شخصی ہائیکو ---------------- (انجمن ستائشِ باہمی کے تحت)

[مغزل]

عندلیب (بھارت)

بھارت ان کا دیس
ہر پل ان کو رہتا ہے
دھڑکا ”بے بی“ کا

( عندلیب بہن )

 

[مغزل]

سارہ پاکستان (کراچی)

”سارہ پاکستان“
یعنی ان کی زد پر ہے
”سارا “پاکستان

 

[مغزل]

(سیدہ بہن )سیدہ شگفتہ (سکونت نا معلوم)

ڈھیر کتابوں کا
سوتے جاگتے رکھتی ہیں
دھیان کتابوں کا

( سیدہ شگفتہ بہن )

 

[مغزل]

فرحت کیانی (سکونت نامعلوم)

لائبریری کی
سب سے اچھی ناظم ہے
فرحت ،فرحت ہے

( فرحت کیانی بہن ۔۔۔)

 

[مغزل]

محسن حجازی (سکونت طے نہیں ہوئی)

مصرع” چی چیں “کا
ایں چہ معنی داردکا
کھینچا تانی کا

 

[مغزل]

ف قدوسی بٹیا (کراچی)

ف قدوسی بھی
مجھ کو انکل کہتی ہیں
بہنوں جیسی ہیں

 

[مغزل]

(ادی )تعبیر (کراچی)

کرتی ہیں زنجیر
تصویروں کے رنگوں سے
خوابوں کی تعبیر

 

[مغزل]

شین زاد (کراچی)

وعدہ کرتے ہیں
منگل کے دن ملنے کا
”بارہ “ ہفتوں سے

 

[مغزل]

شکاری (کراچی)

کیا بولوں ان کو
مکھّی ان سے مرتی نئیں
نام شکاری ہے

 

[مغزل]

کاشفی (بنیادی حوالہ کراچی)

بابو کاشف جی
چسپاں کرتے ہیں ہر روز
محفل میں اشعار

( کاشفی بھائی )

 

[مغزل]

خوشی بہن (سکونت کا علم نہیں)

”دل میں رہتی تھی،
اب محفل میں ملتی ہے “
”ان “ کے آنے سے

 

[مغزل]

ثمینہ بہن (سکونت کا علم نہیں)

” مینہ باجی“ ،جی
پہلے چپ چپ رہتی تھیں
اب خوش رہتی ہیں

 

[مغزل]

آصف شفیع (لہور شریف)

انجینئر ہیں
”اُس پر رب کی رحمت ہے“
اچھے شاعر بھی

 

[مغزل]

فاتح الدین بشیر محمود (کراچی)

ہیں میرے ہم نام
”فاتح “ ان کا ’زعم ‘ہے شاید
” نفرت “ ان کا کام

 

[مغزل]

مہوش بہن (سکونت:میانِ دیدہ و دل)

کتنا اعلیٰ کام
’مِشّو‘کے دامن سے’ دھبہ‘
”اِن“ نے دھونا ہے


( مہوش علی بہنا )

 

[مغزل]

عین عین (کراچی)

عارف اور عزیز
میری ان سے نسبت ہے
محفل عین اور عین

 

[مغزل]

طالوت (کراچی)

دشمن ہے جالوت
محفل میں ایسے پھرتے ہیں
جیسے کوئی بھوت

(‌بھوت کی سند یہاں‌سے لی گئی ہے )

 

[محمد وارث]

لاجواب مغل صاحب، بہت خوب!

 

[مغزل]

بہت شکریہ وارث صاحب، بڑی محبت جناب،

 

[محمد وارث]

محمد وارث (سیالکوٹ)
اردو ویب کی جان
کم کم باتیں کرتے ہیں
وارث ”بھائی “جان

خوب کہا مغل صاحب، یہ گلہ آپ کی بھابھی کو بھی ہے مجھ سے

لیکن کیا خوب کہہ گئے ہیں چچا میرے حال پر:

پھر دیکھیے اندازِ گُل افشانیِ گفتار
رکھ دے کوئی پیمانۂ صہبا مرے آگے