اردو وکی سرور

نبیل

تکنیکی معاون
السلام علیکم،

میں نے کچھ عرصہ قبل اردو میڈیا وکی پر مشتمل یونیفارم سرور کا ایک پیکج تیار کرنے کا ارادہ ظاہر کیا تھا۔ آج میں آپ کے سامنے اردو وکی سرور کے نام سے یہ سوفٹویر پیش کر رہا ہوں۔ اس کے ذریعے آپ اردو میڈیا وکی کو بآسانی اپنے کمپیوٹر پر ٹیسٹ کر سکیں گے۔ اس طرح آپ کے لیے میڈیا وکی کا استعمال سیکھنا آسان ہوجائے گا۔ اس سے خاص طور پر اردو لائبریری پراجیکٹ پر کام کرنے والوں کو فائدہ ہو سکتا ہے۔ اردو لائبریری سائٹ اردو میڈیا وکی پر ہی مبنی ہے۔ لائبریری پراجیکٹ پر کام کرنے والے دوست پہلے اپنے کمپیوٹر پر ہی مواد پبلش کرنے کا تجربہ کر سکتے ہیں اور اطمینان ہونے کے بعد اسے لائبریری سائٹ پر پوسٹ‌ کر سکتے ہیں۔ اس طرح آپ کے وقت اور انٹرنیٹ کے کنکشن کی بچت بھی ہو جائے گی۔

اردو وکی سرور کو استعمال کرنے کے لیے پہلے اسے کسی فولڈر میں ان زپ کریں۔ اس کے بعد اس کے روٹ فولڈر میں موجود Server_Start.bat فائل رن کریں۔ اس سے اردو وکی سرور میں شامل اپاچی ویب سرور اور مائی ایس کیو ایل سرور سٹارٹ ہو جائے اور ذیل کی تصویر میں دکھایا گیا ابتدائی صفحہ ظاہر ہوگا۔ اس صفحے پر اردو وکی سرور کے ربط پر کلک کرکے آپ لوکل اردو وکی کے صفحہ اول پر جا سکتے ہیں جو کہ ذیل کی تصویر میں دکھایا گیا ہے۔ اس لوکل اردو وکی کا ایڈمن اکاؤنٹ پہلے سے سیٹ کیا گیا ہے۔ اس کے ایڈمن اکاؤنٹ کی تفصیل ذیل میں ہے:

ایڈمن یوزر نیم: WikiSysop
ایڈمن پاسورڈ: urduweb

نوٹ کریں کہ اردو وکی سٹارٹ کرنے سے قبل اگر آپ کے کمپیوٹر پر اپاچی یا مائی ایس کیو ایل سرور چل رہا ہے تو اسے پہلے شٹ ڈاؤن کر لیں ورنہ اردو وکی سرور سٹارٹ نہیں ہوگا۔ اردو وکی سرور کا استعمال کرنے کے بعد اسے شٹ ڈاؤن کرنے کے لیے اسی کے روٹ فولڈر میں موجود Stop.bat فائل رن کریں۔


اردو وکی سرور ڈاؤنلوڈ کریں


میں امید کرتا ہوں کہ آپ اس سوفٹویر کو مفید پائیں گے اور میں اس سلسلے میں آپ کی آراء کا منتظر رہوں گا۔

والسلام
 

kutkutariyaan

محفلین
ماشااللہ !! بہت ہی پیاری اور معیاری شیرنگ کی ہے۔۔۔۔۔ :(
لیکن۔۔۔۔۔

برءے کَرم یہ بتاءیں کہ ایک عام یوزر اِس سے کیسے اِستعفادہ حاصل کر سکتا ہے ؟؟
 

نبیل

تکنیکی معاون
کُت کُتاریاں، یہ شئیرنگ عام یوزر کے لیے ہی ہے۔ آپ کو اس کے استعمال میں کیا مسئلہ لاحق ہو رہا ہے؟
 

kutkutariyaan

محفلین
میں اِس کو ٹھیک سے سمجھ نہیں پا رہا۔۔۔

براے کرم اِس بات پر روشنی ڈالیں کہ۔۔۔۔۔ اِس کو اِستعمال کرنے کے فواءد کیا کیا ہیں ؟؟؟
شکریہ۔۔۔۔
 

دوست

محفلین
پاء جی یہ ڈویلپرز کے لیے ہے۔ جو اردو وکی پیڈیا جیسی ویب سائٹ اپنے کمپیوٹر پر تجربات کے لیے بنانا چاہتے ہیں۔ اگر آپ کو لوکل ہوسٹ کے بارے میں کچھ پتا نہیں تو آپ کے لیے بے کار چیز ہے یہ۔ لوکل ہوسٹ کے بارے میں‌ مختصرًا اتنا کہ یہ آپ کے کمپیوٹر پر موجود ویب ڈویلپمنٹ انوائرمنٹ کو عمومًا کہا جاتا ہے۔ انٹرنیٹ پر موجود کمپیوٹرز جن پر ویب سائٹس ہوسٹ کروائیں گئی ہوتی ہیں انھیں سرور کہا جاتا ہے۔ جبکہ لوکل ہوسٹ کا مطلب ہوا کہ یہ کمپیوٹر ہی بطور سرور کام کررہا ہے۔
وسلام
 

نبیل

تکنیکی معاون
شاکر، یہ ڈیویلوپرز ہی نہیں بلکہ عام یوزرز کے لیے بھی یکساں مفید ہے۔ یہ محض ویب سرور نہیں ہے بلکہ اس پر میڈیا وکی کا اردو ورژن انسٹال ہوا ہوا ہے جس کی بدولت لوکل انوائرنمنٹ میں رہتے ہوئے وکی سائٹ پر کام کرنے کی بخوبی مشق کی جا سکتی ہے۔ میں نے یہ پیکج خاص طور پر لائبریری سائٹ پر کام کرنے والوں کے لیے تشکیل دیا ہے۔ اس کے ذریعے لائبریری سائٹ پر کام کرنے والے پہلے اپنی لوکل وکی سائٹ پر مواد مدون کر سکتے ہیں اور اس کے بعد اسے لائبریری سائٹ پر پوسٹ کیا جا سکتا ہے۔
 

راج

محفلین
اردو وکی میں ھی۔ سینس

کیا اردو وکی میں ایڈ سینس کو بھی استعمال کیا جاسکتا ہے-
اور ایک سوال اردو وکی میں ایڈمن سیکشن ھے کہ نہیں-
اگر ہے تو اسے کیسے استعمال کرسکتے ہیں-
جواب کا منتظر
 
Top