اردو چیٹ بھی کرکے دیکھیں۔

[نبیل]

عزیز دوستو، السلام علیکم۔ میں نے فورم کے معزز اراکین کے لیے چیٹ شامل کرنے کا تجربہ کیا ہے۔ لاگ ان کرنےکے بعد آپ کو اوپر chat لکھا نظر آئے گا جس پر کلک کرنے سے ایک چیٹ باکس ظاہر ہو گا۔ فورم کے ابتدائی مراحل کی طرح یہ چیٹ باکس بھی فارمیٹنگ اور پوائنٹ سائز کے مسائل سے دوچار ہوگا جوکہ انشاءاللہ دور ہوتے جائیں گے۔ میں اس چیٹ سسٹم کو عارضی تصور کرتا ہوں کیوں کہ میرے ذہن میں اردو ویب پورٹل کے لیے زیادہ بہتر چیٹ سسٹم کا تصور ہے۔ بہر حال آپ لوگ اسے استعمال کریں اور اپنے تاثرات سے آگاہ کریں۔

 

[نبیل]

لگتا ہے فورم کے ارکان کو چیٹ کا ابھی پتا نہیں چلا۔ بہرحال جوں جوں پتا چلتا جائے گا استعمال بھی کرنا شروع ہو جائیں گے۔ میں نے ابھی عبدالستار منہاجین سے چیٹ کی ہے ۔ کافی لطف آیا۔ چیٹ سسٹم بذات خود گزارے لائق ہے۔ مجھے جب وقت ملے گا ، انشاءاللہ اس سے بہتر چیٹ سسٹم انسٹال کروں گا۔

 

[منہاجین]

چیٹ سسٹم ۔ ۔ ۔ کچھوا اور خرگوش

دیواروں سے باتیں کرنا اچھا لگتا ہے
ہم بھی پاگل ہو جائیں گے ایسا لگتا ہے

چیٹ سسٹم بذاتِ خود ایک خوش آئند خیال ہے، مگر جہاں صرف 70 لوگ ممبر بنے ہوں اور زیادہ سے زیادہ صرف 9 لوگ بیک وقت آن لائن ہوئے ہوں وہاں چیٹ سسٹم کی بہتری کو سوچنا قبل از وقت ہے۔ بہتر ہو گا کہ کسی نئی سروس کا اجراء کرنے کی بجائے پہلے سے مہیا کردہ سروسز کو بہتر کیا جائے اور ان میں موجود خامیوں کو دور کیا جائے تاکہ زیادہ سے زیادہ لوگ مائل بہ اردو ہو سکیں۔

خرگوش کی بجائے کچھوے کی چال میں جیت ہوتی ہے، اِسی لئے لمبی دوڑ میں کھلاڑی آغاز میں آہستہ بھاگتے ہیں۔


بھری بزم میں راز کی بات کہہ دی
بڑا بے ادب ہوں سزا چاہتا ہوں

 

[نبیل]

منہاجین: کیاں کروں، دل کرتا ہے کہ پل بھر میں سارا کام ہو جائے لیکن کارجہاں دراز ہے۔

 

[منہاجین]

کارِ جہاں دراز ہے ۔ ۔ ۔




کارِ جہاں دراز ہےتو میرا انتظار کر

 

[جہانزیب]

میں نے ٥-٦ بار ناکام کوشش کی ہے نبیل بھائی لیکن صاف صحفہ ہی نظر آتا ہے۔۔ مطلب یہ کہ دوسروں کا لکھا تو نظر آتا ہے مگر خود کہاں لکھوں کچھ پلے ہی نہیں پڑ رہا ہے۔۔ پہلے گھر سے دیکھا تھا ابھی اپنی جاب سے دیکھ کہ کہہ رہا ہوں

 

[نبیل]

جہانزیب: ابھی یہ چیٹ کا سسٹم beta phase میں ہی سمجھو۔ دراصل خود پیغام ٹائپ کرنے کے لیے نیچے ایک ایڈٹ باکس موجود ہے جو کلک کرنے پر مکمل باہر آاتا ہے۔ اس کا بیک گراؤنڈ بھی سیاہ ہے۔ مجھے جب فرصت ملے گی تو اس پر توجہ دوں گا۔