اردو محفل کا سکول-(3)

[شمشاد]

مسئلہ خاصہ سنجیدہ لگتا ہے جو لمبی چھٹی مانگی جا رہی ہے۔ اپنا خیال رکھنا۔ اور جلد واپس آنا۔

 

[شمشاد]

عقبہ بن عامر رضی اللہ تعالٰی عنہ کہتے ہیں کہ میں نے رسول اللہ صلی اللہ علیہ و آلہ وسلم کو یہ ارشاد فرماتے سنا " مسلمان، مسلمان کا بھائی ہے۔ جو مسلمان اپنے بھائی کے ہاتھ کوئی چیز بیچے اور اس میں عیب ہو تو اس کو چاہیے کہ اس عیب کو اس سے صاف صاف بیان کر دے۔ عیب کو چھپانا کسی مسلمان تاجر کے لیے جائز نہیں ہے۔" (ابن ماجہ)

 

[سارہ خان]

سخت کلامی باعث افتراق اور نرمی و ملائمت موجب اتحاد و اتفاق ہے ۔۔

 

[تعبیر]

غریب وہ نہیں جس کے پاس کم ہے۔ بلکہ غریب وہ ہے جسے زیادہ کی ہوس ہو۔ (برکلے)

 

[شمشاد]

یہ حسن پھر سے غائب ہو گیا؟

 

[شعیب خالق]

السلام علیکم میں حاضر ہوں
آدمی تین قسم کے ہوتے ہیں۔
کامل، کاہل، لاشے،
کامل وہ ہے جو لوگوں سے مشورہ کرکے اس پر غور کرے۔
کاہل وہ ہے جو اپنی رائے پر چلے اور کسی سے مشورہ نہ کرے۔
لاشے وہ ہے کہ نہ وہ خود صاحب الرائے ہو اور نہ دوسرے سے مشورہ کرے۔
حضرت عمر فاروق

 

[حسن علوی]

یہ حسن پھر سے غائب ہو گیا؟

شمشاد بھائی میری خواہش ہی رہی کہ مجھ میں یہ صفت بھی پیدا ہو جائے (غائب ہو نے والی)۔ کاش کہ میں ہو سکتا

 

[زونی]

ہوم ورک۔




ہر وہ شے جو عمل میں آنی چاہیئے ، اسطرح عمل میں آئے جسطرح آنی چاہیئے ، اس حد تک جس حد تک چاہیئے ،وہاں جہاں چاہیئے اور اس وقت جس وقت چاہیئے ' خیر' کہلاتی ھے اور ہر وہ شخص جو سوچ سمجھ کر اپنے اختیار سے اس طریق پر گامزن ہوتا ھے ،اسے دانا کہتے ہیں۔


(ابنِ مسکویہ)

 

[شمشاد]

شمشاد بھائی میری خواہش ہی رہی کہ مجھ میں یہ صفت بھی پیدا ہو جائے (غائب ہو نے والی)۔ کاش کہ میں ہو سکتا

کاکا خیر تو ہے ناں؟ بہت شوق ہے غائب ہونے کا، پاکستان آؤ، خفیہ ایجنسیوں والے انتظار میں ہیں۔

 

[شمشاد]

رسول اللہ صلی اللہ علیہ و آلہ وسلم نے فرمایا " ظلم قیامت کے دن، ظالم کے لیے سخت اندھیرا بنے گا۔" (متفق علیہ عن ابن عمر رضی اللہ تعالٰی عنہ)

 

[ماوراء]

شمشاد بھائی میری خواہش ہی رہی کہ مجھ میں یہ صفت بھی پیدا ہو جائے (غائب ہو نے والی)۔ کاش کہ میں ہو سکتا

کچھ عرصہ پہلے تک میرا بھی بڑا دل کرتا تھا کہ میں غائب ہو جاؤں، کوئی مجھے دیکھ نہ سکے۔

 

[شمشاد]

پاکستان میں لڑکیوں کے لیے خفیہ ایجنسیوں کے علاوہ بھی خدائی خوار موجود ہیں جو بالکل ہی غائب کر دیں گے۔ اور ایسا غائب کریں گے کہ کبھی بھی کوئی نہیں دیکھ سکے گا۔

 

[حسن علوی]

یہ آج اسکول سے سبھی غائب ہیں سمیت انتظامیہ کے، لگتا ھے ایجنسیوں والے یہاں بھی پہنچ گئے ہیں

 

[شمشاد]

ایجنسیوں والوں کا یہاں پہنچنا ذرا مشکل ہے۔ ہاں پاکستان کی اور بات ہے، وہاں وہ کہیں بھی پہنچ سکتے ہیں۔

 

[ماوراء]

اچھا۔۔۔یہاں کیا صرف باتیں ہی ہو رہی ہیں یا ہوم ورک بھی؟
جو باقاعدگی سے ہوم ورک کر رہے ہیں، ان کو ڈھیر ساری شاباش۔ بڑے فرمانبردار بچے ہیں۔


سارا نہیں آئی؟ لگتا ہے خبر لینی پڑے گی-

 

[شمشاد]

واقعی سارا کافی دنوں سے غیر حاضر ہیں اور وہ بھی بغیر اطلاع کے۔

 

[سارہ خان]

شکست کو کم ہمتی کا ذریعہ نہ بناؤ اس سے تو دلوں ‌میں تازہ ولولہ پیدا ہوتا ہے

جو آدمی یہ سمجھتا ہے کہ پر بات فوراً اسے سمجھ اجاتی ہے وہ آدمی کچھ نہیں سمجھ سکتا ،،

آدمی کا بہترین معلم تجربہ ، اور زندگی کی ٹھوکریں اعلیٰ ذریعہ تعلیم ہے ،،

 

[شمشاد]

آج ایک ماسٹر صاحب کے بھائی کی شادی ہے اور اسی علاقے کے ایک طالبعلم وہ بھی اس شادی میں گئے ہوں گے۔
اسکول کی طرف سے ماسٹر صاحب کو ان کے بھائی کی شادی کی مبارک باد

 

[تعبیر]

اچھا آج شادی ہے۔ ویسے کافی لوگ اسکول میں ولیمہ کرتے ہین۔ تو کیا یہاں بھی یہی ہو گا

 

[سیدہ شگفتہ]

"دوسروں کو مصائب و مشکلات سے نجات دلانے کی کوشش کرنا
نہ صرف ہر فرد کی ذمہ داری ہے بلکہ اس عمل سے لذت بھی حاصل
ہوتی ہے۔ انسان کو محبت کا دامن اس قدر وسیع کر دینا چاہیے کہ ہر
فرد اس کے سائے میں آ سکے۔ تاکہ اس کے ذریعہ سے اس کی رُوح
پُرسکون اور دل دل رنج و غم کی آلائش سے پاک و صاف ہو جائے
اور انسان حقیقی سعادت سے ہمکنار ہو سکے۔"




خیال : سید مجتبی موسوی لاری




​