آپ کی سادگی بہانا ہے، اسامه جمشيد ؔ

[اسامہ جمشید]

​

آپ کی سادگی بہانا ہے​

تیر پھر آپ نے چلانا ہے​

بارہا آپ نے ستم ڈھایا
بارہا ہم نے آزماناہے​

اس قدر رازبن رہے ہوکیوں
ہم سے کیا آپ نے چھپانا ہے​

دل پرانا مکان ہے اسکو
توڑ کر پھر نیا بنا نا ہے​

آدمی پھنس گیا درندوں میں
آفتوں سے اسے بچانا ہے​

بے وجہ ضد کیا نہیں کرتے
روح کو جسم سے تو جاناہے​

انکی زلفوں میں سورہے ہونگے
شاعروں کا یہی ٹھکانا ہے​

 

[سید زبیر]

واہ
انکی زلفوں میں سورہے ہونگے
شاعروں کا یہی ٹھکانا ہے
کیا بات ہے ۔

 

[اسامہ جمشید]

قبله زبير صاحب ، بهت نوازش ۔

 

[اسد قریشی]

اچھی کوشش ہے! داد قبول کیجیے!

 

[اسامہ جمشید]

اچھی کوشش ہے! داد قبول کیجیے!

مکرمی اسد صاحب بہت نوازش۔

 

[محمد خلیل الرحمٰن]

​

آپ کی سادگی بہانا ہے​

تیر پھر آپ نے چلانا ہے​

​

بارہا آپ نے ستم ڈھایا​

بارہا ہم نے آزماناہے​

​

اس قدر رازبن رہے ہوکیوں​

ہم سے کیا آپ نے چھپانا ہے​

​

​

@اُسامۃ جمشید بھائی! باقی غزل تو خوب ہے داد قبول فرمائیے البتہ مذکورہ بالا مصرعوں پر ہم اپنا خیال محفوظ رکھتے ہیں ، کہ یہ اردو میں رائج نہیں بلکہ پنجابی کا خاصہ ہے۔مزید اَس بارے میں اساتذہ کی آراء کا انتظار کرلیتے ہیں، ہوسکتا ہے ہم ہی غلط ہوں۔

 

[اسامہ جمشید]

قبله خليل صاحب سچ يه هے كه يه غزل ميں نے زبردستي لكھي هے باقاعده كيفيت نه بن سكي۔

 

[الف عین]

پنجابی محاورے کے مصرعوں کے علاوہ مجھے اعتراض وجہ کے تلفظ پر بھی ہے۔ لیکن یہاں خاموش ہی رہوں تو بہتر ہے، یہ اصلاح سخن میں نہیں نا!!

 

[اسامہ جمشید]

پنجابی محاورے کے مصرعوں کے علاوہ مجھے اعتراض وجہ کے تلفظ پر بھی ہے۔ لیکن یہاں خاموش ہی رہوں تو بہتر ہے، یہ اصلاح سخن میں نہیں نا!!

بہت شکریہ استاد گرامی ، آپ استاد ہیں آپ نے وزن کے حساب سے ٹھیک پکڑا ہے ، مجھے بھی اسکا اندازہ بعد میں ہوا ، تو اس کو بے وجہ کی جگہ بے سبب کرلیا ہے ۔ اللہ آپ کو خوش رکھے ۔