ُPresentation Skills-مشق، سوالات، تبصرہ جات

ام اویس

محفلین
السلام علیکم و رحمة الله وبرکاتہ !
اب بات سمجھ میں آرہی ہے ۔۔۔ پریزینٹیشن کو پریزنٹ کیسے کرنا ہے یہی بات میرے لیے الجھن کا سبب تھی ۔ میں تو خیالی پلاؤ اور ہوائی قلعے وغیرہ کا انتخاب کرنے پر تیار تھی لیکن اب آپ کی ہدایات کے مطابق عملی قدم اٹھاؤں گی
امید ہے آپ کی بچی صحت مند ہو کر بھاگ دوڑ میں مشغول ہوگئی ہو گی
ہم آپ سے بہت کچھ سیکھیں گے ان شاء الله
عمدہ طریقے سے رہنمائی کرنے کا شکریہ
 

ام اویس

محفلین
ہمارے یہاں ہر مہینہ آخری جمعرات کو مجلس حریم ادب ہوتی ہے ۔ یہ مجلس کچھ ادبی قسم کی ہے ۔ خواتین کی مجلس ہے جس میں شامل ہونے والی ہر فرد کو کچھ نہ کچھ پڑھ کر سنانا ہوتا ہے ۔ خواہ اس کی اپنی تحریر ہو یا کوئی انتخاب
حاضرین مجلس میں شامل سینئر ادبا اس کی تصحیح کرتی ہیں ۔ اس پر بحث وغیرہ ہوتی ہے اور اصلاح کی جاتی ہے بعد میں وہی تحریریں اور شاعری وغیرہ مختلف رسالوں میں چھپنے کے لیے بھیج دئیے جاتے ہیں ۔
میری ادائیگی کے انداز کی وجہ سے عموما میری تحریروں کا انتخاب ہوجاتا ہے جبکہ میں سمجھتی ہوں تحریر وغیرہ اتنی اچھی نہیں ہوتی اور یہ نکتہ میں اس مجلس میں بھی اٹھا چکی ہوں جسے ہنس کر ٹال دیا گیا ۔

خواتین وغیرہ کے اجتماع میں جیسے بھی ہوں ان کی ذہنی اپروچ کے مطابق ہر قسم کے ماحول میں بات کرنے یا تقریر وغیرہ کرنے ، نصیحت کرنے ، درس دینے میں کوئی ججھک نہیں الحمد لله
اگرچہ اب دائرہ کار سمٹ کر گھر تک محدود ہوگیا ہے اور توجہ لکھنے میں بہتری لانے کی طرف زیادہ ہے
 

