اردو محفل فورم

نین بھائی ، دوسرا مصرع ٹھیک نہیں لکھا ۔ چیک کیجیے ۔ سحا کوئی لفظ نہیں ہے ۔ اور یہ مصرع وزن سے بھی خارج ہے۔

ظہیراحمدظہیر بھائی! میرا خیال یہ لفظ سحاب ہوگا۔۔۔۔ لیکن ریختہ پر املا کی غلطی لگتی ہے۔ مریم افتخار نے ربط دیا ہے۔ وہاں ایسے ہی ہے۔

سحاب تو ممکن ہی نہیں ، نین بھائی ۔ سحاب کا یہاں کوئی محل نہیں ۔ اور نہ یہ لفظ وزن میں آتا ہے اور نہ قافیہ بن سکتا ہے ۔ ہوجیے ردیف ہے اور اس غزل کے قوافی الف پر ختم ہوتے ہیں ۔ اس کا وزن فاعلاتن فاعلاتن فاعلاتن فاعلن ہے۔ ریختہ والے تو پرانی کتب سے ٹائپ کرتے وقت مکھی پر مکھی ماردیتے ہیں ۔ اصل کتاب سے دیکھیے کہ وہاں کیا ہے۔

مریم افتخار ، جو عکس آپ نے لگایا اس میں بھی سحا نہیں لکھا ہے۔ اور نہ ہی یہ لفظ کسی لغت میں موجود ہے۔ ریختہ لغت میں بھی نہیں ہے ۔ریختہ والے گڑبڑ کررہے ہیں اور کرتے رہتے ہیں جو ایک تشویشناک بات ہے ۔ آج رات وقت ملا تو اس مسئلے پر تفصیلاً لکھتاہوں۔

ظہیراحمدظہیر بھائی! منتظر ہوں۔۔۔ مریم افتخار شکریہ پتری۔۔۔ تمام روابط اور تصاویر کے لیے۔ جیتی رہو۔