اساتذہ شعراء

[محمد وارث]

مجھے تو فیس بکی شعراء کے اشعار بہت "چھیڑتے" ہیں۔

گویا ان فیس بُکی شعراء کی شاعری پر تحقیقات کے لیے 'وزیرِاعظم' کی ہدایت پر ایک 'پارلیمانی کمیٹی' بھی بن سکتی ہے، "چھیڑ" ہی تو ہے

 

[فرحان محمد خان]

اس تعریف کے مطابق منیر نیازی اور ساغر صدیقی دونوں بڑے شعرا ہیں۔ اور ان سمیت لاکھوں بڑے شعرا ہیں۔۔۔ بلکہ تقریباً ہر شاعر ہی بڑا شاعر ہے کیونکہ مجھے تو ہر شاعر کا کوئی نہ کوئی شعر چھیڑ دیتا ہے۔

سر آپ کے نذدیک بڑے شاعر کی کیا تعریف ہےَ؟ اور کیا یہ اس کے مطابق بھی بڑے شاعر ہیں

 

[فرحان محمد خان]

اس تعریف کے مطابق منیر نیازی اور ساغر صدیقی دونوں بڑے شعرا ہیں۔ اور ان سمیت لاکھوں بڑے شعرا ہیں۔۔۔ بلکہ تقریباً ہر شاعر ہی بڑا شاعر ہے کیونکہ مجھے تو ہر شاعر کا کوئی نہ کوئی شعر چھیڑ دیتا ہے۔

محض میری جاہلانہ سوچ ہے اپنی لاعلمی سے نالاں، جاننے کی طلب ہے

 

[فاتح]

سر آپ کے نذدیک بڑے شاعر کی کیا تعریف ہےَ؟ اور کیا یہ اس کے مطابق بھی بڑے شاعر ہیں

سچ بات تو یہ ہے کہ میں بڑے چھوٹے کی تفریق میں پڑتا ہی نہیں۔۔۔ میں شعر کو پڑھ کر اس سے لطف اٹھانے کا قائل ہوں اور واقعی تقریباً ہر شاعر کا کوئی شعر اچھا لگ جاتا ہے۔
یہاں "بڑا" وہی ہے جو مشہور ہو گیا۔
آپ سے بار بار"آپ کے نزدیک بڑے شاعر کی تعریف" کا سوال اس لیے کر رہا تھا کہ بڑے چھوٹے کا معیار ہر کسی کی نظر میں مختلف ہوتا ہے اور یہی وجہ ہے کہ اب تک "سب سے بڑا" یا "شاعرِ اعظم" کے درجے پر کسی کو فائز نہیں کیا جا سکا کہ "بڑے" کی ایسی کوئی جامع تعریف موجود نہیں جس کو تمام ادبی حلقے بلا تفریق "بڑا" تسلیم کرتے ہوں۔
دلاور فگار کی نظم "شاعرِ اعظم" اسی صورتحال پر پھبتی ہے۔
بڑے چھوٹے کی درجہ بندی اور فہرست پر اتفاق تو دور کی بات ہے یہاں تو "اساتذہ" شعرا پر بھی اتفاق نہیں حالانکہ اس کی قدرے بہتر اور قابل فہم تعریف موجود ہے کہ ایسے شعرا جو زبان، ادب، صنائع بدائع، بحور کی باریکیوں سے واقف ہوں اور اپنے اشعار میں ہمیشہ ان کا خیال رکھتے ہوں، جنھوں نے اپنے اشعار میں کبھی کوئی لفظ غلط نہ باندھا ہو اور جن کے شاگرد شعرا ہوں اور ان خوبیوں کے باعث ان کے کلام میں الفاظ اور تراکیب کے استعمال کو بطور "سند" استعمال کیا جاتا ہو۔

 

[فاتح]

مجھے تو فیس بکی شعراء کے اشعار بہت "چھیڑتے" ہیں۔

وہ چھیڑ تو ایسی ہوتی ہے بقول غالب
چھیڑتا ہوں کہ ان کو غصہ آئے

 

[عرفان سعید]

زوجہ ماجدہ کی شان میں جو بھی بے تکی شاعری کی آج تک، وہ تو بیگم کو بہت "چھیڑتی" ہے۔ لیکن اپنی عظمت کا اعتراف لسانِ شریکِ حیات سے سننا باقی ہے۔

 

[MD MUBARAK ANSARI]

ماشاءاللہ کیا بات ہے!

 

[MD MUBARAK ANSARI]

بہت ہی زبردست لڑی ہے!
بہت بہت شکریہ احباب