ظہیراحمدظہیر
لائبریرین
اگر تصویر ہزار لفظوں کے برابر ہوتی ہے تو اس حساب سے کارٹون کو کئی لطیفوں کے مساوی سمجھنا چاہیے۔ چونکہ مزاح کا تعلق زبان کی نزاکتوں اور تہذیب و ثقافت پر مبنی سیاق و سباق سے ہوتا ہے اس لیے اس کا کسی دوسری زبان میں کماحقہ ترجمہ تقریباً ناممکن سی بات سمجھا جاتا ہے۔ یہی وجہ ہے کہ انگریزی زبان کا مزاح نہایت گہرا اور اعلیٰ پائے کا ہونے کے باوجود اب تک ا ردو میں ترجمہ نہیں کیاگیا۔ تحریر کے برعکس چونکہ کارٹون میں مزاح کا بیشتر پہلو تصویر کا مرہونِ منت ہوتا ہے اس لیے فکاہیہ مضمون کی نسبت کسی کسی کارٹون کا دوسری زبان میں "ترجمہ" پھر بھی ممکن ہے۔
غیر سیاسی مزاحیہ کارٹون ہمیشہ ہی سے مجھے پسند رہے ہیں۔ بچپن میں جہاں جنگ اخبار میں روزانہ ٹارزن کی کہانی پڑھا کرتا تھا وہیں ڈان اخبار میں کارٹون ضرور دیکھا کرتا تھا۔ امریکا میں میرے پسندیدہ ترین کارٹونسٹ گیری لارسن ، ڈین پرارو اور رینڈی گلاسبرگن ہیں۔ گیری لارسن کی (The Far Side) گیلری کی کئی کتابیں مرے پاس رہی ہیں۔گزشتہ کئی سالوں سے میں اور ایک دوست ڈین پرارو کے (Bizarro)کارٹونوں سے خاص طور پر لطف اندوز ہوتے ہیں کہ وقت کی کمی کے باعث اگر طویل فکاہیے پڑھنا ممکن نہ ہو تو چند کارٹون تو ضرور دیکھے جاسکتے ہیں۔ ہم نے مل کر کچھ منتخب کارٹونوں کو اردو کے پیکر میں ڈھالنے کی کوشش کی ہے۔ یہ سب کارٹون پبلک ڈومین سے لیے گئے ہیں اور کاپی رائٹ سے آزاد ہیں۔ اگلے کچھ دنوں میں کوشش ہوگی کہ سالگرہ کے موقع پر یہ کوکا کولا مٹی کے صاف ستھرے کُوزے میں خاص آپ کی خدمت میں پیش کیا جائے۔
غیر سیاسی مزاحیہ کارٹون ہمیشہ ہی سے مجھے پسند رہے ہیں۔ بچپن میں جہاں جنگ اخبار میں روزانہ ٹارزن کی کہانی پڑھا کرتا تھا وہیں ڈان اخبار میں کارٹون ضرور دیکھا کرتا تھا۔ امریکا میں میرے پسندیدہ ترین کارٹونسٹ گیری لارسن ، ڈین پرارو اور رینڈی گلاسبرگن ہیں۔ گیری لارسن کی (The Far Side) گیلری کی کئی کتابیں مرے پاس رہی ہیں۔گزشتہ کئی سالوں سے میں اور ایک دوست ڈین پرارو کے (Bizarro)کارٹونوں سے خاص طور پر لطف اندوز ہوتے ہیں کہ وقت کی کمی کے باعث اگر طویل فکاہیے پڑھنا ممکن نہ ہو تو چند کارٹون تو ضرور دیکھے جاسکتے ہیں۔ ہم نے مل کر کچھ منتخب کارٹونوں کو اردو کے پیکر میں ڈھالنے کی کوشش کی ہے۔ یہ سب کارٹون پبلک ڈومین سے لیے گئے ہیں اور کاپی رائٹ سے آزاد ہیں۔ اگلے کچھ دنوں میں کوشش ہوگی کہ سالگرہ کے موقع پر یہ کوکا کولا مٹی کے صاف ستھرے کُوزے میں خاص آپ کی خدمت میں پیش کیا جائے۔
