اردو محفل مٹر گشتی کرنے والے زائرین کا آنکھوں دیکھا حال

[فاروق احمد بھٹی]

بہت خوب تجزیہ ہے۔
کچھ لوگ میری طرح ادیب ادباء سے سہمے ہوئے بھی ہوتے ہیں۔
کچھ لوگوںکوصحیح طریقہ سے استعمال نہیں آتا، بس دیکھا مقصد پورا ہوا یہ گیا وہ گیا۔
زرادیرلگے گئی مگرآشنائی ہوجائے گی یا پھر عادت سی بن جائے گی۔

شکریہ حوصلہ افزائی کے لئے محترم

 

[ادب دوست]

بہت سے لوگ سماجی رابطے کی سائٹس پر عام لوگوں سے الگ موقف اس لئے اپناتے ہیں کہ انھیں علیحدہ سے توجہ حاصل ہو سکے - یہ ایک نفسیاتی عارضہ ہے - بعض لوگ اسی عارضے کے تحت کبھی کسی تسلیم شدہ حقیقت کا انکار کرنے لگتے ہیں کیونکہ ایسی صورت میں بھی انھیں فوراََ توجہ مل جاتی ہے لوگ اختلاف ہی سہی مگر انکی بات پر بات ضرور کرتے ہیں - بعض لوگ اسی سستی شہرت کے حصول کیلئے بعض اوقات محترم اور ہردل عزیز شخصیات میں مین میخ نکالنے لگتے ہیں - اسی سستی شہرت کا ایک طریقہ یہ بھی ہے کہ بلا وجہ نامور لوگوں سے بغض پال لیا جائے - ایسے میں کسی اور کی شہرت سے منسلک ہو کر اپنی شہرت کا سامان پیدا کیا جاتا ہے .
خیر یہ نفسیات کی ایک طویل بحث ہے پھر کبھی اس پر تفصیلاً بات کریں گے

جن حضرات نے یہ پوچھا کہ آخر اس نفسیاتی پیماری سے بچاؤ کے اصول کیا ہیں ان سے عرض ہے کہ یہ مرض اس قدر مہلک ہے کہ اگر درست تشخیص نہ ہو یا بر وقت علاج نہ ہو سکے تو مریض اپنے ساتھ ساتھ اوروں کے لئے بھی مہلک ثابت ہو سکتا ہے - اگر ایسے مریض کی باتوں پر توجہ نہ کی جائے تو ایسے میں انکی باتوں میں مزید شدت آتے ہوے دیکھی گئی ہے - اور اگر ضرورت سے زیادہ توجہ مل جائے تو عموماََ کم ظرفی کی وجہ اوچھی باتیں شروع کر دیتے ہیں - تو یہ دونوں ہی صورتیں مرض کی شدت اور مریض کی مشکل میں اضافے کا باعث ہو جاتی ہیں -
اس کا ایک حل ہے جس میں کامیابی کے امکانات سب سے زیادہ نوٹ کیے گئے ہیں - وہ میں آپ حضرات سے شئیر کرتا ہوں -

ماہرین کہتے ہیں اس بیماری میں مبتلا افراد سے نفرت نہ کی جائے کیونکہ بہرحال یہ آپ کی ہمدردی کے مستحق ہیں - اول اول تو کوشش کی جائے کے انکی بات کو سنجیدگی سے نہ لیا جائے بلکہ انہیں نفسیاتی مریض سمجھ کر ان سے محبت بھرا سلوک کیا جائے - دوم یہ کہ کوشش کی جائے کہ انکی باتوں سے بات نکال کر اسے ہنسی مزاق کی طرف موڑ دیا جائے - اس سے مریض کو یہ تسکین ہو گی کہ وہ اپنی کیفیت سے خود نہیں الجھے گا بلکہ اپنے آپ کو نارمل انسانوں کے قریب محسوس کرے گا -

جس قدر ایسا مریض اپنے آپ کو نارمل انسانوں کے قریب محسوس کرے گا اتنا ہی افاقہ ہونے کی امید ہے - خود مریض کے کرنے کے کاموں میں ماہرین عموماََ انھیں کتابوں سے رشتہ جوڑنے کو کہتے ہیں - اچھے لوگوں کی محفل میں آنا جانا بھی اس مرض میں غذاِ مقوی کی حثیت رکھتا ہے - علاوہ اس کے اگر مریض کسی طرح اپنے آپ کو اس بات پر راضی کر سکے کہ جو کچھ وہ کہے گا یا کہیں تحریر کرے گا اسکے مطلق پہلے اچھی طرح تحقیق اور معلومات حاصل کر لے گا تو یہ عمل تو یوں سمجھیں کے اکسیر ہے

اگر اس کے بعد بھی آپ دوست اور باتیں کرنا چاہتے ہوں اس موضوع پر تو یہ خادم حاضر ہے -

 

[فاروق احمد بھٹی]

ایک بات جس کا تذکرہ کرنا میں اپنی تحریر( جو کے اس لڑی کی وجہ تسمیہ تھی) میں بیان کرنا بھول گیا۔ چلئے یہیں بیان کئے دیتا ہوں کہ موقع بھی ہے اور تقاضا بھی۔

محفل پر مٹر گشتی کرنے والوں کی شماریات میں انکے ساتھ دو لفظ آن لائن لکھے ہوتے ہیں جو کہ میرے خیال میں تکلفِ محذ ہے کہ یہا ں لائن سے کیا بلکہ پٹری سے اترے ہوئے زائرین بھی پائے جاتے ہیں تو یہ کیا بوالعجبی ہے کہ سبھی زائرین کے ساتھ آن لائن لکھنے کا تکلف برتا گیاہے؟

 

[arifkarim]

