اتنی سی زندگی میں ریاضت نہ ہو سکی - محمود غزنوی

[محمد بلال اعظم]

کل ایک مئی 2012 کے خواتین ڈائجسٹ میں ایک غزل پڑھی جو محمود غزنوی صاحب کی تھی، مجھے شک ہوا کہ یہ شاید محفل والے محمود بھائی ہیں۔ اپنے بلاگ پہ پوسٹ کی تو سوچا شاملِ محفل بھی کر دی جائے۔

اتنی سی زندگی میں ریاضت نہ ہو سکی​

اک غم کو بھول جانے کی عادت نہ ہو سکی​

​

سوچو تو پور پور تھکن سےہے چُور چُور​

دیکھو تو طے ذرا سی مسافت نہ ہو سکی​

​

کچھ دیر ہی جلا وہ ہواؤں کے رو برو​

گھر کے دیے سے اتنی مروت نہ ہو سکی​

​

سب کچھ اسی کے دم سے تھا محمود، اس کے بعد​

کارِ جہانِ تازہ سے رغبت نہ ہو سکی​

(محمود غزنوی)​

 

[محمداحمد]

بہت خوب انتخاب ہے بلال بھائی۔

دوسرے شعر کا پہلا مصرعہ شاید کچھ اس قسم کا ہوگا:

سوچو تو پور پور تھکن سے ہے چور چور​

یا اس سے ملتا جلتا۔ تیسرے شعر کے پہلے مصرعے میں بھی کچھ ٹائپو ہے۔ دیکھ لیجے گا۔

 

[سید زبیر]

سب کچھ اسی کے دم سے تھا محمود، اس کے بعد
کارِ جہانِ تازہ سے رغبت نہ ہو سکی
نہائت خوبصورت کلام اور ذوق ا نتخاب ، دونوں قابل تحسین ہیں

 

[محمود احمد غزنوی]

یہ کوئی اور صاحب لگتے ہیں۔۔میں محمود احمد غزنوی ہوں، اور یہ محمود غزنوی ۔۔ویسے غزل خوبصورت ہے، کاش میں نے ہی لکھی ہوتی

 

[محمد بلال اعظم]

بہت خوب انتخاب ہے بلال بھائی۔

دوسرے شعر کا پہلا مصرعہ شاید کچھ اس قسم کا ہوگا:

سوچو تو پور پور تھکن سے ہے چور چور​

یا اس سے ملتا جلتا۔ تیسرے شعر کے پہلے مصرعے میں بھی کچھ ٹائپو ہے۔ دیکھ لیجے گا۔

تیسرے شعر کا پہلا مصرع تو ایسے ہی لکھا ہوا ہے البتہ دوسرا مصرع واقعی غلط لکھا ہے میں، وہ کچھ ایسے ہے'

سوچو تو پور پور ہے تھکن سے چُور چُور

 

[محمد بلال اعظم]

یہ کوئی اور صاحب لگتے ہیں۔۔میں محمود احمد غزنوی ہوں، اور یہ محمود غزنوی ۔۔ویسے غزل خوبصورت ہے، کاش میں نے ہی لکھی ہوتی

میں بس غلط فہمی کا شکار ہو گیا تھا، میں نے سوچا شاید آپ نے نام میں اختصار سے کام لیا ہو گا۔

 

[محمد بلال اعظم]

سب کچھ اسی کے دم سے تھا محمود، اس کے بعد
کارِ جہانِ تازہ سے رغبت نہ ہو سکی
نہائت خوبصورت کلام اور ذوق ا نتخاب ، دونوں قابل تحسین ہیں

بہت بہت شکریہ جناب

 

[کاشفی]

خوب غزل ہے۔۔۔

 

[محمداحمد]

یہ شعر غالباً یوں ہوگا:

کچھ دیر جلتا رہتا ہواؤں کے رو برو
گھر کے دیے سے اتنی مروت نہ ہو سکی

 