م حمزہ

محفلین
۱۔ 5 منٹ کی پریزینٹیشن:
آپ نے 5 منٹ دورانیے کی جو پریزینٹیشن تیار کی ہے، اسے بغیر کوئی امدادی مواد (پاور پوائینٹ، نوٹس وغیرہ) استعمال کیے کیمرے کے سامنے دیں اور ریکارڈ کر لیں۔ کیمرے کی کوالٹی کے بارے میں پریشان ہونے کی ضرورت نہیں، مقصد ریکارڈ کرنا ہے۔ اس لیے فون کا کیمرہ بلاجھجک استعمال کریں۔
چند وضاحتیں
(ا) بعض لوگوں کے لیے اکیلے بولنا بہت مشکل ہوتا ہے، اس صورت میں اپنے کسی عزیز، دوست، فیملی ممبر کی خدمات مستعار لے لیں اور ریکارڈنگ کر لیں۔
(ب) پریزنٹیشن کے دوران کوئی امدادی مواد استعمال کرنے سے پرہیز کریں۔ صرف اپنی قوتِ گویائی اور باڈی لینگوئج استعمال کریں۔ اگر آپ کوئی پیچیدہ ڈایا گرام بھی استعمال کر رہے ہیں تو اسے قوتِ گویائی اور باڈی لینگوئج کے بل بوتے پر بیان کرنے کی کوشش کریں۔
(پ) اگر کسی امدادی مواد کے بغیر فوری طور پریزنٹیشن دینا ممکن نہ ہو تو زیادہ سے زیادہ سوچنے اور تیاری کرنے کا وقت تیس منٹ ہے۔ کوشش کریں کہ اس سے زیادہ وقت نہ لیں۔
(ت) اس ریکارڈنگ کو محفوظ کر لیں۔ کورس کے اختتام پر آپ اسی پریزینٹیشن کو نکھارتے ہوئے دوبارہ ریکارڈ کریں گے۔ کورس سے آپ کی پریزینٹیشن پر کیا فرق واقع ہوا، اسے آپ فورا مقابلہ کر کے دیکھ پائیں گے۔
(ث) لائیو ٹریننگ میں ریکارڈنگ کی ضرورت نہیں پڑتی، تمام شرکاء کے سامنے پریزنٹیشن دی جاتی ہے اور شرکاء اس پر اپنے تاثرات دیتے ہیں، میں بھی اس میں اپنا حصہ بقدرِ ضرورت ڈالتا رہتا ہوں۔ اب آن لائن کورس کی وجہ سے ایسا ممکن نہیں، اس لیے ریکارڈنگ کرنا پڑ رہی ہے۔
(ج) اگر آپ اپنی پریزینٹیشن مجھے بھیجیں تو میں اس پر اپنا فیڈ بیک آپ کو ارسال کر سکتا ہوں۔ اس کے لیے ریکارڈنگ کی فائل ڈراپ باکس میں اپلوڈ کرکے مجھے لنک نجی پیغام میں ارسال کر دیں۔ اگر آپ باقی شرکاء کا فیڈ بیک بھی چاہتے ہیں تو یہیں لنک پوسٹ کردیں تا کہ باقی لوگ اس پر تبصرہ کر سکیں۔
(چ) اگر پرائیویسی کی وجہ سے آپ ریکارڈنگ شیئر نہ کرنا چاہیں تو اس کا آپ کو مکمل اختیار ہے۔ اس صورت میں آپ کو خود جائزہ لینا ہو گا۔
(ح) سامعین کی موجودگی میں بولنا، اور صرف کیمرے میں ریکارڈ کرنے میں بہت بنیادی فرق ہے، جس کی پوری ایک کیمسٹری ہے۔ مختصرا، سامعین کی موجودگی فطری طور پر ماحول میں گرما گرمی پیدا کردیتی ہے، جبکہ صرف کیمرے میں بولتے وقت یہ ماحول نہیں ہوتا۔ کورس کے آن لائن ہونے کی وجہ سے یہ ایک قید ہے اور اس کو گوارا کرنا ہو گا۔
مختصر یہ کہ ایک ویڈیو پریزینٹیشن بناکر آپکو بھیج دیں تاکہ آپ اپنا فیڈ بیک ارسال کرسکیں؟
یا صرف audio بھی چلے گا؟
 

عرفان سعید

محفلین
مختصر یہ کہ ایک ویڈیو پریزینٹیشن بناکر آپکو بھیج دیں تاکہ آپ اپنا فیڈ بیک ارسال کرسکیں؟
یا صرف audio بھی چلے گا؟
آڈیو کی صورت میں صرف متن پر ہی تبصرہ کر سکوں گا۔
ویڈیو کی صورت میں باڈی لینگوئج پر بھی اپنی رائے دے سکوں گا۔
 

عرفان سعید

محفلین
مشق نمبر 3

تیسری مشق پیشِ خدمت ہے۔ میری نجی تعطیلات کے باعث، پہلا سبق ریکارڈ کرنے میں کچھ دشواری ہے۔ اگلے ہفتے کے آغاز میں انشاءاللہ پہلا ویڈیو سبق پوسٹ کیا جائے گا۔ اس سے پہلے میرے لیے یہ جاننا ضروری ہے کہ آپ اپنے پری ورک میں کس مقام پر ہیں۔
اس مشق میں ہم دیکھیں گے کہ شرکاء کی پراگرس کیا ہے۔ براہ کرم مندرجہ ذیل سوالات کے جوابات اپنی سہولت کے مطابق اولین فرصت میں اس لڑی میں ارسال کریں۔

1۔ آپ نے جو پانچ منٹ کی پریزینٹیشن تیار کی ہے، اس کا عنوان کیا ہے؟

2۔ مندرجہ بالا پریزینٹیشن کے نچوڑ اور لبِ لباب کو کم سے کم الفاظ (زیادہ سے زیادہ تین سطروں) میں انتہائی جامعیت کے ساتھ بیان کریں (اردو یا انگلش)۔

3۔ آپ کے خیال میں ایک اچھی پریزینٹیشن کے لیے کن چیزوں کا ہونا ضروری ہے؟ (درست یا غلط جواب کی بحث نہیں، جو آپ کے ذہن میں آئے، اسے بے کم و کاست لکھ ڈالیں۔)

