چودہویں سالگرہ اجتماعی انٹرویو، سلسلہ اول

فرقان احمد نے 'محفل کی سالگرہ' کی ذیل میں اس موضوع کا آغاز کیا، ‏جولائی 15, 2019

  1. فرقان احمد

    فرقان احمد محفلین

    مراسلے:
    8,781
    اردو محفل میں معروف اراکین کے انٹرویوز کا ایک خوب صورت سلسلہ تواتر سے جاری رہا، تاہم، ایک عرصہ ہوا، یہ سلسلہ موقوف ہے۔ ان دنوں سالگرہ کی چہل پہل ہے تو ذہن میں خیال آیا کہ اس مرتبہ بھی اجتماعی انٹرویو کا سلسلہ شروع کیا جائے۔ اس انٹرویو کی خاص بات یہ ہے کہ یہ سلسلہ صرف سالگرہ کے ماہ میں جاری رہے گا۔ اس حوالے سے دو مزید لڑیوں کا اجراء بھی کیا جا سکتا ہے۔

    سوالات کی پہلی کھیپ:
    (خیال رہے کہ ہر سوال کے ایک سے زائد جواب دیے جا سکتے ہیں اور اگر معزز محفلین کسی سوال کا جواب نہ دینا چاہیں تو اسے نظرانداز کر دیں، شکریہ!)

    1۔ کچن میں ہونے والا کوئی ایڈونچر جو آج تک یاد ہو؟
    2۔ اگر آپ جنگل میں اکیلے جا رہے ہوں، اور سامنے سے شیر آ جائے تو کیا کریں گے؟
    3۔ سکول میں ہونے والی یادگار پٹائی کی روداد! کیا ہمت ہے سنانے کی؟
    4۔کوئی ایسا خواب جو بھلائے نہ بھولتا ہو؟
    5۔ کس اینکر پرسن کو دیکھ کر ٹی وی بند کرنا پسند کریں گے؟ وجہ بھی عنایت کی جائے تو احسان مند رہیں گے۔
    6۔ ایسا کوئی قانون، اخلاقی قدر یا ضابطہ، جو آپ سب پر لاگو کرنے کے خواہش مند ہوں؟
    7۔ سب سے زیادہ اوٹ پٹانگ حرکت جو آج تک آپ سے سرزد ہوئی ہو!


    نوٹ: اس لڑی میں محفلین کے 'رواں تبصرے ' ساتھ ساتھ چلتے رہیں تو مناسب ہے تاکہ بے تکلفی کی فضا قائم رہے۔ :)
     
    • پسندیدہ پسندیدہ × 11
    • زبردست زبردست × 3
  2. جاسمن

    جاسمن مدیر

    مراسلے:
    12,336
    جھنڈا:
    Pakistan
    موڈ:
    Fine
    السلام علیکم۔
    اتنی پختہ عادت ہے کہ مجھے یقین ہے شیر سے ملاقات پہ بھی سب سے پہلے میں نے سلام ہی کرنا ہے۔ پھر تو جو کرنا ہوگا، شیر بھائی ہی کریں گے۔

    مبشر لقمان۔ کسی بندے سے نفرت کرنی نہیں چاہیے۔ لیکن میں مجبور ہوں، انھیں دیکھتے ہی مجھے۔۔۔۔۔ صاحب سے کہتی ہوں کہ چینل بدلیں۔
    ساحر لودھی۔ اللہ اس بندے پہ اپنا رحم فرمائے۔ آمین!
    عامر لیاقت۔ اس کی وجہ تو ہماری محفل میں کئی لڑیوں میں لکھی ہے۔
     
    • پسندیدہ پسندیدہ × 5
    • پر مزاح پر مزاح × 3
  3. فرقان احمد

    فرقان احمد محفلین

    مراسلے:
    8,781
    ہم امید رکھتے ہیں کہ بھائی صاحب محض سلام کا جواب دینے پر ہی اکتفا کریں گے۔ :donttellanyone:
     
    آخری تدوین: ‏جولائی 15, 2019
    • پر مزاح پر مزاح × 8
  4. جاسمن

    جاسمن مدیر

    مراسلے:
    12,336
    جھنڈا:
    Pakistan
    موڈ:
    Fine
    پتہ نہیں کیوں مجھے لگتا ہے کہ جانور مجھ سے محبت کرتے ہیں اور مجھے نقصان نہیں پہنچا سکتے۔
    یہ بس میری کیفیت ہے۔
    ظاہر ہے کہ ایسا نہیں ہے۔:)
     
    • پسندیدہ پسندیدہ × 4
  5. فرقان احمد

    فرقان احمد محفلین

    مراسلے:
    8,781
    :thumbsup2: دعا ہے کہ اللہ پاک آپ کو جملہ تکالیف سے محفوظ رکھے، آمین!
     
