجرا ہوتا ہے، مولانا فضل الرحمان
    [​IMG]
     
  19. dxbgraphics

    dxbgraphics محفلین

    مراسلے:
    5,276
    جھنڈا:
    Pakistan
    موڈ:
    Relaxed
    دھرنوں اور جلسوں میں فرق ہوتا ہے۔
     
    • پسندیدہ پسندیدہ × 1
    • متفق متفق × 1
  20. dxbgraphics

    dxbgraphics محفلین

    مراسلے:
    5,276
    جھنڈا:
    Pakistan
    موڈ:
    Relaxed
    آپ کے دھرنے اور جے یو آئی کا دھرنا ان میں زمین آسمان کا فرق ہے۔
     
    • پسندیدہ پسندیدہ × 1
    • متفق متفق × 1

اس صفحے کی تشہیر