آ پُنلا باغ بہاراں وے

[یوسف سلطان]

آ پُنلا باغ بہاراں وے
میں گھول گھَتی لکھ واراں وے

رِم جِھم بونداں برسن ، دید تری نُوں اکھیاں ترسن
میں روواں تے آہیں ماراں وے ، آ پُنلا باغ بہاراں وے
میں گھول گھَتی لکھ واراں وے

اوہ پُرکیف ترانے بُھل گئے ، مے خانے ' پیمانے بُھل گئے
سب وِسرم مینگھ ملہاراں وے ، آ پُنلا باغ بہاراں وے
میں گھول گھَتی لکھ واراں وے

ترے باہجھ بہار نہ کوئی ، غم بُہتے غم خوار نہ کوئی
ہتھ جوڑ میں عرض گزاراں وے ، آ پُنلا باغ بہاراں وے
میں گھول گھَتی لکھ واراں وے

گلشن ، باغ ، ویرانے مینوں ، اپنے وی بیگانے مینوں
بِن تیرے میں کس کاراں وے ، آ پُنلا باغ بہاراں وے
میں گھول گھَتی لکھ واراں وے

دِلڑی غرق غماں وچ ہوئی ، راہ نصیر نُوں دس جا کوئی
ہک جندڑی تے درد ہزاراں وے ، آ پُنلا باغ بہاراں وے
میں گھول گھَتی لکھ واراں وے

کلام حضرت الشیخ پیر سید نصیر الدین نصیر جیلانی رحمتہ اللہ تعالی علیہ گولڑہ شریف​

 

[یوسف سلطان]

اینہاں اکھراں دے مطلب سمجھ نہیں آئے عبدالقیوم چوہدری بھائی ،تے ہور وی بھین بھائیاں تو گزارش اے جس نوں اینہاں اکھراں دا مطلب پتا ہوئے ؟
پُنلا ۔۔۔۔
وِسرم مینگھ ملہاراں۔۔۔۔۔
گھول گھَتی۔۔۔۔ گھول دا مطلب تے ہویا :گھولنا ۔۔
گھتی کی چیز اے ؟

 

[عبدالقیوم چوہدری]

اینہاں اکھراں دے مطلب سمجھ نہیں آئے عبدالقیوم چوہدری بھائی ،تے ہور وی بھین بھائیاں تو گزارش اے جس نوں اینہاں اکھراں دا مطلب پتا ہوئے ؟
پُنلا ۔۔۔۔
وِسرم مینگھ ملہاراں۔۔۔۔۔
گھول گھَتی۔۔۔۔ گھول دا مطلب تے ہویا :گھولنا ۔۔
گھتی کی چیز اے ؟

پُنلا معروف لوک داستان سسی پنوں توں لیا گیا اے، سرائیکی اچ پنوں نوں پنل کہیا جاندا اے، تے جیویں ساڈے شمالی پنجاب پنڈاں چ ناء تھوڑا جیا وگاڑ یا ودھا کے بولایا جاندااے، ایویں ای پنل نوں پُنلا کہہ کے بولاندے پئے نیں۔
ایدا ایتھے مطلب اے ہے وئی اوہ جہیڑا دل دے بوہت نیڑے اے۔ معشوق کہہ لوو
وسرم = غافل
مینگھ = بہت زیادہ
ملہاراں = بارش یا بارشاں
گھول = بِک جانا، قیمت لگ جانا، ایتھے پوری لین دا مطلب اے ہے کہ میں بوہت واری وِک چکی آں، ہن بس کر تے آ جا
گھتی = چُکی

 

[یوسف سلطان]

پُنلا معروف لوک داستان سسی پنوں توں لیا گیا اے، سرائیکی اچ پنوں نوں پنل کہیا جاندا اے، تے جیویں ساڈے شمالی پنجاب پنڈاں چ ناء تھوڑا جیا وگاڑ یا ودھا کے بولایا جاندااے، ایویں ای پنل نوں پُنلا کہہ کے بولاندے پئے نیں۔
ایدا ایتھے مطلب اے ہے وئی اوہ جہیڑا دل دے بوہت نیڑے اے۔ معشوق کہہ لوو
وسرم = غافل
مینگھ = بہت زیادہ
ملہاراں = بارش یا بارشاں
گھول = بِک جانا، قیمت لگ جانا، ایتھے پوری لین دا مطلب اے ہے کہ میں بوہت واری وِک چکی آں، ہن بس کر تے آ جا
گھتی = چُکی

شكريہ و جزاك اللہ !
الله پاك تہاڈےعلم وچ مزيد بركتاں عطا فرمائے