    آخری تدوین: ‏جولائی 15, 2019
    • دوستانہ دوستانہ × 3
    • متفق متفق × 2
  6. محمد تابش صدیقی

    محمد تابش صدیقی منتظم

    مراسلے:
    24,027
    جھنڈا:
    Pakistan
    موڈ:
    Breezy
    گھر والے کراچی گئے ہوئے تھے۔ میں اور بڑا بھائی پیپرز کی وجہ سے گھر پر تھے۔ ایک دن سوچا مونگ کی دال پکائی جائے۔ جب اپنی طرف سے اطمینان ہو گیا کہ اب دال تیار ہو گی، کوکر کھولا۔
    دال میں کفگیر ڈالا تو دال اس کے گرد لئی کی طرح لپٹ کر آ گئی۔ دال اتارنے کے لیے کفگیر کو جھٹکے دیے تو کفگیر کا ہینڈل ہاتھ میں رہ گیا اور دوسرا حصہ ٹوٹ کر الگ ہو گیا۔ مگر دال نہ چھوٹی۔ اور باہر جا کر برگر کھانے کا فیصلہ کیا۔
    ٹانگ کا درد بھول کر بھاگوں گا۔
    کون سی سناؤں، چننا مشکل ہے۔
    مجھے تو اکثر خواب آنکھ کھلتے ہی بھول جاتے ہیں، اور ذہن پر بہت زور ڈالنے کے باوجود یاد نہیں آتا کہ ابھی کیا خواب دیکھا۔
    ٹاک شوز دیکھتا ہی نہیں، سب ہدایات کے مطابق چل رہے ہوتے ہیں۔ سطحیت پھیلانے میں ایک بڑا کردار ان ٹاک شوز یا اینکرز کا بھی ہے۔ یہ میری رائے ہے، اختلاف ہو سکتا ہے۔
    سورۃ الحجرات میں جن باتوں کی تعلیم دی گئی ہے، ان پر سب عمل شروع کر دیں تو بہت سے معاشرتی مسائل دم توڑ دیں گے۔
    حرکتیں اتنی ہوئیں ہم سے کہ سیدھے ہو گئے۔
     
    • پسندیدہ پسندیدہ × 9
    • زبردست زبردست × 1
  7. مریم افتخار

    مریم افتخار مدیر

    مراسلے:
    4,514
    جھنڈا:
    Pakistan
    موڈ:
    Festive
    پانچویں جماعت میں تھی، چائے بنانی نہیں آتی تھی اور امی گھر پہ نہیں تھیں. خدا جانے کیوں چائے کے سامان اور دردِ سر کے امتزاج نے چائے بنانے پہ مجبور کر دیا اور میں اسے پکاتی رہی پکاتی رہی کہ کہیں کچی نہ رہ جائے، چینی ڈالتی رہی ڈالتی رہی کہ کہیں پھیکی نہ رہ جائے! اس سارے پراسس کے بعد جو چیز نمودار ہوئی وہ ایک کپ کا چوتھا حصہ کوئی مائع تھا جو اتنا میٹھا تھا کہ جب زہر کے بارے میں سوچتی ہوں تو وہ والا ذائقہ ذہن میں آتا ہے. :sneaky:

    اس کی آنکھوں میں آنکھیں ڈالے کھڑی رہو‍ں گی اور وہ شیر ہے اتنا تو کرنا چاہیے اسے کہ بہادروں کو چھوٹ دے دے. نہیں تو نہ سہی! ورنہ پھر اس کا لقمہ بن کے سارا کیڈمیم اس میں انڈیل دینا ہے جو ریسرچ کے دوران مجھے لگتا ہے میرے اندر بہت جمع ہو گیا ہے! :sneaky:

    پٹائی تو بہت بار ہوئی ہے لیکن یادگار بنانے کا کبھی سوچا نہیں!
    :sneaky:
    جاگتی آنکھوں کے بیسیوں خواب، جن کے پورا ہونے کے بھی اتنے ہی امکانات ہیں جتنے نہ پورا ہونے کے! لیکن لگی رہوں گی، کبھی تو وہ وقت آئے گا! جیسے اللہ چاہے! (n)
    اقرار الحسن کے علاوہ سب کو! وجہ یہ ہے کہ مجھے لگتا ہے ان کی اتنی اہمیت نہیں ہے سوائے اس کے کہ چینلز کی نشریات چلتی رہیں، بات سے بات نکلتی ہی رہے.
    اپنے اردگرد کے لوگوں کے لیے جینا آسان بنانا، خواہ مخواہ کسی کے معاملات میں مخل نہ ہونا، یہ سب پر لاگو کرنا چاہوں گی.
    آج تھیسز سبمیشن کی آخری تاریخ ہے اور میں انٹرویو کے جوابات دے رہی ہوں اور وہ بھی اجتماعی کے! :LOL:
     
    آخری تدوین: ‏جولائی 16, 2019
    • پسندیدہ پسندیدہ × 7
    • زبردست زبردست × 2
  8. فرقان احمد

    فرقان احمد محفلین

    مراسلے:
    8,781
    کچھ کچھ ہم آپ سے سہم سے گئے ہیں۔ وجوہات کا اندازہ لگانے کی کوششیں ابھی جاری ہیں۔
     
    • پر مزاح پر مزاح × 4
  9. عرفان سعید

    عرفان سعید محفلین

    مراسلے:
    5,447
    جھنڈا:
    Finland
    موڈ:
    Psychedelic
    ہو سکتا ہے جانور ایسا نہ سوچتے ہوں!
    :)
     
    • پر مزاح پر مزاح × 4
  10. عرفان سعید

    عرفان سعید محفلین

    مراسلے:
    5,447
    جھنڈا:
    Finland
    موڈ:
    Psychedelic
    زبردست!
     
