اردو سلیکس انسٹال کریں

مکی نے 'اردو سلیکس لینکس' کی ذیل میں اس موضوع کا آغاز کیا، ‏ستمبر 5, 2007

  1. مکی

    مکی معطل

    مراسلے:
    939
    بسم اللہ الرحمن الرحیم

    فرض کرتے ہیں کہ آپ ونڈوز کے صارف ہیں اور آپ کے کمپیوٹر میں دو پارٹیشن ہیں، ایک جس میں ونڈوز انسٹال ہے یعنی C:\ اور دوسرا جس میں آپ کا ڈیٹا وغیرہ ہے یعنی D:\ لیکن D پارٹیشن کا فائل سسٹم fat32 ہونا لازمی ہے.. اردو سلیکس کو انسٹال کرنے کے لیے آپ اپنی D میں slax نامی فولڈر بنائیں اور اردو سلیکس کی سی ڈی لگا کر اس کا تمام تر مواد اس فولڈر میں کاپی کردیں.. سی ڈی لگی رہنے دیں اور کمپیوٹر کو ری سٹارٹ کریں اور اردو سلیکس کی سی ڈی سے بوٹ کریں.. یہاں میں امید کرتا ہوں کہ آپ نے بوٹ سیکونس میں سی ڈی کو پہلے نمبر پر رکھا ہوا ہوگا تاکہ سی ڈی بوٹ ہوسکے اگر ایسا نہیں ہے تو کرلیں.. جیسے ہی اردو سلیکس کی سی ڈی بوٹ ہو اور آپ کو اس کی سپلیش سکرین نظر آئے فورا F1 دبادیں.. اس کام میں ذرا پھرتی کا مظاہرہ کریں ورنہ سی ڈی باقاعدہ بوٹ ہونا شروع کردے گی.. F1 دبانے سے جو اگلی سکرین نمودار ہو اس میں یہ لکھیں:

    کوڈ:
    slax from=slax
    اور انٹر کا بٹن دبادیں.. آپ کی D میں موجود اردو سلیکس بوٹ ہونا شروع ہوجائے گی اب آپ چاہیں تو سی ڈی نکال لیں.. تھوڑی ہی دیر میں اردو سلیکس بوٹ ہوکر آپ کے سامنے ہوگی.. یہاں ہم نے اردو سلیکس کی سی ڈی کو صرف بوٹ کرنے کے لیے استعمال کیا ہے.. اس طرح نا تو آپ کے ماسٹر بوٹ ریکارڈ کو کچھ ہوتا ہے اور نا ہی آپ کی ونڈوز پر اس کا کوئی اثر پڑتا ہے اور آپ لینکس بھی چلالیتے ہیں، استعمال کے بعد آپ ری سٹارٹ کریں آپ کی ونڈو بالکل اسی طرح چلے گی جس طرح روز چلتی ہے..

    لیکن اگر آپ چاہتے ہیں کہ آپ کو اردو سلیکس چلانے کے لیے بار بار سی ڈی کا سہارا نہ لینا پڑے تو مذکورہ بالا طریقے سے اردو سلیکس کو اپنی ہارڈ ڈسک سے بوٹ کریں اور /etc میں جاکر lilo.conf نامی فائل کو تلاش کرکے کھول لیں.. اگر نہ ملے تو بنالیں اور اس میں ذیل کا کوڈ ڈال کر محفوظ کرکے بند کردیں:

    کوڈ:
    # the content of /etc/lilo.conf:
    boot = /dev/hda
    prompt
    timeout = 300
    
    # WindowsXP menu entry:
    other = /dev/hda1
    label = WindowsXP
    
    # SLAX menu entry:
    image = /mnt/hda2/SLAX/boot/vmlinuz
    initrd=/mnt/hda2/SLAX/boot/initrd.gz
    label = SLAX
    root = /dev/ram0
    append="max_loop=255 init=linuxrc load_ramdisk=1 ramdisk_size=4444"
    read-write
    مندرجہ بالا کوڈ اس بات کو مد نظر رکھ کر لکھا گیا ہے کہ آپ کی ونڈوز C میں انسٹال ہے اور slax کا فولڈر آپ نے اپنی D میں بنایا ہے.. اگر صورتحال مختلف ہو تو آپ اس کو اپنے پارٹیشنز کے حساب سے مدون کرسکتے ہیں..

