جوش آ، اور جہاں کو غرقِ لبِ نوش خند، کر - جوش ملیح آبادی

[کاشفی]

غزل​

(جوش ملیح آبادی)​

​

آ، اور جہاں کو غرقِ لبِ نوش خند، کر​

آوازہء فُسونِ جوانی بُلند کر​

​

بَل ابروؤں پہ ڈال کے زُلفوں کو کھول دے​

کونین کو اسیرِ کمان و کمند کر​

​

سُنتا ہوں دردِ عشق ہے ہر درد کی دوا​

آ، اور میرے دردِ جگر کو دوچند کر​

​

آشُفتہ خُو طبیب ہے، نازک مزاج دل​

کیوں کر کہوں علاجِ دلِ دردمند کر​

​

گیتی کو خلفشار ہے، گردوں کو اضطراب​

محوِ خرامِ ناز! درِ فِتنہ بند کر​

​

اے خواجہ! زندگی میں اسیری ہے ناگُزیر​

دل کو اسیرِ کاکُلِ مشکیں کمند کر​

​

آیا ہے جوش تحفہء داغِ جگر لئے​

مرضی تری پسند نہ کر یا پسند کر!​

 

[محمد وارث]

واہ واہ واہ، کیا خوبصورت غزل ہے۔

بہت شکریہ کاشفی صاحب شیئر کرنے کیلیے۔

 

[کاشفی]

بہت شکریہ جناب محمد وارث صاحب! خوش رہیں۔