4۔ آپ نے جو چیزیں سوال نمبر 3 کے جواب میں لکھیں ہیں، اپنی پریزینٹیشن میں آپ ان کا کتنا خیال رکھتے ہیں؟

یاد دہانی:

اگر آپ نے اپنی پانچ منٹ کی پریزینٹیشن ہدایات کے مطابق ریکارڈ کر لی ہے اور آپ اس پر فیڈ بیک چاہتے ہیں تو
۱۔ عمومی فیڈ بیک کے لیے لنک اس لڑی میں پوسٹ کریں۔
۲۔ اگر صرف میرا فیڈ بیک چاہیے تو لنک نجی پیغام میں ارسال کریں۔
۳۔ پرائیویسی کی وجہ سے لنک شئیر نہ کرنا چاہیں تو اپنی پراگرس کا فیصلہ آپ کو خود کرنا ہو گا۔

زیک ، یاز ، ام اویس ، مریم افتخار ، محمدظہیر ، شکیب ، محمد تابش صدیقی ، ربیع م ، عبید انصاری ، لاریب مرزا ، سید عمران ، آدم کا بیٹا ، ابو ہاشم ، Mohd Hamza ، اکمل زیدی
 

م حمزہ

محفلین
السلام علیکم ورحمۃ اللہ:
سب سے پہلے آپ کا شکر یہ ادا کرناچاہوں گا کہ آپ ہمارے لئے اتنا وقت نکالتے ہیں ۔ وہ بھی آجکل کے دور میں۔
اب میں آپ کے سوالوں کا جواب دینے کی کوشش کرتا ہوں۔
پہلی مشق کے تینوں سوالوں کا جواب میں نے لکھ رکھا ہے۔ نمبر ۱ اور نمبر 3 کا پاورپوانئٹ میں۔ نمبر ۲ کا وورڈ میں۔ ٹوٹی پھوٹی انگریزی زبان کا استعمال کیا ہے۔ وجہ یہ ہے کہ مجھے اس کی ضرورت اکثر پڑتی ہے۔
معذرت کے ساتھ عرض ہے کہ آج ویڈیو نہیں بنا سکتا کیونکہ ڈیوٹی پر ہوں۔ کل ان شاء اللہ۔
اب آگے:
سوال نمبر ۱۔
5 منٹ کی پریزینٹیشن کا عنوان ہے : Education in Islam
(ویڈیو شاید 2 منٹ کی ہی بنے گی۔)

اس پریزینٹیشن کا نچوڑ :

It is education/knowledge which makes a human being a human. It is by virtue of education and knowledge that a man has done wonderful things. He made possible what was impossible.
Without education, human is far away from self-realization. God-realization is impossible at all۔

میرے خیال میں ایک اچھی پریزینٹیشن کیلئے مندرجہ ذیل باتوں کا ہونا ضروری ہے۔
1. صاف ستھری زبان، جو سامعین کو اچھے سے سمجھ آئے۔
2. طوالت سے پرہیز۔ مختصر جملے۔ لیکن اختصار میں اس بات کا خیال رکھا جائے کہ اصل بات ہی نہ چھوٹ جائے۔
3. اپنے عنوان پہ توجہ مرکوز رکھیں۔ No need to beat around the bushes.
4. آپکی باڈی لنگوِج آپ کے الفاظ کے ساتھ مطابقت رکھتی ہو۔
5. جس چیز کے متعلق آپ کوپریزینٹیشن دینی ہو اس کے بارے میں آپ کے پاس کافی حد تک معلومات ہونی چاہیے۔ آخر میں پوچھے جانے والے سوالات کیلئے خود کو تیار رکھنا چاہیے۔
6۔ پریزینٹیشن دینے سے پہلے اس کی اچھی سے تیاری کریں۔ لیکن دماغ پر ٹینشن سوار نہ ہونے دیں ۔ اپنے اندر خود اعتمادی پیدا کریں۔ کسرِ نفسی کا شکار کسی صورت نا ہو۔ وغیرہ وغیرہ۔

