ابھی روشن ہے اک دیا مجھ میں

[ظفری]

یونہی آتی نہیں ہوا مجھ میں
ابھی روشن ہے اک دیا مجھ میں

وہ مجھے دیکھ کر خموش رہا
اور اک شور مچ گیا مجھ میں

دونوں آدم کے منقسم بیٹے
اور ہوا اُن کا سامنا مجھ میں

اس اندھیرے میں جب کوئ بھی نہ تھا
مجھ سے گم ہو گیا خدا مجھ میں

خود کو دھرا رہا ہوں وقت کے ساتھ
وقت کب کا گزر چکا مجھ میں

میں خدا تک پہنچنے والا تھا
کس نے مجھ کو گرا دیا مجھ میں

ناؤ ٹکرا گئ چٹان کے ساتھ
اور سب کچھ بکھر گیا مجھ میں​

 

[زین]

بہت عمدہ
آپ کا بہت شکریہ

 

[محمد وارث]

لا جواب، شکریہ ظفری بھائی!

 

[محمداحمد]

ظفری بھائی

لاجواب

بہت ہی اعلٰی انتخاب ہے ، کیا شاعر کے بارے میں کچھ پتہ چل سکتا ہے۔

 

[سارہ خان]

بہت خوب ۔۔۔

 

[ظفری]

تمام احباب کا شکریہ کہ انہوں نے یہ غزل پسند فرمائی ۔
احمد بھائی ۔۔۔ شاعر کا مجھے تو پتا ہوتا تو میں ضرور تحریر کردیتا ۔ میری اکثر پوسٹ کردہ شاعری بس ادھر اُدھر سے سنی سنائی ہوتی ہے ۔

 

[امیداورمحبت]

بہت خوب ۔ ۔ ۔ ۔