    • دوستانہ دوستانہ × 1
  11. عرفان سعید

    عرفان سعید محفلین

    مراسلے:
    5,447
    جھنڈا:
    Finland
    موڈ:
    Psychedelic
    یہ مراسلہ آپ نے عالمِ برزخ سے روانہ کیا ہے؟
     
    • پر مزاح پر مزاح × 4
  12. سید عمران

    سید عمران محفلین

    مراسلے:
    11,163
    جھنڈا:
    Pakistan
    جانوروں کو یہ انٹرویو دکھا دیں۔۔۔
    شاید سوچ بدل لیں!!!
     
    • پر مزاح پر مزاح × 2
  13. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,832
    جھنڈا:
    Pakistan
    موڈ:
    Cheerful
    ایک دفعہ ہم اور ہماری ہمشیرہ نے مل کر سب گھر والوں کے کے کچوریاں اور آلوکی ترکاری بنائی تھی ۔بڑا دلچسپ اور مزے دار ایڈونچر رہا تھا۔ ہم ہتھیلی پر کچوریاں بیل کر کڑاہی میں ڈال رہے تھے اور ہمشیرہ انھیں تل رہی تھیں ۔
    ہمارا تو روز واسطہ پڑتا ہے شیر سے کبھی وہ جیت جاتے ہیں تو کبھی ہم ہار جاتے ہیں ۔البتہ اگر کبھی ایسا اتفاق ہوا تھا یقینا جان بچانے کی کوشش کریں گے ۔
    کہاں تک سنو گے کہاں تک سناؤں ۔
    خواب کوئی یاد ہی نہیں رہتا ۔
    ٹی وی ٹاک شوز ہم دیکھتے ہی نہیں ۔اگر کبھی اتفاق سے جھیلنا پڑے جائیں تو سر میں درد ہونا لگتا ہے ۔
    ہر وہ قانون جس سے آدمیت کی حرمت اور حفاظت ہو ۔
    کوئی ایک ہو تو بتائیں نا !
     
    • پسندیدہ پسندیدہ × 6
  14. فرقان احمد

    فرقان احمد محفلین

    مراسلے:
    8,781
    کوئی ایک جواب ڈھنگ کا نہیں ہے۔ سارے جواب تفصیل کے ساتھ دوبارہ دیجیے۔ صفر نمبر :)
     
    • پر مزاح پر مزاح × 5
    • غمناک غمناک × 1
  15. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,832
    جھنڈا:
    Pakistan
    موڈ:
    Cheerful
    :eek:
    ہم نہیں کھیل رہے اگر ایسا ہے تو ۔
     
    آخری تدوین: ‏جولائی 15, 2019
    • پر مزاح پر مزاح × 5
  16. فرقان احمد

    فرقان احمد محفلین

    مراسلے:
    8,781
    یعنی کہ، آپ کھیل رہے تھے۔ :) تبھی تو، ایسا ہوا۔ :)
     
    • پر مزاح پر مزاح × 4
  17. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,832
    جھنڈا:
    Pakistan
    موڈ:
    Cheerful
    تو کیا یہ سنجیدہ سلسلہ ہے ،
    ہم نے تو اس عبارت کو دیکھ کر سوالات کے جوابات دیئے ہیں ۔
     
    • پر مزاح پر مزاح × 2
    • دوستانہ دوستانہ × 1
  18. فرقان احمد

    فرقان احمد محفلین

    مراسلے:
    8,781
    ہمارا مطلب ہے کہ سنجیدگی سے مزاحیہ جوابات دیجیے۔ اگر پٹائی ہوئی تو کس غضب کی ہوئی؛ مرغا بنے یا کچھ اور! کچوریاں کڑاہی میں ڈالتے ہوئے کیا ایڈونچر سرزد ہوا؟ کس زاویے سے کچوری کڑاہی میں ڈالی گئی، وغیرہ وغیرہ!
     
    • پر مزاح پر مزاح × 2
  19. سید عمران

    سید عمران محفلین

    مراسلے:
    11,163
    جھنڈا:
    Pakistan
    اس میں ایڈونچر کہاں تلاشیں؟؟؟
     
    • پر مزاح پر مزاح × 4
  20. سید عمران

    سید عمران محفلین

    مراسلے:
    11,163
    جھنڈا:
    Pakistan
    ان دو متضاد باتوں میں تطبیق کیسے کریں؟؟؟
     
    • پر مزاح پر مزاح × 2

اس صفحے کی تشہیر