سوال نمبر4۔

تھوڑا بہت ہی خیال رہتا ہے، کوشش کے باوجود۔
اسی لئے سیکھنا چاہتا ہوں۔
 

عرفان سعید

محفلین
سب سے پہلے آپ کا شکر یہ ادا کرناچاہوں گا کہ آپ ہمارے لئے اتنا وقت نکالتے ہیں ۔ وہ بھی آجکل کے دور میں۔
بہت نوازش!
پہلی مشق کے تینوں سوالوں کا جواب میں نے لکھ رکھا ہے۔ نمبر ۱ اور نمبر 3 کا پاورپوانئٹ میں۔ نمبر ۲ کا وورڈ میں۔ ٹوٹی پھوٹی انگریزی زبان کا استعمال کیا ہے۔ وجہ یہ ہے کہ مجھے اس کی ضرورت اکثر پڑتی ہے۔
جیسا کہ پہلے بھی عرض کر چکا ہوں زبان کے انتخاب کی آپ کو مکمل آزادی ہے۔
درڈ، پاور پوائنٹ وغیرہ آپ تیاری کے لیے ضرور استعمال کریں۔ پریزنٹیشن کے وقت ان کا استعمال اس کورس میں ممنوع ہے۔
معذرت کے ساتھ عرض ہے کہ آج ویڈیو نہیں بنا سکتا کیونکہ ڈیوٹی پر ہوں۔ کل ان شاء اللہ۔
بن جائے، یہ کافی ہے۔ آج نہیں تو کل سہی۔
5 منٹ کی پریزینٹیشن کا عنوان ہے : Education in Islam
خوب!
اس پریزینٹیشن کا نچوڑ :

It is education/knowledge which makes a human being a human. It is by virtue of education and knowledge that a man has done wonderful things. He made possible what was impossible.
Without education, human is far away from self-realization. God-realization is impossible at all
آپ نے پانچ سطریں اور 43 الفاظ استعمال کیے ہیں۔
آپ کو ایک چیلنج دے رہا ہوں۔
اپنی پریزینٹیشن کا نچوڑ صرف ایک سطر میں بیان کریں۔ الفاظ کی تعداد 10 سے تجاوز نہ کرے۔ جتنے کم الفاظ میں بیان کریں گے اتنے زیادہ نمبر!
میرے خیال میں ایک اچھی پریزینٹیشن کیلئے مندرجہ ذیل باتوں کا ہونا ضروری ہے۔
1. صاف ستھری زبان، جو سامعین کو اچھے سے سمجھ آئے۔
2. طوالت سے پرہیز۔ مختصر جملے۔ لیکن اختصار میں اس بات کا خیال رکھا جائے کہ اصل بات ہی نہ چھوٹ جائے۔
3. اپنے عنوان پہ توجہ مرکوز رکھیں۔ No need to beat around the bushes.
4. آپکی باڈی لنگوِج آپ کے الفاظ کے ساتھ مطابقت رکھتی ہو۔
5. جس چیز کے متعلق آپ کوپریزینٹیشن دینی ہو اس کے بارے میں آپ کے پاس کافی حد تک معلومات ہونی چاہیے۔ آخر میں پوچھے جانے والے سوالات کیلئے خود کو تیار رکھنا چاہیے۔
6۔ پریزینٹیشن دینے سے پہلے اس کی اچھی سے تیاری کریں۔ لیکن دماغ پر ٹینشن سوار نہ ہونے دیں ۔ اپنے اندر خود اعتمادی پیدا کریں۔ کسرِ نفسی کا شکار کسی صورت نا ہو۔ وغیرہ وغیرہ۔
بہت خوب!
بہت ہی ضروری نکات کی طرف اشارہ کیا ہے۔ سب لوگوں کا جواب آ جائے تو اس کے بعد ایک جامع تصویر آپ لوگوں کے سامنے رکھوں گا۔

سب سے پہلے اسائنمنٹ کا کام بھیجنے پر ڈھیروں شاباش!
:applause:
فرنٹ ڈیسک پر آپ کی جگہ تو پکی ہو گئی
 
آخری تدوین:
سر جی یہ میری ایک پرانی کاوش ملاحظہ کیجیے اور اس میں جہاں جہاں ضروری ہو قیمتی مشورے دیجیے تا کہ دیگر محفلین بھی میری کوتاہیوں سے کچھ سیکھیں اور بالخصوص میں خود کچھ سیکھ سکوں۔۔۔ ابتدائی ڈرامے کے بعد کا سب کچھ فی البدیہہ ہے۔




عرفان سعید
 
آخری تدوین:

عرفان سعید

محفلین
سر جی یہ میری ایک پرانی کاوش ملاحظہ کیجیے اور اس میں جہاں جہاں ضروری ہو قیمتی مشورے دیجیے تا کہ دیگر محفلین بھی میری کوتاہیوں سے کچھ سیکھیں اور بالخصوص میں خود کچھ سیکھ سکوں۔۔۔ ابتدائی ڈرامے کے بعد کا سب کچھ فی البدیہہ ہے۔




عرفان سعید
محمد خرم یاسین بھائی!
آپ کا بے حد شکریہ کہ آپ نے اس لڑی میں اپنی ویڈیو شیئر کی۔ میرے لیے اس لحاظ سے بہت دلچسپ ہے کہ میں جاپان، جرمنی اور فن لینڈ، تینوں ملکوں میں، فرسٹ ایڈ کورس کر چکا ہوں۔ اس ویڈیو میں آپ کی فی البدیہہ پریذینٹیشن 3:30 تا 9:32 تک ہے۔ہو سکتا ہے کہ ویڈیو کے لیے کچھ حصوں کو مدون کیا گیا ہو، لیکن میں ویڈیو کے لحاظ سے نہیں، آپ کی پریزینٹیشن کے مطابق اپنی حقیر رائے دے دیتا ہوں۔

1۔ سب سے پہلی چیز جوبہت متاثر کن نظر آئی وہ آپ کا فی البدیہہ کسی پاور پوائنٹ اور نوٹس وغیرہ کے بغیر پریزنٹ کرنا ہے، جس سے موضوع پر آپ کی علمی گرفت کا احساس ہوتا ہے اور خود اعتمادی مترشح ہوتی ہے۔ تیاری، تیاری اور تیاری ایک کامیاب پریزینٹیشن کی بنیادی شرط ہے جو یہاں بدرجۂ اتم نظر آئی۔
کسی بھی پریزینٹیشن میں پاور پوائنٹ، نوٹس وغیرہ استعمال کرنے میں بالکل کوئی حرج نہیں۔ میرا نقطۂ نظر یہ ہے کہ آپ کی تیاری اس درجے میں ہو کہ کچھ بھی میسر نہ ہونے کی صورت میں بھی آپ کی پریزینٹیشن پر ذرہ برابر فرق نہ پڑے۔

2۔ 6:00 تا 6:08۔۔۔آپ نے دس سیکنڈ کو کاؤنٹ کرنے کا طریقہ بول کر بتایا (1001 سے 1010 تک گن کر)۔۔۔ بہت اعلی

3۔ 7:06 تا 7:20 ۔۔۔ سی۔پی۔آر کی 1 سے 30 تک گنتی بھی آپ نے بول کر بتائی۔۔۔ زبردست

4۔ 8:44 تا 9:15۔۔۔ آپ نے سامعین کو سی۔پی۔آر کی عملی مشق میں شریک کیا۔
پریزینٹیشن ایک طرح کا سفر ہے اور آپ اس سفر میں جانے والی گاڑی کے ڈرائیور ہیں۔ سامعین کو رک کر اپنا ہم سفر نہیں بنائیں گے تو اس منزل تک نہیں لے جا پائیں گے، جہاں آپ انہیں لے جانا چاہتے ہیں۔
یہاں آپ نے یہ کام بہت عمدگی سے کیا ہے۔

5۔ 9:15 تا 9:32۔۔۔پریزینٹیشن کا اختتامیہ؛ یہاں آپ نے کمال کر دیا۔ یہ آپ کی پریزینٹیشن کا سب سے جاندار حصہ تھا۔ بہت زوردار پیغام دیا۔ سامعین کے دلوں کے تار کو مرتعش کیا۔ سب سے آخری الفاظ "آئیے! آپ بھی سیکھیے"، ان لفظوں نے تو میرا دل جیت لیا۔
کسی بھی پریزینٹیشن کے اختتامیے کے دو مقاصد ہوتے ہیں۔ اول: زور دار پیغام دینا، دوئم: صدائے عمل (کال فار ایکشن) دینا۔ آپ نے دونوں کام انتہائی مہارت سے سر انجام دئیے ہیں۔

سرِ دست اتنا ہی عرض کر پاؤں گا۔ رات آدھی سے زیادہ بیت چکی ہے۔ کیا چیزیں لائقِ توجہ ہیں، ان کی نشاندہی کل کروں گا۔
 
آخری تدوین:

م حمزہ

محفلین
آپ نے پانچ سطریں اور 43 الفاظ استعمال کیے ہیں۔
آپ کو ایک چیلنج دے رہا ہوں۔
اپنی پریزینٹیشن کا نچوڑ صرف ایک سطر میں بیان کریں۔ الفاظ کی تعداد 10 سے تجاوز نہ کرے۔ جتنے کم الفاظ میں بیان کریں گے اتنے زیادہ نمبر!
You're human being if eduated , otherwise only a being .
 