    اب ٹرمنل کھولیں اور یہ کمانڈ چلائیں:

    کوڈ:
    lilo -m /mnt/hda2/SLAX/slax.map -S /dev/null
    اس طرح لیلو بوٹ لوڈر ماسٹر بوٹ میں انسٹال ہوجائے گا جس سے آپ ونڈوز اور اردو سلیکس جسے چاہیں بوٹ کرسکتے ہیں..

    واللہ الموفق
     
    • پسندیدہ پسندیدہ × 7
  2. رند

    رند محفلین

    مراسلے:
    359
    بہت خوب جناب جزاک اللہ لیکن میرے پاس یہ سلیکس کی سی ڈی وغیرہ کوئی نہیں صرف وہی فائل ہے جو کہ یہاں ڈاؤن لوڈ ہونے کے لیے رکھی ہوئی آپ خداراہ ونڈو آٹانوے سے کمپیوٹر کو بوٹ کرکے پھر اس کو چلانے کا کوئی طریقہ بتائیں آپ کی عین نوازش ہوگی وسلام
     
  3. مکی

    مکی معطل

    مراسلے:
    939
    بسم اللہ الرحمن الرحیم

    آپ نیرو کے ذریعے burn image کا آپشن استعمال کرتے ہوئے ڈاؤنلوڈ کی گئی فائل کو سی ڈی پر burn کریں پھر ان ہدایات پر عمل کریں..

    ساتھ ہی اس موضوع کا بھی مطالعہ کریں..

    واللہ الموفق
     
  4. فیضان الحسن

    فیضان الحسن محفلین

    مراسلے:
    157
    سلام مکی بھائی امید کرتا ہوں آپ خیریت سے ہونگے مصروفیت کی بنا پر نیٹ کی طرف آنا جانا بالکل ہی بند ہو گیا تھا ۔ میرے پاس سسٹم پاور فل نہیں ہے یو ایس بی سے بوٹنگ آپشن بھی نہیں ہے ایکس پی یوز کرتا ہوں ایکس پی کے اندر رہ کر نہیں چل سکتی سلیکس سسٹم رک ہی جاتا ہے ۔ اوپر والے طریقے سے میں سلیکس چلانے کے چکر میں ہوں لیکن مجھے کامیابی نہیں ہو رہی ہے جہاں تک سلیکس کاپی کرنے کی بات ہے تو ڈی میں کر چکا ہوں آپ کی بتائی ہوئی کنفگ فائل نہیں ملی نہ ہی کوئی ای ٹی سی وغیرہ فولڈر ہے غالباً نہیں ملا کنفگ فائل بنا لی ہے سلیکس کے فولڈر میں روٹ پر رکھی ہے سسٹم ریسٹارٹ کیا کوئی فرق نہیں بڑا کنفگ میں آپ کی بتائی ہوئی کوڈنگ کی تو سمجھ ہی نہیں آئی ورنہ کچھ نہ کچھ ہو جاتا یعنی ﴿یا آر تے یا پار﴾ اب آپ بتائیں کے یہ فائل بنانے کے بعد کہاں رکھنی ہے اس کے علاوہ کون سا ٹرمنل ہے جہاں کوڈ لکھنا ہے کیسے کام کرے گا آپ نے جو طریقہ بتایا ہے یہ طریقہ ان ہی لوگوں کے لیے ہے جو کافی کچھ جانتے ہیں میرے جیسے بندے کے لیے تھوڑی گہرائی میں وضاحت درکار ہوتی ہے ورنہ میں بیٹھا منہ ہی دیکھتا رہتا ہوں ۔
    غلطی گستاخی معاف ۔۔۔۔۔۔۔۔

