السلام و علیکم
نبیل بھائی!
جی میں یہیں آپ حضرات کے ساتھ ہی ہوتا ہوں، جب بھی وقت ملتا ہے محفل کا چکر ضرور لگاتا ہوں، اور آپ حضرات کے بکھیرے ہوئے پھولوں کو سمیٹتا رہتا ہوں، الحمد للہ محفل فورم پر آنے سے بہت کچھ سیکھنے کے مواقع مل رہے ہیں۔ ویسے تو محفل کے ہر ساتھی کا بہت مشکور ہوں کہ ان کی لکھی باتوں سے بہت کچھ سیکھنے کو مل جاتا ہے۔ اور خصوصاً آپ کا کیونکہ آج میں نے جو کچھ بھی سیکھا ہے یا آئندہ سیکھوں گا ان سب کے لئے اللہ تعالیٰ نے آپ کو ہی پہلا ذریعہ بنایا میرے پاس وہ الفاظ ہی نہیں جنہیں لکھ کر آپ کا شکریہ ادا کرسکوں۔
اور میرے استاذ محترم عارف کریم بھائی جنہیں اللہ تعالیٰ نے بے شمار صلاحیتوں سے نوازا ہے، اپنی تعلیمی مصروفیات کے باوجود قیمتی وقت دے کر مجھ جیسے کندذہن آدمی پر بہت محنت کرتے ہیں، اور آج ٹائپوگرافی کے شعبہ میں جو کچھ بھی آتا ہے حقیقت میں انہیں کا سکھایا ہوا ہے۔ میرے دل میں ان کی کتنی قدر ہے یہ تو صرف میرا دل یا میرا اللہ ہی جانتے ہیں۔
سچی بات تو یہ ہے کہ میں تو ‘‘ٹائپو گرافی’’ کی الف بے بھی نہیں جانتا تھا، ہاں دل میں خواہش اور شوق ضرور تھا کہ اس فیلڈ میں کچھ کرسکوں، شائد میرا شوق سچا ہی تھا جو اللہ تعالیٰ نے آپ حضرات کے ساتھ رشتہ جوڑ دیا۔ اور یہاں اپنے ارادوں اور خوابوں کو پورا ہوتا دیکھ رہا ہوں۔ جس کی مجھے بے حد خوشی ہے اور یہ دعا بھی کرتا ہوں کہ اللہ تعالیٰ جلد مجھے بھی کسی قابل بنائیں کہ آپ حضرات کی طرح اردو زبان کی خدمت کے لئے کچھ کرسکوں۔ (آمین)
نبیل بھائی آج کل ذمہ داریوں کے اعتبار سے وقت کچھ ایسا تقسیم ہوا پڑا ہے کہ بہت تھوڑا سا وقت نکال پاتا ہوں لیکن جب بھی یہ موقع ملتا ہے فورم کا چکر ضرور لگا لیتا ہوں۔ اسی وقت کی تنگی کے باعث کسی گفتگو میں براہ راست شامل نہیں ہوپاتا۔ ان شاء اللہ جیسے کی کچھ سہولت ملی تو ضرور وقت دوں گا۔
اب اجازت چاہوں گا۔ فورم کے تمام ساتھیوں کو میری طرف سے سلام
نعیم سعید
