اردو شعراء کے فارسی ماخوذات (مصرعے ، اشعار، محاورات)

[دائم]

السلامُ علیکم و رحمۃ اللہ و برکاتہ احباب!!

اس لڑی کے بنانے کا مقصد یہ ہے کہ اردو شاعری میں فارسی تضمینات کو ایک جگہ جمع کیا جا سکے، آپ سب جانتے ہیں کہ علامہ اقبال نے صائب تبریزی، عرفی، حافظ، ہلالی، غالب اور دیگر کئی شعراء کے فارسی مصارع کو اپنے اشعار میں بقیدِ ردیف و قافیہ یوں پیوست کیا کہ وہ ایک نئی معنویت کیساتھ پردۂ سُخن پر نمود فگن ہوئے!
میری خواہش ہے کہ یہاں اس طرح کے سب اشعار اکٹھے کر لیے جائیں، عین ممکن ہے کہ آئیندہ ایام میں کسی کے کام آ سکیں!
علامہ اقبال کے علاوہ ہزاروں اردو شعراء کے ہاں فارسی ماخوذات پائے جاتے ہیں جو بعض جگہوں پر نئی معنویت سے جلوہ افروز ہوئے ہیں اور کچھ مقامات پر محض قافیہ پیمائی کے کام آئے ہیں

بہت بہت شکریہ!
سو بسم اللہ کیجئے

حسان خان
الف عین
محمد وارث
الف نظامی
فرقان احمد
اکبر صابری

المختصر!
سب دوست حصہ لیں

 

[دائم]

''تخمِ دیگر بکف آریم و بکاریم زِ نَو"
کانچہ کشتیم زِ خجلت نتواں کرد درو
علّامہ اقبال

شعر کا مصرعۂ اولیٰ مشہور فارسی شاعر مُلّا عرشی کا ہے

 

[فرقان احمد]

محترم حسان خان کو غالباََ سب سے پہلے ٹیگ کیا جانا چاہیے تھا۔

 

[دائم]

محترم حسان خان کو غالباََ سب سے پہلے ٹیگ کیا جانا چاہیے تھا

میرے علم میں نہیں کہ وہ اس بارے بہتیرا جانتے ہیں، سو اب کر دیتا ہوں!!

 

[فرقان احمد]

یہاں ایک کام کا مضمون ملے گا آپ کو۔ ربط

 

[دائم]

یہاں

یونی کوڈ میں ہوتا تو اشعار منتقل کرنے میں آسانی تھی، لیکن وہاں پکچر پوسٹ ہے

 

[فرقان احمد]

یہاں آپ کو یونی کوڈ میں بھی بعض متعلقہ اشعار ملیں گے۔ ربط

 

[دائم]

یہاں آپ کو یونی کوڈ میں بھی بعض متعلقہ اشعار ملیں گے۔ ربط

بہت زبردست ربط بھیجا ہے
جزاک اللہ خیرا و احسن الجزاء

 

[حسان خان]

امام بخش ناسخ کی ایک غزل کا فارسی-اردو مقطع:
آنان که خاک را به نظر کیمیا کُنند
ناسخ ہیں خاک رہگُذرِ بوتُراب میں
(امام بخش ناسخ)
اے ناسخ! جو افراد خاک کو [اپنی ایک] نظر سے کیمیا کر دیتے ہیں، وہ ابوتُراب (حضرتِ علی) کی رہ گُذر میں خاک ہیں۔

× فارسی مصرع حافظ شیرازی کا ہے۔

 

[یاسر بخاری]

السلام علیکم و رحمت اللہ و برکاتہ
معزز احباب میں اس محفل میں نو وارد ہوں اور یہ میرا پہلا تبصرہ ہے لہذا دخل در معقولات پر معافی کا خواستگار ہوں

گزارش فقط اتنی ہے کہ ایک فارسی شعر کے شاعر کا نام معلوم کرنا ہے اور اگر پوری غزل بھی مل جائے تو سونے پہ سہاگہ والا کام ہو گا۔ نیز اگر اس شعر میں کوئی غلطی ہو تو اس کی بھی اصلاح فرما دیجئے۔ شعر ہے
ہمہ شب بزاریم شد کہ صبا نہ داد بوئے
نہ دمید صبح بختم چہ گنہ نہم قضا را

پہلے مجھے گمان تھا کہ یہ حافظ کی غزل دل می رود ز دستم کا ہی ایک شعر ہے لیکن جب دیوان میں پوری غزل دیکھی تو نہ پایا۔
آپ احباب کی رہنمائی کا بے تابی سے منتظر رہوں گا
نیز اس نو وارد کی مذید رہنمائی بھی فرمائیں کہ ایسے سوالات کس لڑی میں اٹھائے جائیں؟
اجرکم علی اللہ

 

[عباس رضا]

ہمہ شب بزاریم شد کہ صبا نہ داد بوئے
نہ دمید صبح بختم چہ گنہ نہم قضا را

شاید یہاں سے مدد ملے۔
شاید شاعر کا نام ”نور قطب عالم“ ہے۔

 

[یاسر بخاری]

شاید یہاں سے مدد ملے۔
شاید شاعر کا نام ”نور قطب عالم“ ہے۔

بہت بہت شکریہ جناب۔ جزاک اللہ احسن الجزاء
نور قطب عالم کا کوئی مجموعہ کلام مطبوعہ ملتا ہے ؟

 

[فرقان احمد]

بہت بہت شکریہ جناب۔ جزاک اللہ احسن الجزاء
نور قطب عالم کا کوئی مجموعہ کلام مطبوعہ ملتا ہے ؟

ربط

تاہم، شاید یہ تصوف کی کتاب ہے ۔۔۔!

 

[سید عاطف علی]

ایک نعتیہ شعر لسان الغیب حافظ شیرازی کا بہت معروف ہے ۔
شب معراج عروج تو از افلاک گزشت
بمقامے کہ رسیدی نرسد ہیچ نبی
۔
اس پر میرے والد صاحب نے نعتیہ تضمین اس طرح کی تھی ۔
آسمانوں سے بلند آج تری جلوہ گری
بمقامے کہ رسیدی نرسد ہیچ نبی

 

[یاسر بخاری]

ربط

تاہم، شاید یہ تصوف کی کتاب ہے ۔۔۔!

بہت بہت شکریہ
سلامت رہیں جناب