محمد خرم یاسین بھائی!
آپ کا بے حد شکریہ کہ آپ نے اس لڑی میں اپنی ویڈیو شیئر کی۔ میرے لیے اس لحاظ سے بہت دلچسپ ہے کہ میں جاپان، جرمنی اور فن لینڈ، تینوں ملکوں میں، فرسٹ ایڈ کورس کر چکا ہوں۔ اس ویڈیو میں آپ کی فی البدیہہ پریذینٹیشن 3:30 تا 9:32 تک ہے۔ہو سکتا ہے کہ ویڈیو کے لیے کچھ حصوں کو مدون کیا گیا ہو، لیکن میں ویڈیو کے لحاظ سے نہیں، آپ کی پریزینٹیشن کے مطابق اپنی حقیر رائے دے دیتا ہوں۔

1۔ سب سے پہلی چیز جوبہت متاثر کن نظر آئی وہ آپ کا فی البدیہہ کسی پاور پوائنٹ اور نوٹس وغیرہ کے بغیر پریزنٹ کرنا ہے، جس سے موضوع پر آپ کی علمی گرفت کا احساس ہوتا ہے اور خود اعتمادی مترشح ہوتی ہے۔ تیاری، تیاری اور تیاری ایک کامیاب پریزینٹیشن کی بنیادی شرط ہے جو یہاں بدرجۂ اتم نظر آئی۔
کسی بھی پریزینٹیشن میں پاور پوائنٹ، نوٹس وغیرہ استعمال کرنے میں بالکل کوئی حرج نہیں۔ میرا نقطۂ نظر یہ ہے کہ آپ کی تیاری اس درجے میں ہو کہ کچھ بھی میسر نہ ہونے کی صورت میں بھی آپ کی پریزینٹیشن پر ذرہ برابر فرق نہ پڑے۔

2۔ 6:00 تا 6:08۔۔۔آپ نے دس سیکنڈ کو کاؤنٹ کرنے کا طریقہ بول کر بتایا (1001 سے 1010 تک گن کر)۔۔۔ بہت اعلی

3۔ 7:06 تا 7:20 ۔۔۔ سی۔پی۔آر کی 1 سے 30 تک گنتی بھی آپ نے بول کر بتائی۔۔۔ زبردست

4۔ 8:44 تا 9:15۔۔۔ آپ نے سامعین کو سی۔پی۔آر کی عملی مشق میں شریک کیا۔
پریزینٹیشن ایک طرح کا سفر ہے اور آپ اس سفر میں جانے والی گاڑی کے ڈرائیور ہیں۔ سامعین کو رک کر اپنا ہم سفر نہیں بنائیں گے تو اس منزل تک نہیں لے جا پائیں گے، جہاں آپ انہیں لے جانا چاہتے ہیں۔
یہاں آپ نے یہ کام بہت عمدگی سے کیا ہے۔

5۔ 9:15 تا 9:32۔۔۔پریزینٹیشن کا اختتامیہ؛ یہاں آپ نے کمال کر دیا۔ یہ آپ کی پریزینٹیشن کا سب سے جاندار حصہ تھا۔ بہت زوردار پیغام دیا۔ سامعین کے دلوں کے تار کو مرتعش کیا۔ سب سے آخری الفاظ "آئیے! آپ بھی سیکھیے"، ان لفظوں نے تو میرا دل جیت لیا۔
کسی بھی پریزینٹیشن کے اختتامیے کے دو مقاصد ہوتے ہیں۔ اول: زور دار پیغام دینا، دوئم: صدائے عمل (کال فار ایکشن) دینا۔ آپ نے دونوں کام انتہائی مہارت سے سر انجام دئیے ہیں۔

