واشنگٹن ڈی سی سے نکلے تو ہائی وے پر ٹول ہی ٹول آنے لگے۔ اکثر ٹول پے بائی پلیٹ تھے یعنی ہماری کار کی پلیٹ کی تصویر لے لیتے اور پھر بل بعد میں گھر بھیج دیا۔ لیکن پہلا مسئلہ ڈیلاویئر میں ہوا۔ وہاں پل کے ٹول پر صرف دو آپشن تھے: ایزی پاس ٹول ریسپانڈر یا کیش۔ میں ٹھہرا ماڈرن آدمی جیب میں پھوٹی کوڑی نہ تھی۔ میری فیملی بھی کیش کم ہی استعمال کرتی ہے۔ مرتا کیا نہ کرتا ٹول بوتھ پر violation کا ٹکٹ لے لیا۔ مہینہ بھر بعد جب گھر بل پہنچا تو ڈیلاویئر نے 4 ڈالر کے ٹول پر 50 ڈالر جرمانہ کیا ہوا تھا۔ ڈیالاویئر کے بعد نیوجرسی ٹرنپائیک پر بھی صرف ایزی پاس یا کیش کا معاملہ ملا۔ اس بار ایک سروس سینٹر پر رک کر میں نے اے ٹی ایم سے کچھ کیش نکلوا لیا اور کوئی جرمانہ نہ بھرنا پڑا۔
آخری تدوین:
