اسماء الحسنیٰ کے خواص و برکات

[ذوالقرنین]

القابضُ​

روزی تنگ کرنے والا​

روٹی کے چار لقموں پر لکھ کر چالیس دن متواتر کھانے والا انشاء اللہ بھوک، پیاس، زخم اور درد وغیرہ کی تکلیف سے محفوظ رہے گا۔​

 

[ذوالقرنین]

الباسطُ​

روزی فراخ کرنے والا​

چاشت کی نماز پڑھنے کے بعد آسمان کی طرف ہاتھ اٹھا کر روزانہ دس مرتبہ یہ اسم پڑھ کر منہ پر ہاتھ پھیر لے تو انشاء اللہ ایسا شخص کسی کا کبھی محتاج نہ ہوگا۔​

 

[ذوالقرنین]

الخافضُ​

پست کرنے والا​

جو شخص روزانہ پانچ سو مرتبہ یہ اسم پڑھے گا اللہ تعالیٰ اس کی مرادیں پوری اور مشکلات دور فرمائیں گے۔​

جو شخص تین روزے رکھے اور چوتھے دن الگ جگہ بیٹھ کر ستر مرتبہ یہ اسم پڑھے، تو انشاء اللہ تعالیٰ دشمن پر فتح یاب ہوگا۔​

 

[ذوالقرنین]

الرافعُ​

بلند کرنے والا​

جو شخص ہر ماہ کی چودھویں شب آدھی رات کے وقت ایک سو مرتبہ یہ اسم پڑھے تو اللہ تعالیٰ اسے مخلوق سے بے نیاز و مستغنی کر دیں گے اور تونگر بنا دیں گے۔​

 

[ذوالقرنین]

المعزُ​

عزت دینے والا​

پیر یا جمعہ کو بعد نماز مغرب چالیس مرتبہ جو شخص یہ اسم پڑھتا رہے تو اللہ تعالیٰ اسے لوگوں میں با عزت و با وقار بنا دیں گے۔​

 

[ذوالقرنین]

المُذِلُ​

ذلت دینے والا​

جو شخص پچھتر مرتبہ یا مذل پڑھ کر سجدے میں جاکر دعا کرے تو اللہ تعالیٰ ظالموں، حاسدوں اور دشمنوں سے اسے محفوظ رکھیں گے۔​

 

[ذوالقرنین]

السَمیعُ​

سب کچھ سننے والا​

جمعرات کے دن چاشت کی نماز پڑھنے کے بعد پانچ سو یا ایک سو، یا پچاس مرتبہ جو شخص یہ اسم پڑھے گا، انشاء اللہ تعالیٰ اس کی دعائیں قبول ہوں گی۔ پڑھنے کے دوران کسی سے بات نہ کرے۔​

جو شخص فجر کی نماز کے فرض و سنت کے درمیان یہ اسم ایک سو مرتبہ پڑھے گا، اسے اللہ تعالیٰ خاص نظر سے نوازیں گے۔​

 

[ذوالقرنین]

البَصیرُ​

سب کچھ دیکھنے والا​

جو شخص نماز جمعہ کے بعد ایک سو مرتبہ یہ اسم پڑھے گا، انشاء اللہ تعالیٰ اس کے دل میں نور اور آنکھوں میں روشنی پیدا ہوگی۔​

 

[ذوالقرنین]

الحَکَمُ​

حاکم مطلق​

آخر شب میں با وضو ہو کر ننانوے مرتبہ پڑھنے والے کا دل انشاء اللہ تعالیٰ اس کا قلب کشف و الہام کا مرکز ہو جائے گا۔​

 

[ذوالقرنین]

العَدلُ​

سر تاپا انصاف​

جو شخص جمعہ کے دن یا جمعہ کی رات میں روٹی کے بیس ٹکڑوں پر اَلعَدلُ لکھ کر کھائے گا، اللہ تعالیٰ اس کے لیے مخلوق کو مسخر کر دیں گے۔​

 

[ذوالقرنین]

الَلطیفُ​

سر تاپا لطف و کرم​

ایک سو تینتیس مرتبہ روزانہ پڑھنے والے کے رزق میں انشاء اللہ تعالیٰ برکت ہوگی اور سب کام بخوبی پورے ہوں گے۔​

فقر و فاقہ، دکھ، مصیبت اور پریشانی میں مبتلا شخص کسی وقت اچھی طرح وضو کرکے دوگانہ پڑھے اور دل میں مقصد کا خیال رکھ کر ایک سو مرتبہ یہ اسم پڑھے۔ انشاء اللہ تعالیٰ کامیابی ہوگی۔​

 

[ذوالقرنین]

الخَبیرُ​

آگاہ و باخبر​

سات روز تک جوشخص بکثرت اس اسم کا ورد کرے گا اس پر انشاء اللہ تعالیٰ پوشیدہ راز ظاہر ہونے لگیں گے۔​

 

[ذوالقرنین]

الحلیمُ​

بڑا بردبار​

اس اسم کو کاغذ پر لکھ کر پانی سے دھو کر، پانی جس چیز پر بھی چھڑکا جائے گا، خیر و برکت ہوگی۔​

 

[ذوالقرنین]

العظیمُ​

بہت ہی بزرگ​

اس اسم کے بکثرت ورد کرنے والے کو انشاء اللہ تعالیٰ عزت و عظمت حاصل ہوگی۔

 

[ذوالقرنین]

الغفورُ​

بہت بخشنے والا​

جو شخص یَا غَفُور کا بکثرت ورد رکھے گا۔ اللہ تعالیٰ اس کے مال اور اولاد میں برکت دے گا اور دکھ، تکلیف، رنج و غم دور ہو جائیں گے۔​

 

[ذوالقرنین]

الشکورُ​

قدردان​

معاشی تنگی یا دکھ تکلیف میں مبتلا شخص اگر روزانہ اکتالیس مرتبہ اس اسم اعظم کو پڑھے تو انشاء اللہ تعالیٰ اس سے نجات پائے گا۔​

 

[ذوالقرنین]

العلیُ​

بہت برتر و بلند​

اس اسم کو جو شخص ہمیشہ پڑھتا رہے اور اسے لکھ کر اپنے پاس رکھے، انشاءاللہ تعالیٰ اسے رتبہ کی بلندی، خوشحالی اور مقصد میں کامیابی حاصل ہوگی۔​

 

[ذوالقرنین]

الکَبیرُ​

بہت بڑا​

عہدہ سے معزول شخص سات روزے رکھے اور روزانہ ایک ہزار مرتبہ یَا کَبِیرُ پڑھے، انشاء اللہ عہدہ پر بحال ہو جائے گا۔

 

[ذوالقرنین]

الحفیظُ​

سب کا نگہبان​

اس اسم کا بکثرت ورد کرنے اور لکھ کر اپنے پاس رکھنے والا انشاء اللہ ہر قسم کے خوف و خطر و ضرر سے محفوظ رہے گا۔​

 

[ذوالقرنین]

المُقیتُ​

توانائی بخشنے والا​

حصول مقصد کے لیے خالی آب خورے پر سات مرتبہ یَا مُقِیتُ پڑھ کر دم کرے، پھر اس آب خورے میں پانی پئیے۔ انشاء اللہ تعالیٰ مقصد حاصل ہوگا۔​