آج دل بےقرار ہے کیا ہے - میر غلام حسن

[کاشفی]

غزل​

(میر غلام حسن)​

​

آج دل بیقرار ہے کیا ہے​

درد ہے انتظار ہے کیا ہے​

​

جس سے جلتا ہے دل جگر وہ آہ​

شعلہ ہے یا شرار ہے کیا ہے​

​

یہ جو کھٹکے ہے دل میں کانٹا یاں​

مژہ ہے نوک خار ہے کیا ہے​

​

چشم بددور تیری آنکھوں میں ​

نشہ ہے یا خمار ہے کیا ہے​

​

میرے ہی نام سے خدا جانے​

ننگ ہے اس کو عار ہے کیا ہے​

​

کیوں گریباں تیرا آج حسن​

اس طرح تار تار ہے کیا ہے​

 

[الف نظامی]

کیوں گریباں تیرا آج حسن​

اس طرح تار تار ہے کیا ہے​

 

[ایم اے راجا]

بہت خوب، شکریہ کاشفی صاحب

 

[فرخ منظور]

بہت خوب انتخاب۔ شکریہ کاشفی صاحب!

 

[محمد وارث]

واہ بہت خوب۔ شکریہ جناب پوسٹ کرنے کیلیے۔

 

[کاشفی]

واہ بہت خوب۔ شکریہ جناب پوسٹ کرنے کیلیے۔

محمد وارث صاحب، الف نظامی صاحب، ایم اے راجا صاحب، فرخ منظور صاحب اور قیصرانی صاحب ۔ آپ تمام احباب کا غزل کی پسندیدگی کے لیئے بہت شکریہ۔۔خوش رہیں۔