ایک بات جس کا تذکرہ کرنا میں اپنی تحریر( جو کے اس لڑی کی وجہ تسمیہ تھی) بیان کرنا بھول گیا۔ چلئے یہیں بیان کئے دیتا ہوں کہ موقع بھی ہے اور تقاضا بھی۔
محفل پر مٹر گشتی کرنے والوں کی شماریات میں انکے ساتھ دو لفظ آن لائن لکھے ہوتے ہیں جو کہ میرے خیال میں تکلفِ محذ ہے کہ یہا ں لائن سے کیا بلکہ پٹری سے اترے ہوئے زائرین بھی پائے جاتے ہیں تو یہ کیا بوالعجبی ہے کہ سبھی زائرین کے ساتھ آن لائن لکھنے کا تکلف برتا گیاہے؟

آن لائن کو اردو میں کیا کہتے ہیں، اگر اسکا ترجمہ ہو جاتا تو شاید پٹری سے اترنے کی زحمت نہ ہوتی

 

[عبدالقیوم چوہدری]

اگر اس کے بعد بھی آپ دوست اور باتیں کرنا چاہتے ہوں اس موضوع پر تو یہ خادم حاضر ہے -

بہت بہت شکریہ۔
ماشااللہ آپ نے تو بہت ہی عمدہ انداز میں لکھا۔ زبردست

 

[ادب دوست]

بہت بہت شکریہ۔
ماشااللہ آپ نے تو بہت ہی عمدہ انداز میں لکھا۔ زبردست

شکریہ چوہدری صاحب ! آپ کا پسند فرمانا خاکسار کیلئے باعثِ افتخار ہے

 

[فاروق احمد بھٹی]

شکریہ چوہدری صاحب ! آپ کا پسند فرمانا خاکسار کیلئے باعثِ افتخار ہے

یہ خاکسار کون ہے جناب ؟ جس کے لئے چوہدری صاحب کا پسند فرمانا باعث افتخار ہے ۔

 

[arifkarim]

یہ خاکسار کون ہے جناب ؟ جس کے لئے چوہدری صاحب کا پسند فرمانا باعث افتخار ہے ۔

خاکسار بطور تخلس استعمال کیا اجتا ہے۔

 

[حاتم راجپوت]

خاکسار بطور تخلس استعمال کیا اجتا ہے۔

غلط املاء کی ریٹنگ موجود ہے

 

[عبدالقیوم چوہدری]

یہ خاکسار کون ہے جناب ؟ جس کے لئے چوہدری صاحب کا پسند فرمانا باعث افتخار ہے ۔

خاکسار بطور تخلس استعمال کیا اجتا ہے۔

علامہ عنایت اللہ خان مشرقی کی تحریک سے وابستہ افراد بھی خاکسار کہلاتے ہیں۔
لیکن یہاں ممکنہ طور پر عاجزی اور انکساری کے لیے استعمال کیا گیا ہے۔
تخلص بھی ہو سکتا ہے

 

[arifkarim]

جلدی میں ایسا ہی ہوتا ہے

 

[حاتم راجپوت]

جلدی میں ایسا ہی ہوتا ہے

 

[فاروق احمد بھٹی]

خاکسار بطور تخلس استعمال کیا اجتا ہے۔

لیکن یہاں ممکنہ طور پر عاجزی اور انکساری کے لیے استعمال کیا گیا ہے۔
تخلص بھی ہو سکتا ہے

یار لوگ کافی سنجیدگی سے لے گئے میری بات کو میں نے تو ازراہِ تفنن کہا تھا ۔ شاید بیانئے میں کوئی کمی رہ گئی۔

 

[ادب دوست]

یہ خاکسار کون ہے جناب ؟ جس کے لئے چوہدری صاحب کا پسند فرمانا باعث افتخار ہے ۔

کس مخمصے میں ڈال دیا اِنکسار نے
اپنے کہے __ پہ آپ ہی شرمسار ہوں
لے آیا میرے واسطے ____ وہ ایک بیلچہ
اک دن یہ کہہ دیا تھا کہ میں خاکسار ہوں

 

[فاروق احمد بھٹی]

کس مخمصے میں ڈال دیا اِنکسار نے
اپنے کہے __ پہ آپ ہی شرمسار ہوں
لے آیا میرے واسطے ____ وہ ایک بیلچہ
اک دن یہ کہہ دیا تھا کہ میں خاکسار ہوں

ایک خاکسار صاحب کیا کم تھے کہ اب آپ ساتھ میں انکسار صاحب کو بھی لے آئے

 

[ادب دوست]

ایک خاکسار صاحب کیا کم تھے کہ اب آپ ساتھ میں انکسار صاحب کو بھی لے آئے

خاکسار اور انکسار دونوں بہت ملنسار ہیں

 

[فاروق احمد بھٹی]

خاکسار اور انکسار دونوں بہت ملنسار ہیں

خاکسار اور انکسار سے کہئے دامنِ کوہسار چلے جائیں کہ بر سر محفل زیادہ ملنساری دکھانے سے کہیں شرمسار یا سنگسار نہ ہو جائیں

 

[عبدالقیوم چوہدری]

ایک خاکسار صاحب کیا کم تھے کہ اب آپ ساتھ میں انکسار صاحب کو بھی لے آئے

خاکسار اور انکسار دونوں بہت ملنسار ہیں

خاکسار اور انکسار سے کہئے دامنِ کوہسار چلے جائیں کہ بر سر محفل زیادہ ملنساری دکھانے سے کہیں شرمسار یا سنگسار نہ ہو جائیں

چمتکار نہیں ہو گیا !!!

 

[ادب دوست]

بے شمار ہو گیا

 

[محمد اسلم]

وہ سب تو ٹھیک ہے ،،،، یہ افتخار کون ہے ؟