[محمد بلال اعظم]

خوب غزل ہے۔۔۔

شکریہ جناب

 

[محمد بلال اعظم]

یہ شعر غالباً یوں ہوگا:

کچھ دیر جلتا رہتا ہواؤں کے رو برو
گھر کے دیے سے اتنی مروت نہ ہو سکی

ہو سکتا ہے کہ میگزین والوں سے غلطی ہو گئی ہو۔

 

[محمد وارث]

تیسرے شعر کا پہلا مصرع تو ایسے ہی لکھا ہوا ہے البتہ دوسرا مصرع واقعی غلط لکھا ہے میں، وہ کچھ ایسے ہے'

سوچو تو پور پور ہے تھکن سے چُور چُور

یہ مصرع اگر ایسے ہی ہے تو سمجھ لیجیے کہ یہ بھی ٹائپنگ کی غلطی ہے کہ بے وزن ہو رہا ہے۔ آپ ذرا خود غلطی کی نشاندہی کرنے کی کوشش کریں اس بحر میں شاید آپ غزل کہہ چکے ہیں۔

 

[محمد بلال اعظم]

یہ مصرع اگر ایسے ہی ہے تو سمجھ لیجیے کہ یہ بھی ٹائپنگ کی غلطی ہے کہ بے وزن ہو رہا ہے۔ آپ ذرا خود غلطی کی نشاندہی کرنے کی کوشش کریں اس بحر میں شاید آپ غزل کہہ چکے ہیں۔

جی وارث بھائی میں کوشش کرتا ہوں۔

 

[محمد بلال اعظم]

یہ مصرع اگر ایسے ہی ہے تو سمجھ لیجیے کہ یہ بھی ٹائپنگ کی غلطی ہے کہ بے وزن ہو رہا ہے۔ آپ ذرا خود غلطی کی نشاندہی کرنے کی کوشش کریں اس بحر میں شاید آپ غزل کہہ چکے ہیں۔

جی وارث بھائی
یہ بحر مضارع مثمن اخرب مکفوف مخذوف ہے۔
مفعول فاعلات مفاعیل فاعلن (فاعلان)

آخری رکن فاعلان ہو تو یہ مصرع ایسے ہو گا
سوچو تو پور پور تھکن سے ہے چور چور

مقطع کے پہلے مصرع میں بھی آخری رکن فاعلان آیا ہے۔

 

[محمد وارث]

سو آپ کو علم ہو گیا کہ مصرع غلط چھپا ہے، شاعر بیچارے کی غلطی نہیں ہے

 

[محمد بلال اعظم]

سو آپ کو علم ہو گیا کہ مصرع غلط چھپا ہے، شاعر بیچارے کی غلطی نہیں ہے

جی جی آپ سب کا بہت بہت شکریہ
میگزین والوں کی ذرا سی غلطی نے کیا کر دیا۔

 

[مہ جبین]

بہترین انتخاب ہے محمد بلال اعظم

 

[زبیر مرزا]

یہ کراچی یونی ورسٹی والے محمود غزنوی ہیں جن کی ایک نظم
خط نہ لکھنے کا تم سے کیا شکوہ کروں
کافی مشہور ہوئی تھی

 

[محمد خلیل الرحمٰن]

جی وارث بھائی
یہ بحر مضارع مثمن اخرب مکفوف مخذوف ہے۔
مفعول فاعلات مفاعیل فاعلن (فاعلان)

آخری رکن فاعلان ہو تو یہ مصرع ایسے ہو گا
سوچو تو پور پور تھکن سے ہے چور چور

مقطع کے پہلے مصرع میں بھی آخری رکن فاعلان آیا ہے۔

بہت خوب محمد بلال اعظم بھائی۔

 

[محمد بلال اعظم]

بہترین انتخاب ہے محمد بلال اعظم

پسندیدگی کا شکریہ