اب اتنا برد بار نہ بن میرے ساتھ آ - ڈاکٹر مظفر حنفی

[F@rzana]

اب اتنا برد بار نہ بن میرے ساتھ آ
بدلیں گے مل کے چرخ کہن میرے ساتھ آ​

پیوند خاک ہونا ہے بارے ابھی نہیں
پھیلا ہوا ہے نیل گگن میرے ساتھ آ​

پلکیں بچھی ہیں میری ہر اک موج آب میں
اس پالکی پہ چاند کرن میرے ساتھ آ​

اے روح بے قرار ابھی جان مجھ میں ہے
زخموں سے چور چور بدن میرے ساتھ آ​

ویسے بھی اپنی دست ہنر کھارہے ہیں زنگ
پھیکا پڑا ہے رنگ چمن میرے ساتھ آ​

سچ بولنے کا تجھ کو بڑا اشتیاق ہے
اچھا تو سر سے باندھ کفن میرے ساتھ آ​

یاروں نے انقلاب تو نیلام کر دیئے
اب چھوڑ کر یہ دار و رسن میرے ساتھ آ
ڈاکٹر مظفر حنفی۔ ۔ ۔ دہلی​

 

[الف نظامی]

بہت خوب!

 

[نوید صادق]

فرزانہ!

آپ نے ڈاکٹر صاحب کے کلام کی ٹائپنگ کا سلسلہ کیوں روک دیا۔
ہو سکے تو اسے مکمل کریں

 

[سیدہ شگفتہ]

فرزانہ میں بھی یہی کہوں گی آپ سے ۔

 

[نوید صادق]

مظفر حنفی ہمارے عہد کے ایک اہم شاعر ہیں۔ اسی سلسلے میں شاد عارفی کو بھی لیا جانا چاہئے۔ میرے پاس شاد عارفی کی ایک کتاب ہے لیکن مظفر حنفی کو تفصیلاً پڑھنے کا اشتیاق تا حال باقی ہے۔
دیکھنا ہیں فرزانہ ہمیں کب یہ موقع فراہم کرتی ہیں،

 

[مغزل]

اب اتنا برد بار نہ بن میرے ساتھ آ
بدلیں گے مل کے چرخ کہن میرے ساتھ آ

پیوند خاک ہونا ہے بارے ابھی نہیں
پھیلا ہوا ہے نیل گگن میرے ساتھ آ

پلکیں بچھی ہیں میری ہر اک موج آب میں
اس پالکی پہ چاند کرن میرے ساتھ آ

اے روح بے قرار ابھی جان مجھ میں ہے
زخموں سے چور چور بدن میرے ساتھ آ

ویسے بھی اپنی دست ہنر کھارہے ہیں زنگ
پھیکا پڑا ہے رنگ چمن میرے ساتھ آ

سچ بولنے کا تجھ کو بڑا اشتیاق ہے
اچھا تو سر سے باندھ کفن میرے ساتھ آ

یاروں نے انقلاب تو نیلام کر دیئے
اب چھوڑ کر یہ دار و رسن میرے ساتھ آ
ڈاکٹر مظفر حنفی۔ ۔ ۔ دہلی​

بہت شکریہ فرزانہ نیناں ۔ سدا سلامت رہیے ۔
والسلام