1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

سعود عثمانی ابر ملبوس ِ آب تھا جیسے ۔ سعود عثمانی

چوہدری لیاقت علی نے 'پسندیدہ کلام' کی ذیل میں اس موضوع کا آغاز کیا، ‏نومبر 9, 2015

  1. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    ابر ملبوس ِ آب تھا جیسے
    چاند کو کچھ حجاب تھا جیسے

    کل اچانک وہ یوں ملا مجھ کو
    کوئی پنہاں جواب تھا جیسے

    صفحہ صفحہ سفر تھا یادوں کا
    جلتی بجھتی کتاب تھا جیسے

    ادھ کھلی رات , ان کہے منظر
    راستا نیم تاب تھا جیسے

    چاندنی میں طلوع ہوتا ہوا
    رات کا آفتاب تھا جیسے

    گہری تاریکیوں میں بہتا ہوا
    ایک روشن گلاب تھا جیسے

    اس کی آواز نیم خوابیدہ
    پھول سا زیر ِ آب تھا جیسے

    رات بھر میرے عارض و لب پر
    بوسئہ ماہتاب تھا جیسے

    سو کے اٹھا تو میری آنکھوں میں
    اس کی آنکھوں کا خواب تھا جیسے

    (سعود عثمانی )
     
    • پسندیدہ پسندیدہ × 1

اس صفحے کی تشہیر