ہر حرفِ تہجی ایک منفرد آواز کی علامت ہوتا ہے۔ بھاری حروف کو بھی اسی لیےحروفِ تہجی کی فہرست میں شامل کیا گیا ہے کیوں کہ یہ منفرد آواز کے حامل ہوتے ہیں۔ مثلاً ’بھ‘ کو لیجیے۔ عموماً ’بھ‘ کو ’ب+ہ=بھ‘ تصور کیا جاتا ہے۔ اگر اسے درست مان لیا جائے تو ’بہار‘ اور ’بھار‘ کا تلفظ تو ایک ہی ہونا چاہیے، جبکہ ایسا نہیں ہے۔’پہل‘ اور ’پھل‘ میں ’پہ‘ اور ’پھ‘ کے مخارج بالکل الگ ہیں۔ حقیقت یہ ہےکہ بھاری حروف یا بھاری آوازیں ویسے ہی منفرد آوازیں (یعنی صوتیے) ہیں جیسے دیگر حروفِ تہجی۔ جہاں تک اُن انگریزی آوازوں کا تعلق ہے جن کا آپ نے حوالہ دیا ہے تو عالمی صوتیاتی حروفِ تہجی (انٹرنیشنل فونیٹک ایلفابیٹ) میں ان آوازوں کے لیے بھی الگ علامتیں مقرر ہیں جس سے ظاہر ہے کہ یہ بھی منفرد آوازیں ہیں لیکن انگریزی میں ان کے لیے حروف مختص نہیں ہیں۔ تفصیل کے یہ ربط ملاحظہ فرمائیے۔
مجھے تو شاوین ایلفابیٹ میں بھی ہر آواز کے لیے ایک منفرد علامت یعنی حرف نظر آرہا ہے۔ اگر غلط ہوں تو براہِ مہربانی تصحیح فرما دیجیے۔
لیکن اُردو میں تو ایسا نہیں بلکہ عربی سے مستعار حروف کی وجہ سے بعض صوتیوں (فونیمز) کے لیے ایک سے زیادہ حروف بھی مختص ہیں مثلاً (عربی کے برعکس) ’ت‘ اور ’ط‘ اُردو میں ہم آواز ہیں۔ اسی طرح ’’ث،س، ص‘‘ اور ’’ض،ذ،ز،ظ‘‘ بھی اُردو میں ہم آواز حروف ہیں۔ غالباً عربی اور فارسی میں بھی ہر صوتیے (فونیم) کے لیے الگ حرف مختص ہے۔
آپ زیر زبر سے بھی مزید "حروف تہجی" تشکیل دے سکتے ہیں۔
قواعد کی سب سے اچھی کتاب مصباح القواعد از فتح محمد جالندھری ہے۔۔ قواعد اُردو از مولوی عبدالحق چربہ ہے، ڈاکٹر سبزواری کی کتاب بھی گزارہ ہی کرتی ہے۔ ۔۔ اس سے بہتر سہیل عباس بلوچ کی بنیادی اُردو قواعد ہے جسے مقتدرہ نے شائع کیا تھا، سرسید کی قواعد کی کتاب بہت مختصر ہے۔ ان کے علاوہ بھی چند ایک قابلِ ذکر کتابیں میرے مطالعہ میں رہی ہیں جن میں ڈاکٹر غلام مصطفیٰ خان کی جامع القواعد حصہ نحو اور ابواللیث صدیقی کی جامع القواعد حصہ صرف شامل ہیں،لیکن مجھے سب سے زیادہ مصباح القواعد نے متاثر کیا۔۔۔باقی پسند اور جذب و اخذ اپنا اپنا۔
زیر، زبر، پیش کا شمار مختصر مصوتوں میں ہوتا ہے۔ عربی رسم الخط میں لکھی جانے والی زبانوں میں تو نہیں البتہ لاطینی رسم الخط میں لکھی جانے والی زبانوں میں مختصر مصوتوں کے لیے اعراب کے بجائے حروف استعمال ہوتے ہیں۔ اردو میں اعراب کو حروف تہجی شامل کرنے کے حوالے سے میری کوئی حتمی رائے نہیں ہے۔ یہ ٹھیک ہے کہ نصابی کتابوں میں عموماً بھاری حروف کو حروف تہجی کی فہرست میں شامل نہیں کیا جاتا لیکن میری ناقص معلومات کے مطابق تمام معاصر ماہرین لسانیات اور مقتدرہ قومی زبان، اردو لغت بورڈ، انھیں حروف تہجی تسلیم کرتے ہیں اور حروف تہجی کی فہرست میں شامل کرتے ہیں۔
جزاک اللہ وصی اللہ صاحب! آپ نے میرے علم میں اضافہ فرمایا۔ کیا ان کتب کے ربط مل سکتے ہیں؟
معاف کیجیے گا، میں آپ کی بات پہلے سمجھ نہیں سکا تھا، لیکن آپ کی جامع تحریر سے بات واضح ہوگئی۔ رسوم الخط اور زبان کی پیچیدگیوں کی وجہ سے بعض حلقوں نے متبادل حروف تہجی، سادہ زبان بلکہ مصنوعی زبان یا یونیورسل لینگویج (مثلاً اسپرانتو) کو فروغ دینے کی بہت کوشش کی، لیکن رسوم الخط اور زبان، تہذیبی ورثے کا درجہ رکھتے ہیں، تبھی ایسی کوئی بھی کوشش قبولیتِ خاص و عام کا درجہ حاصل نہ کرسکی۔
Rev. S.H. Kellogg کی A Grammar of the Hindi Language کا۔۔۔۔
یہ اردو کے نہیں عربی کے الفاظ ہیں۔