اوبنٹو کی کامیاب انسٹالیشن

نوشاب

محفلین
کیا میں اوبنٹو میں رہتے ہوئے الانگ سائیڈ ونڈو 7 میں موجود کورل ڈرا کو کسی طرح اوبنٹو میں رن کر سکتا ہوں؟
 
کیا میں اوبنٹو میں رہتے ہوئے الانگ سائیڈ ونڈو 7 میں موجود کورل ڈرا کو کسی طرح اوبنٹو میں رن کر سکتا ہوں؟
اس کا تجربہ تو نہیں ہے لیکن وائن کی مدد سے ونڈوز میں انسٹال شدہ فائرفاکس چلانے کا تجربہ البتہ ہے۔۔۔ وائن ایکسپلورر سے مطلوبہ ڈائریکٹری میں جا کر پراگرام کی ایگزیکیوٹ ایبل فائل رن کریں
 

asakpke

محفلین
کیا میں اوبنٹو میں رہتے ہوئے الانگ سائیڈ ونڈو 7 میں موجود کورل ڈرا کو کسی طرح اوبنٹو میں رن کر سکتا ہوں؟
میرے خیال میں تو یہ مشکل ہی ہے. البتہ وائن یا پلے آون لینکس کا استعمال کرتے ہوئے کورل ڈرا کو انسٹال کیا جا سکتا ہے. عام طور پر اس میں بھی مسائل ہوتے ہیں.
اگر آپ کا سسٹم پاورفل ہے تو ورچوئل باکس میں ونڈوز انسٹال کر لیں اور جو مرضی ونڈوز پروگرام انسٹال کر لیں. آپ اس ونڈوز اور لینکس میں فائلیں شیئر کر سکتے ہیں.
 

سید عاطف علی

لائبریرین
اوبنٹو سافٹویئر سنٹر گوگل پلے سٹور جیسی چیز ہے جہاں سے ایپس اور سافٹویئر نصیب کیے جاتے ہیں۔ ریپازیڑی مختلف سافٹویئر ریسورسز ہیں۔ جیسے ڈاؤنلوڈ لنک ہو لیکن یہ صرف سافٹویئر سنٹر میں ہی چلیں گے۔ ویسے براؤزر میں بے کار ہی شمار ہوں گے۔
اوبنٹو لینکس آپریٹنگ سسٹم ہے۔ اس کا سارا نظام مختلف ہے اور اسی لیے ایکسٹنشن عجیب و غریب لگ رہی ہیں۔
لینکس میں کونسا نستعلیق فونٹ نصب ہوجائے گا ؟
 
ہم کافی عرصہ سے اپنے لیپ ٹاپ اور آفس کے ڈیسکٹاپ پر ایلیمینٹری او ایس استعمال کر رہے ہیں۔ یوں تو ہماری ضروریات کے لیے لینکس کا کوئی بھی رائج العام نسخہ کفایت کر جائے گا۔ البتہ اس کی سادگی ہمیں کافی پسند ہے۔ :) :) :)
 

نوشاب

محفلین
ہم کافی عرصہ سے اپنے لیپ ٹاپ اور آفس کے ڈیسکٹاپ پر ایلیمینٹری او ایس استعمال کر رہے ہیں۔ یوں تو ہماری ضروریات کے لیے لینکس کا کوئی بھی رائج العام نسخہ کفایت کر جائے گا۔ البتہ اس کی سادگی ہمیں کافی پسند ہے۔ :) :) :)
اییلیمنٹری او ایس اور اوبنٹو میں کیا خاص فرق ہے؟
 
اییلیمنٹری او ایس اور اوبنٹو میں کیا خاص فرق ہے؟
ایلیمینٹری او ایس میں در اصل اوبنٹو کا ہی بیس سسٹم استعمال کیا گیا ہے، البتہ اس کی دو بڑی تبدیلیاں قابل ذکر ہیں، اول اس کا ڈیسکٹاپ انوائرنمنٹ اور دوم اس کی عام استعمال کی ایپلیکیشنز۔ ایلیمینٹری او ایس ٹیم نے پینتھیون نامی اپنا خود کا ڈیسکٹاپ شامل کیا ہے اور ساتھ ہی خود کے ڈیویلپ کیے ہوئے کئی سارے ایپلیکیشنز مثلاً میل کلائنٹ، براؤزر، میڈیا پلئیر، فائل براؤزر، ٹرمنل، اور ٹیکسٹ ایڈیٹر وغیرہ شامل کیے ہیں۔ علاوہ ازیں، اس میں تقریباً وہ تمام سافٹوئیر نصب کیے جا سکتے ہیں جو کسی بھی اوبنٹو یا دیگر ڈیبئین بیسڈ مشین میں نصب کیے جا سکتے ہیں۔ :) :) :)
 

asakpke

محفلین
ہم کافی عرصہ سے اپنے لیپ ٹاپ اور آفس کے ڈیسکٹاپ پر ایلیمینٹری او ایس استعمال کر رہے ہیں۔ یوں تو ہماری ضروریات کے لیے لینکس کا کوئی بھی رائج العام نسخہ کفایت کر جائے گا۔ البتہ اس کی سادگی ہمیں کافی پسند ہے۔ :) :) :)
آپ تو فیڈورا کے شائق تھے؟
 