    امید ہے آپ جلد جواب دیں گے میں سلیکس کو ڈی میں کاپی کر کے بیٹھا ہوں میرے پاس ایک ہی سی ڈی ہے جو جواب دے چکی ہے اب اگر ممکن ہو تو سلیکس کے بارے میں کوئی کلاس ہی شروع کر دیں تاکہ ہم جیسے لوگ جن کے شہر میں دور دور تک لینکس نہیں ہے کچھ سیکھ جائیں کتابی باتیں بڑھنے کا ٹائم نہیں ہوتا پھر بھی کچھ نہ کچھ بڑھ ہیی لیتا ہوں " اس سے بھی حسین تر ہیں غم روزگار کے" سو پلیز آپ مدد کریں میں نے سلیکس میں نیٹ ورکنگ بھی کرنی ہے کیونکہ میں نے نیٹ یوز کرنا ہے سلیکس میں اس کا طریقہ بھی بتا دیں تو نوازش ۘۘ۔۔

    دعا میں یاد رکھیے گا ۔

    اللہ حافظ
     
  5. دوست

    دوست محفلین

    مراسلے:
    13,080
    جھنڈا:
    Germany
    موڈ:
    Fine
    فیضان سلیکس یتیم سی ڈِسٹرو ہے جس کا اکلوتا ڈویلپر اس کے نئے ورژن پر کافی دیر لگا دیتا ہے۔ آپ نے اگر ونڈوز کے اندر ہی لینکس ٹرائی کرنا ہے تو ایکس اوبنٹو بہترین ہے۔ یہ پرانے سسٹم پر اچھی سپیڈ سے چل جاتا ہے۔ اور جب آپ اس کی سی ڈی کو ونڈوز میں بوٹ کروائیں گے تو ووبی خود ہی چل جائے گا اور ایکس اوبنٹو کو ونڈوز میں ہی کسی ونڈوز پروگرام کی طرح انسٹال کردے گا۔ لیکن آپ کی متعلقہ ڈرائیو میں‌ کم از کم 2 گیگا بائٹ کی جگہ اور فائل سسٹم این ٹی ایف ایس ہونا چاہیے۔ فےٹ 32 پر چونکہ 2 گیگا بائٹ سے بڑی فائل نہیں بن سکتی اس لیے اس پر انسٹال نہیں ہوسکے گا۔ انسٹالیشن کے بعد آپ کے پاس دو او ایس ہوجائیں گے اور کسی بھی نارمل لینکس سسٹم کی طرح آپ ایکس اوبنٹو استعمال کرسکیں گے۔ یہ خوبی وژن 8.04 میں ہے اسے لیے اوپر دئیے گئے ربط سے یہ ہی اتاریے گا۔
    وسلام
     
  6. فیضان الحسن

    فیضان الحسن محفلین

    مراسلے:
    157
    دوست بہت بہت شکریہ میں اس کو ڈائنلوڈ کرنے کی کوشش کرتا ہوں ابھی دیگر یہ کہ جو طریقہ اوپر دیا گیا ہے اس کو کیسے کیا جائے مجھے ویسے ہی سلیکس کرنے کا موڈ ہو رہا ہے آپ نے جو راستہ بتایا ہے وہ بہت اچھا ہے جہاں تک سلیکس کی بات ہے تو وہ مجھے کافی پسند آئی ہے میں نے ایک دن یوز کی تھی سنا ہے آسان بھی ہے جلدی سیکھی جا سکتی ہے ۔ اچھا ایک بات اور ایکس یوبنٹو کے علاوہ جو سہولت آپ نے بتائی ہے وہ کسی اور میں ہے یا نہیں جیسے یوبنٹو میں کبنٹو میں یا ڈیوبنٹو میں یار ایک تو ان کے نام انتے مشکل ہیں کہ سمجھ ہی نہیں آتی کیا لکھا ہوا ہے ۔
     
  7. چاند بابو

    چاند بابو محفلین

    مراسلے:
    1,378
    جھنڈا:
    Pakistan
    موڈ:
    Breezy
    یہ ہے تو گستاخی لیکن کیا کروں مجھے تو بالکل پتہ ہی نہیں چلا ہے کہ یہ سلیکس کیا بلا ہے اور کس کام آتی ہے براہِ کرم کوئی بھائی مجھے یہ تو بتا دے۔
     
