ی۔ ہ۔ و ۔۔ نئی لڑی نمبر 20

[محمد عبدالرؤوف]

مٹھاس میں لپٹی ہوئی گولی کی مانند ہوتا ہے دشمن نما دوست۔۔۔۔۔ ایسا ہی ہوتاہے نا۔

لیجیے۔۔۔ پھر سے سقراط کی روح بے کل ہو نے لگی ہے۔

 

[گُلِ یاسمیں]

گل سے ایسی ہی امید رکھیں کم سے کم آج کی تاریخ میں۔ بالکل ہی فارغ ہیں آج ہم۔

 

[گُلِ یاسمیں]

کیوں رؤف بھائی کیا سقراط کی روح کو بےکل کرنا برا لگ رہا ہے۔

 

[گُلِ یاسمیں]

قبر پر لات ماریں کیا حاتم کی ؟ تب اچھا لگے گا
ذرا ہٹ جائیے ہم آ رہے ہیں پورے ایکشن میں

 

[محمد عبدالرؤوف]

کیوں رؤف بھائی کیا سقراط کی روح کو بےکل کرنا برا لگ رہا ہے۔

قطعاً نہیں۔۔۔ سقراط ہی کیا تم بقراط اور افلاطون کی روحوں کو بھی بے کل کر دو۔

 

[محمد عبدالرؤوف]

قبر پر لات ماریں کیا حاتم کی ؟ تب اچھا لگے گا
ذرا ہٹ جائیے ہم آ رہے ہیں پورے ایکشن میں

فوراً توبہ کیجے۔۔ کسی کی بھی قبر کو لات نہیں مارنی چاہیے۔

 

[سیما علی]

فائدہ کوئی نہیں بٹیا قبر پر لات مارنے کا 🤔

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے۔

 

[سیما علی]

فوراً توبہ کیجے۔۔ کسی کی بھی قبر کو لات نہیں مارنی چاہیے۔

غیر ہو یا اپنا قبر کا احترام لازم ہے ۔۔

 

[محمد عبدالرؤوف]

غیر ہو یا اپنا قبر کا احترام لازم ہے ۔۔

عدی بن حاتم رح حاتم طائی کا بیٹا تھا۔ جو حضرت علی رضی اللہ عنہ کا قریبی ساتھی تھا۔
حاتم طائی کی سخاوت کی وجہ سے ہر کوئی اس کی عزت کیا کرتا تھا

 

[سیما علی]

ظاہری شان و شوکت بادشاہ نوفل کی بہت زیادہ تھی ۔لیکن حاتم طائی اپنی سخاوت اور خدمت خلق کی وجہ سے مشہور زیادہ تھے ۔نوفل نے جب دیکھا کہ ہر طرف حاتم کے ہی چرچے ہیں، ہر کوئی اس کی نیکی اور اچھائی کے گن گاتا ہے، ہر ضرورت مند مدد کے لیے حاتم کے ہی پاس جاتا ہے تو وہ حاتم کا دشمن بن گیا۔ دشمنی کی وجہ صرف یہ تھی کہ بادشادہ کے بجائے ہر کوئی حاتم کی تعریف کرتا تھا۔۔۔۔۔

 

[سیما علی]

