تیسری سالگرہ اراکین محفل در نظر شعراء و در عکس شعر

پری کے نام :)

دیکھو تو اِک پری ہے پرستان کی یہاں
لہجے کی اچھی، وعدے کی پکی بلاشبہ

جیسے کہ اس کے پاس ہو جادو کی اک چھڑی
اک ساتھ کتنے کام میں مشغول ماوراء
 
محسنِ اردو کے نام

شوخیِ تحریر واہ کیا خوب ہے
فونٹ پر بھی کیا نمایاں کام ہے

محسنِ اردو ہیں شاید اس لیے
آپ کا محسن حجازی نام ہے
 
شکریہ عمار!
تمہاری محبت ہے وگرنہ بندہ کسی قابل نہیں۔۔۔ :(
بڑے بھائی! ہم جس بندہ کو جانتے ہیں نا، وہ تو بہت قابل ہے پر ۔۔۔۔۔ ہاں، اتنی منکسر المزاجی اچھی نہیں :)
ویسے اس پُر مسرت موقع پر دعا ہے کہ وہ جو فونٹ کے حوالہ سے کتاب لکھنے کا وعدہ تھا، خدا کرے کہ جلد پورا ہو اور آپ کو اس حوالہ سے اسباب میسر آجائیں۔
 
محبِ اردو کے لیے

شوخیٴ طبع بھی ہے اور ہے رنگین مزاج
اِن کے انداز کی شہرت ہے یہاں تو ہرسُو

اِن کی ترغیب سے محفل کو رضا کار ملے
اِن کو کیوں کر نہ کہا جائے محبِ اردو

(محب علوی کے لیے اس قطعہ کے پہلے شعر کا مضمون بنانے میں سارہ نے مدد کی :) )
 
ابوشامل کے نام

جغرافیہ سے ان کو خصوصی لگاؤ ہے
اردو وکی پہ ان کا بہت خوب کام ہے

خطاطی اور آرٹ میں ماہر ہیں یہ حضور
کیا جانتے ہیں آپ؟ فہد ان کا نام ہے
 

سیدہ شگفتہ

لائبریرین
تیسری سالگرہ پر مسکان مبارک ہو
محفل کی پھلواری میں
ایک خوشی کے آنے سے
موسم سارے خنداں خنداں
مہتاب ستارے رقص کناں
مکھڑے پیارے تاباں تاباں
ہر سو فرحت پھیل گئی ہے
سب کی قسمت جاگ اٹھی ہے
خواب سی نازک ، چاند سی روشن
محفل دیکھی نہ ایسی پیاری
روپ نگر کے دریاوں میں
ششدر حیراں پریت پجاری
محفل تیرے صدقے سے
خوشیوں کی جاگیر ملی ہے
خوابوں کو تعبیر ملی ہے
عزت، رفعت اس کا مقدر
منہ مانگی تقدیر ملی ہے
تو بتا خوشیوں کے جہاں کا سفر کیسا لگا ہے
نخلِ محبت کا تہرا ثمر کیسا لگا ہے
یہ گلوں کی مہک ، حسن کی جان مبارک ہو
تم کو دوست مرے مسکان مبارک ہو
00000


السلام علیکم

بہت خوبصورت کلام !


:best:

.
 

ماوراء

محفلین
پری کے نام :)

دیکھو تو اِک پری ہے پرستان کی یہاں
لہجے کی اچھی، وعدے کی پکی بلاشبہ

جیسے کہ اس کے پاس ہو جادو کی اک چھڑی
اک ساتھ کتنے کام میں مشغول ماوراء

ارے عمار۔۔ پری بنا دیا مجھے۔۔۔ جاننے والے مجھے چڑیل کہتے ہیں۔:(
تم نے کہا تھا کہ میرے لیے لکھا ہے۔۔ میں اوپر نیچے دیکھ رہی تھی کہ میرا نام تو کہیں نظر نہیں آ رہا۔۔۔ پری کا تو میں سمجھ رہی تھی، کسی اور کے لیے لکھا ہو گا۔:grin:

پھر بھی اتنے اچھے الفاظ کا شکریہ۔ اصل میں تعریف ہی مجھے مزید اچھا بنانے میں مدد کرتی ہے۔;)
 
ارے عمار۔۔ پری بنا دیا مجھے۔۔۔ جاننے والے مجھے چڑیل کہتے ہیں۔:(
تم نے کہا تھا کہ میرے لیے لکھا ہے۔۔ میں اوپر نیچے دیکھ رہی تھی کہ میرا نام تو کہیں نظر نہیں آ رہا۔۔۔ پری کا تو میں سمجھ رہی تھی، کسی اور کے لیے لکھا ہو گا۔:grin:

پھر بھی اتنے اچھے الفاظ کا شکریہ۔ اصل میں تعریف ہی مجھے مزید اچھا بنانے میں مدد کرتی ہے۔;)
تو تم نے دوسرے شعر کے آخر میں "ماوراء" لکھا نہیں دیکھا؟ میں نے صرف شروع میں قطعات کے اوپر نام لکھے پھر سوچا کہ پہلے سے بتانے کے بجائے شعر پڑھ کر اندازہ لگانے دوں کہ کس کے نام ہے۔ :)
تمہاری تعریف ضروری ہے، منظرنامہ بھی چلانا ہے نا :grin:
 
خاتونِ آہن کے لیے ;)

یہ ان لوگوں میں شامل ہیں کہ وہ جو اردو محفل پر
نظر نہ آئیں تو محسوس ہوتی ہے کمی جن کی

لقب انہوں نے پایا ہے یہاں خاتونِ آہن کا
شگفتہ نام ہے ان کا، شگفتہ شخصیت ان کی

(ویسے شخصیت کے ساتھ شگفتہ کی صفت درست ہے یا نہیں؟ :confused: )
 
ایک خواب کی تعبیر کے نام :grin:

اپنی ہر تحریر سے لگتی ہیں کافی جینئس ;)
خوش مزاجی اور محبت کی حسیں تصویر ہیں

ان کے چھوٹے بھائی کا ان سے ہے بس یہ اک سوال
اتنا بتلادیں کہ کس کے خواب کی تعبیر ہیں؟ :lll:
 
Top