  8. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    سلیکس لینکس کی ڈسٹرو ہے۔ لینکس مائیکرو سافٹ ونڈوز کی طرح کا ایک آپریٹنگ سسٹم ہے لیکن یہ مفت مہیا کیا جاتا ہے
     
    • پسندیدہ پسندیدہ × 1
  9. دوست

    دوست محفلین

    مراسلے:
    13,080
    جھنڈا:
    Germany
    موڈ:
    Fine
    فیضان اوبنتو کے تمام ورژنز میں اس کی سپورٹ موجود ہے۔
    چاند بابو لینکس آزاد اور مفت سافٹویرز پر مشتمل ایک نظام ہے جیسے م س ونڈوز۔ اس کے لیے آپ کو اکثر پیسے نہیں‌ ادا کرنے پڑتے، اگر دینے بھی پڑیں‌ تو بہت ونڈوز کے مقابلے میں بہت کم اور یہ لاگت بھی بزنس والوں‌ کے لیے ہے جو اپنے سسٹم چالو حالت میں‌ رکھنا چاہتے ہیں‌ اور دیکھ بھال کا کام پروفیشنل کمپنیوں‌ سے کرواتے ہیں۔ گھریلو صارف کے لیے لینکس عمومًا مفت ہی ہوتا ہے۔
     
    • پسندیدہ پسندیدہ × 1
  10. چاند بابو

    چاند بابو محفلین

    مراسلے:
    1,378
    جھنڈا:
    Pakistan
    موڈ:
    Breezy
    قیصرانی بھائی اور دوست بہت بہت شکریہ مفید معلومات دینے کا۔
     
  11. فیضان الحسن

    فیضان الحسن محفلین

    مراسلے:
    157
    بہت شکریہ دوست بھائی میرے پاس سی ڈی ہے میں دیکھوں گا اس کو ایکس پی میں ہی انسٹال کر لوں گا اگر ہو گئی مجھ سے کامیابی سے تو ورنہ آپ لوگ تو کہیں نہیں جا رہے آپ سے مدد کی درخواست کرتا رہوں گا ۔ تین دن میں ایکس ابنٹو جو ربط آپ نے فراہم کیا تھا اس کو ڈائنلوڈ کر رہا ہوں روز رات کو بمشکل 36 فیصد ہوئی ہے دیکھیں کب مکمل ہوتی ہے مجھے اس کی جو بات پسند آئی ہے وہ یہ ہے کہ اس کی سسٹم ریکوائمنٹ سادہ سی ہے میرا سسٹم اس کو کامیابی سے چلا لے گا ۔ اگر نہ چلا سکا تو میں سسٹم کو ہی چلتا کر دوں گا :grin:
     
  12. دوست

    دوست محفلین

    مراسلے:
    13,080
    جھنڈا:
    Germany
    موڈ:
    Fine
    انشاءاللہ یہ چلے گا۔ کسی بھی قسم کی مدد کے لیے حاضر ہوں۔
    وسلام
     
  13. فیضان الحسن

    فیضان الحسن محفلین

    مراسلے:
    157
    بہت بہت شکریہ دوست بھائی آپ کا امید ہے آپ میرے لیے دعا کرتے رہیں گے ۔ باقی انشاء اللہ آپ سے کچھ نہ کچھ سیکھنے کا موقع ملتا ہی رہے گا ایک بار یہ کیسے بھی انسٹال ہو جائے ۔ مکی بھائی کی سائٹ نہیں کھل رہی ہے کیا مسئلہ ہے کہیں اور تو نہیں شفٹ کر گئے ہیں اگر ان کی سائٹ کا ایڈرس دے دیں تو امید ہے وہاں سے بھی لینکس وغیرہ کی کچھ معلومات مل جائیں گی ۔
     
  14. دوست

    دوست محفلین

    مراسلے:
    13,080
    جھنڈا:
    Germany
    موڈ:
    Fine
    اردو کوڈر کافی عرصے سے بند ہے۔ ابھی نئی جگہ ہوسٹنگ کا بندوبست کررہے ہیں انشاءاللہ جلد ہی۔
     

اس صفحے کی تشہیر