سرِ دست اتنا ہی عرض کر پاؤں گا۔ رات آدھی سے زیادہ بیت چکی ہے۔ کیا چیزیں لائقِ توجہ ہیں، ان کی نشاندہی کل کروں گا۔
آپ کی ذرہ نوازی ہے ۔ خوشی اس بات کی ہے کہ پاسنگ مارکس مل گئے :)
 
آخری تدوین:

عرفان سعید

محفلین
کہاں ہیں سب؟
یہ کلاس میں اتنی خاموشی کیوں ہے؟ ہوم ورک کس کس نے کیا ہے؟
اگر کچھ اور پلان ہیں تو کم از کم کچھ نعرہ تو لگاتے جاتے۔ جیسے

نو لیکچر نو کلاس ۔۔۔ بائیکاٹ، بائیکاٹ
نامنظور، نامنظور ۔۔۔پریزینٹیشن کورس نامنظور
نہیں چلے گا، نہیں چلے گا۔۔۔ محفل میں یہ کورس نہیں چلے گا
وغیرہ وغیرہ


کچھ سنائی تو دیتا!
زیک ، یاز ، ام اویس ، مریم افتخار ، محمدظہیر ، شکیب ، محمد تابش صدیقی ، ربیع م ، عبید انصاری ، لاریب مرزا ، سید عمران ، آدم کا بیٹا ، ابو ہاشم ، م حمزہ ، اکمل زیدی
 
میں کچھ مختلف حالات کا شکار ہونے کے باعث ایکٹو پارٹسپیشن نہیں کر سکوں گا۔
خیر کوئی زیادہ تشویشناک مسائل نہیں ہیں۔
دراصل میرا گھر والا لیپ ٹاپ اب مزید ساتھ نبھانے سے انکاری ہے۔ اور وزن اٹھانے سے گریز کے باعث، دفتری لیپ ٹاپ اب دفتر میں ہی لاک کر کے آیا کروں گا۔
اس لیے دفتر کے علاوہ لیپ ٹاپ سے دور ہوں۔
اور فی الحال کچھ دنوں تک دفتر سے واپسی پر طبیعت مزید کچھ سیکھنے پر مائل نظر نہیں آتی۔
امید ہے کہ بعد میں ریکارڈڈ لیکچرز اور باقی کارووائی سے استفادہ حاصل کر سکوں گا۔
 

زیک

مسافر
کہاں ہیں سب؟
یہ کلاس میں اتنی خاموشی کیوں ہے؟ ہوم ورک کس کس نے کیا ہے؟
اگر کچھ اور پلان ہیں تو کم از کم کچھ نعرہ تو لگاتے جاتے۔ جیسے

نو لیکچر نو کلاس ۔۔۔ بائیکاٹ، بائیکاٹ
نامنظور، نامنظور ۔۔۔پریزینٹیشن کورس نامنظور
نہیں چلے گا، نہیں چلے گا۔۔۔ محفل میں یہ کورس نہیں چلے گا
وغیرہ وغیرہ


کچھ سنائی تو دیتا!
زیک ، یاز ، ام اویس ، مریم افتخار ، محمدظہیر ، شکیب ، محمد تابش صدیقی ، ربیع م ، عبید انصاری ، لاریب مرزا ، سید عمران ، آدم کا بیٹا ، ابو ہاشم ، م حمزہ ، اکمل زیدی
فی الحال تو چھٹیوں میں اکٹھے ہوئے کاموں میں پھنسا ہوں۔
 

شکیب

محفلین
کہاں ہیں سب؟
یہ کلاس میں اتنی خاموشی کیوں ہے؟ ہوم ورک کس کس نے کیا ہے؟
اگر کچھ اور پلان ہیں تو کم از کم کچھ نعرہ تو لگاتے جاتے۔ جیسے

نو لیکچر نو کلاس ۔۔۔ بائیکاٹ، بائیکاٹ
نامنظور، نامنظور ۔۔۔پریزینٹیشن کورس نامنظور
نہیں چلے گا، نہیں چلے گا۔۔۔ محفل میں یہ کورس نہیں چلے گا
وغیرہ وغیرہ


کچھ سنائی تو دیتا!
زیک ، یاز ، ام اویس ، مریم افتخار ، محمدظہیر ، شکیب ، محمد تابش صدیقی ، ربیع م ، عبید انصاری ، لاریب مرزا ، سید عمران ، آدم کا بیٹا ، ابو ہاشم ، م حمزہ ، اکمل زیدی
لیکچرز بنک کرنے کا اپنا ہی مزہ ہے!
 
Top