ساغر صدیقی آج روٹھے ہوئے ساجن کو بہت یاد کیا

[سید زبیر]

آج روٹھے ہوئے ساجن کو بہت یاد کیا
اپنے اجڑے ہوئے گلشن کو بہت یاد کیا
جب کبھی گردشِ تقدیر نے گھیرا ہے ہمیں
گیسوئے یار کی الجھن کو بہت یاد کیا
شمع کی جوت پہ جلتے ہوئے پروانوں نے
اک ترے شعلہ دامن کو بہت یاد کیا
جس کے ماتھے پہ نئی صبح کا جھومر ہو گا
ہم نے اس وقت کی دلہن کو بہت یاد کیا
آج ٹوٹے ہوئے سپنوں کی بہت یاد آئی ہے
آج بیتے ہوئے ساون کو بہت یاد کیا
ہم سرِ طور بھی مایوس تجلی ہی رہے
اس درِ یار کی چلمن کو بہت یاد کیا
مطمئن ہو ہی گئے دام و قفس میں ساغر
ہم اسیروں نے نشیمن کو بہت یاد کیا
ساغرصدیقی

 

[قیصرانی]

بہت خوب سید صاحب

 

[فرخ منظور]

کیا بات ہے۔ بہت خوب انتخاب سید زبیر صاحب! بہت شکریہ جناب۔

 

[محمد بلال اعظم]

واہ
زبردست انتخاب

 

[کاشفی]

مطمئن ہو ہی گئے دام و قفس میں ساغر​

ہم اسیروں نے نشیمن کو بہت یاد کیا​

خوب۔۔​

 

[پردیسی]

آج روٹھے ہوئے ساجن کو بہت یاد کیا
زبردست انتخاب

 

[فاتح]

بہت خوبصورت انتخاب۔ شکریہ سید زبیر صاحب

 

[کیفی]

عمدہ انتخاب
ڈھیروں داد

 

[فرحان محمد خان]

سر محمد تابش صدیقی
اس مصرعہ میں تدوین کر دیجئے
جب کبھی تقدیر نے گھیرا ہے ہمیں
اصل
جب کبھی گردشِ تقدیر نے گھیرا ہے ہمیں

 

[فرحان محمد خان]

سر محمد خلیل الرحمٰن

 

[عینی مروت]

جس کے ماتھے پہ نئی صبح کا جھومر ہو گا
ہم نے اس وقت کی دلہن کو بہت یاد کیا
آج ٹوٹے ہوئے سپنوں کی بہت یاد آئی ہے
آج بیتے ہوئے ساون کو بہت یاد کیا

واااہ۔۔بہترین انتخاب

 

[لاریب مرزا]

خوب!!
پرسوں ہی ساغر صدیقی کے حالات زندگی پڑھنے کا اتفاق ہوا اور پڑھ کر بہت رنجور ہوئے۔ حق تعالیٰ ساغر صدیقی مرحوم کی مغفرت کرے۔

 

[فرحان محمد خان]

خوب!!
پرسوں ہی ساغر صدیقی کے حالات زندگی پڑھنے کا اتفاق ہوا اور پڑھ کر بہت رنجور ہوئے۔ حق تعالیٰ ساغر صدیقی مرحوم کی مغفرت کرے۔

شکستِ ساغر میں یونس ادیب صاحب نے ساغر کی زندگی کو بہت اچھے انداز میں بیان کیا ہے کمال بندہ تھا " حق مغفرت کرے عجب آزاد مرد تھا"

 

[امیر حمزہ]

بہت عمدہ انتخاب ہے جناب سبحان اللہ

 

[امیر حمزہ]

ہم سرِ طور مایوسِ تجلی ہی رہے
اس درِ یار کی چلمن کو بہت یاد کیا۔

۔

حشر بھی تو ہو چکا رخ سے نہیں ہٹتی نقاب
حد بھی آخر کچھ ہے کب تک کوئی دیوانہ رہے