محبت کرنے والی شخصیت عمدہ شاعر پیارا دوست بھائی اور بہت کمال کا انسان اقرار مصطفیٰ
سوچ رہا ہوں کیا لکھوں آپ کی محبت اور خلوص کو میرا سلام بہت ترقی کریں سلامت رہیں
غزل
بدلا مزاج میں نے جو اپنا ہوا کے ساتھ
دریا تھا میرے ساتھ کنارا ہوا کے ساتھ
پھر یوں ہوا کہ خواب سرا میں ہوا چلی
پھر یوں ہوا کہ اڑ گیا سپنا ہوا کے ساتھ
میں بجھ گیا ہوں آپ کی صرف ایک پھونک سے
صدیوں لڑا ہوں ورنہ میں تنہا ہوا کے ساتھ
دنیا سے اختلاف ہے اس بات پر مجھے
جس سمت کی ہوا چلے دنیا ہوا...
ساری دنیا سے ماورا ہو جاوؑں
میں اگر جسم سے رہا ہوجاوؑں
میرے اپنے کئی مسائل ہیں
کیا پڑی ہے کہ میں خُدا ہوجاوؑں
زندگی ! اتنی بھی سزا مت دے
میں ترے سامنے کھڑا ہو جاوؑں
اک ذرا کُن کا لفظ کہہ کر دیکھ
کہہ دیا ہے تو بول کیا ہو جاوؑں
عین ممکن ہے رقص کرتے ہوئے
میں ترے سامنے ہوا ہو جاوؑں
یونس متین