الف نظامی

علم ایک ایسی صفت ہے جس کی سجاوٹ کے لیے اس کے ہمراہ حلم ، حکمت اور ادب کی صفات کا ہونا ضروری ہے۔

تعلیم کا عمل استقامت اور تسلسل مانگتا ہے
تسلسل کے ساتھ استاد اور کتاب سے تعلق رکھنے کو تعلیم کہتے ہیں
تعلیم سے علم تو بڑھتا رہتا ہے حال نہیں بدلتا
جو چیز حال کو بدل دیتی ہے اسے تربیت کہتے ہیں
(ڈاکٹر طاہر القادری)

دولت ، طاقت ، علم کا ہونا ایک تکبر ہے جب وہ تجھ میں یہ خیال یا گمان پیدا کرے کہ تو دوسرے سے الگ ، منفرد و ممتاز ہے۔
( حکیم صوفی طارق احمد شاہ عارف )

علم مشکل باتوں کو سہولت سے کہنے کا نام ہے
(سیر الافلاک از فقیر تابش کمال ، صفحہ 138 )

حلم کو علم پر مقدم رکھنا چاہیے
عالم کو چاہیے کہ جب وعظ و نصیحت کرے تو حلم اختیار کرے کیوں کہ حلم کے بغیر علم درخت بے ثمر اور نان بے نمک ہے۔
(مرات العاشقین ، ملفوظات خواجہ شمس الدین سیالوی رحمۃ اللہ علیہ ، اردو ترجمہ صاحبزادہ غلام نظام الدین رحمۃ اللہ علیہ ،صفحہ 136، ناشر سیرت فاونڈیشن لاہور)

علم ادب کے بغیر نافع نہیں ہوتا
(ڈاکٹر طاہر القادری)

جب انسان کو نیا نیا علم حاصل ہوتا ہے تو اس میں پہاڑی ندی کی سی سرکشی ہوتی ہے
(سید سرفراز شاہ)

سُنا کے نیزے پہ قرآں علی کے پیارے نے
بتا دیا ہے فنا کیا اور بقا کیا ہے

جو قومیں علم سے وابستہ رہتی ہیں وہ جامد و معدوم ہونے سے بچ جاتی ہیں اور ان کا سماجی ارتقاء جاری رہتا ہے۔