میاں محمد بخش ابیات میاں محمد بخش

کچا رنگ للاری والا چڑھدا لیندا رہندا
عشق تیرے دا رنگ محمد چڑھیا فیر نہ لیندا

کچے پانڈے نیو لگانا کی تیری دانائ
نیو لگا أس کاریگر تے جس نے شکل بنائ

عدل کریں تاں تھر تھر کنبن أچیاں شاناں والے
فضل کریں تاں بخشے جاون میں جے مُنہ کالے

نیکاں دے سنگ نیکی کریے نسلاں نہیں بُھلاندے
بُریاں دے سنگ نیکی کریے الٹا ضُعف پہنچاندے

مان نہ کریے روپ گَھنے دا وارث کون حُسن دا
سدا نہ رہسن شاخاں ہریاں سدا نہ پھول حُسن دا

أچا نام رکھایا جس نے چُلھے دے وچ سڑھیا
نیوا ہو کے لنگ محمد لنگ جاویں گا اڑیا

ایناں گلاں تھی کے لبدا عیب کسے دا کرنا
اپنا آپ سنوار محمد جو کرنا سو بھرنا

اِک گناہ میرا ماں پے دیکھن دیون دیس نکالا
لکھ گناہ میرا اللہ دیکھے پردے پاون والا
 
Top