طائی سے ایک موقع پر پوچھا گیاکہ سخاوت میں کیا کوئی شخص ان سے آگے بڑھا ہے؟توحاتم نے جواب دیاکہ ہاں‘ قبیلہ طے کا ایک یتیم بچہ مجھ سے زیادہ سخی نکلا جس کا قصہ کچھ یوں ہے کہ دوران سفر میں شب بسری کیلئے ان کے گھر گیا، اس کے پاس دس بکریاں تھیں، اس نے ایک ذبح کی، اس کا گوشت تیار کیا اور کھانے کیلئے مجھے پیش کر دیا۔ اس نے کھانے کیلئے مجھے جو چیزیں دیں ان میں مغز بھی تھا۔ میں نے اسے کھایا تو مجھے پسند آیا۔ میں نے کہاکہ’واہ سبحان اللہ! کیا خوب ذائقہ ہے۔‘یتیم بچہ فوراً باہر نکل گیا اور اس نے تمام بکریاں میری لا علمی میں ایک ایک کر کے ذبح کر ڈالیں اور سب کے مغز مجھے پیش کئے۔ جب میں کوچ کرنے لگا تو دیکھا کہ گھر کے ارد گرد ہر طرف خون ہی خون بکھرا پڑا ہواہے۔ میں نے اس سے کہاکہ’آپ نے تمام بکریاں کیوں ذبح کیں؟‘اس نے کہاکہ’واہ، سبحان اللہ‘آپ کو میری کوئی چیز اچھی لگے اور میں اس پر بخل کروں، یہ عربوں کیلئے بدترین گالی ہے۔حاتم سے پوچھا گیاکہ’ بدلے میں آپ نے اسے کیا دیا؟‘توانہوں نے کہاکہ’تین سو سرخ اونٹھنیاں اور پانچ سو بکریاں۔‘ان سے کہا گیاکہ’‘تو پھر آپ اس سے بڑے سخی ہوئے۔‘انہوں نے جواب دیاکہ’نہیں وہ مجھ سے زیادہ سخی ہے، کیونکہ اس نے اپنا سب کچھ لٹا کر سخاوت کی جبکہ میں نے تو اپنے بہت سے مال میں سے تھوڑا سا خرچ کر کے سخاوت کی ہے۔۔۔۔۔۔

 

[الف عین]

ضرورت سے زیادہ کو خیرات کر دینا ہی سخاوت نہیں ہے

 

[گُلِ یاسمیں]

فوراً توبہ کیجے۔۔ کسی کی بھی قبر کو لات نہیں مارنی چاہیے۔

صورتحال کے مطابق ہم نے تو بس محاورے ولی لات کا ذکر کیا تھا

 

[گُلِ یاسمیں]

قطعاً نہیں۔۔۔ سقراط ہی کیا تم بقراط اور افلاطون کی روحوں کو بھی بے کل کر دو۔

شاباش یہ بھی اچھی کہی۔۔۔ اب کہیں ہمیں گل بے کل نہیں کہنا شروع کر دیجیے گا۔

سرگوشی

بے کل کو بے عقل پڑھنے کی غلطی نہ کیجیے گا

 

[گُلِ یاسمیں]

غیر ہو یا اپنا قبر کا احترام لازم ہے ۔۔

سیما آپا صحیح کہا آپ نے۔ ہم نے تو بس محاورہ بولا تھا اور رؤف بھائی کو ہمیں باتیں سنانے کا موقع مل گیا۔

 

[عظیم]

زخم لگ جاتے ہیں اکثر باتوں سے بھی

 

[محمد عبدالرؤوف]

سیما آپا صحیح کہا آپ نے۔ ہم نے تو بس محاورہ بولا تھا اور رؤف بھائی کو ہمیں باتیں سنانے کا موقع مل گیا۔

رؤف بھائی نے اب کیا کہہ دیا بھئی؟

 

[محمد عبدالرؤوف]

"ذال" سرائیکی میں بیوی کو کہتے ہیں۔

 

[گُلِ یاسمیں]

رؤف بھائی نے اب کیا کہہ دیا بھئی؟

ڈرتے ڈرتے دماغ میں جو فوری محاورہ آیا، ہم نے لکھ دیا۔ اب اس میں قبر اور لات کا ذکر تھا تو ہمارا کیا قصور۔ سیما آپا کا تو دھیان بھی نہیں جانا تھا مگر آپ نے شعلوں کو ہوا دی۔

سرگوشی

صحیح محاورہ استعمال کیا نا یہ؟

 

[گُلِ یاسمیں]

"ذال" سرائیکی میں بیوی کو کہتے ہیں۔

دل چاہ رہا کہ پوچھ لیں "ذال" کو "زال" بھی کہتے ہیں کیا،؟