آپ تو فیڈورا کے شائق تھے؟
جی ہاں، ایک عرصہ تک ہم فیڈورا استعمال کرتے رہے ہیں۔ البتہ یہاں ہماری یونیورسٹی کے کمپیوٹر سائنس ڈیپارٹمنٹ کا آئی ٹی گروپ لینکس کے نام پر ریڈ ہیٹ اینٹرپرائز لینکس اور اوبنٹو کی سپورٹ فراہم کرتا تھا۔ کئی سارے لینکس ڈسٹریبیوشنز کی دیکھ ریکھ کے لیے غیر ضروری وسائل کا بار ہوتا۔ لہٰذا کچھ عرصہ فیڈورا کے استعمال کے بعد ہم نے فیصلہ کیا کہ سسٹمز اسٹاف کی زندگی آسان کر دی جائے اور یوں ہم اوبنٹو استعمال کرنے لگے۔ ویسے بھی ہمیں عموماً ایک عدد ویب براؤزر، ٹیکسٹ ایڈیٹر، اور کمانڈ لائن ٹرمنل سے زیادہ کسی چیز کی ضرورت ہوتی نہیں ہے۔ کچھ عرصہ قبل ایلیمنٹری او ایس سے سابقہ پڑا تو اسے اپنے لیپ ٹاپ میں نصب کر لیا۔ بعد ازاں ڈیپارٹمینٹ کے سسٹمز اسٹاف کو قائل کر کے اسے ادارے کے سپورٹیڈ لینکس ڈسٹریبیوشنز میں شامل کرا دیا اور اپنے آفس کے کمپیوٹر میں نصب کرا لیا۔ ویسے بھی اس کا بیس اوبنٹو ہے تو اسے سپورٹ کرنا اسٹاف کے لیے کوئی مسئلہ نہیں۔ :) :) :)
 

asakpke

محفلین
میں آج کل اوبنٹو میٹے استعمال کر رہا ہوں اور اس سے کافی خوش ہوں. میرا زیادہ کام ویب پروگرامنگ کا ہوتا ہے.
 

دوست

محفلین
اور میں نے کل کئی برس بعد اوبنٹو کی لائیو یو ایس بی استعمال کر کے ایک فُٹ پیڈل کو ری پروگرام کیا جو ونڈوز نہیں ہو رہا تھا.
 

asakpke

محفلین
اوبنٹو میٹے 17.10
23157169_10211147850112255_750757501513911196_o.jpg
 

نوشاب

محفلین
میں آج کل اوبنٹو میٹے استعمال کر رہا ہوں اور اس سے کافی خوش ہوں. میرا زیادہ کام ویب پروگرامنگ کا ہوتا ہے.
اوبنٹو میں ویب براؤزنگ کی سپیڈ مجھے بہت بہترین لگی بہ نسبت ونڈوز ۷ کے۔
میرے پاس اوبنٹو ایل ٹی ایس ۴۔۱۶ ہے ۔
اوبنٹو میٹ کی انوائرنمنٹ بھی بہترین لگ رہی ہے۔
میرا تجربہ لینکس میں صرف اتنا ہے کہ ڈاؤن لوڈ کرنے کے بعد اسے ونڈو کے پیرالل انسٹال کر لیتا ہوں۔(بخیر و عافیت سے)
صرف ایک دفعہ ونڈو اور اوبنٹو دونوں اپریٹنگ سسٹمز سے ہاتھ دھونے پڑے تھے وہ بھی میری ہی کسی غلطی کی وجہ سے۔
باقی مییں لینکس میں سعود بھائی کو فالو کر رہا ہوں۔
انہوں نے اوبنٹو کی تعریف کی میں اوبنٹو پر آ گیا۔
فیڈورا کو ابھی لسٹ پر رکھا ہوا تھا، کہ کچھ دن پہلے انہوں نے ایلیمنٹری او ایس کا ذکر کیا۔
لیکن میں تو ابھی تک اوبنٹو کے سحر سے ہی نہیں نکل سکا تو دوسرے فلیور چھکنے کی ابھی تک کوئ صورت نظر نہیں آتی۔
 

asakpke

محفلین
اوبنٹو میں ویب براؤزنگ کی سپیڈ مجھے بہت بہترین لگی بہ نسبت ونڈوز ۷ کے۔
میرے پاس اوبنٹو ایل ٹی ایس ۴۔۱۶ ہے ۔
اوبنٹو میٹ کی انوائرنمنٹ بھی بہترین لگ رہی ہے۔
میرا تجربہ لینکس میں صرف اتنا ہے کہ ڈاؤن لوڈ کرنے کے بعد اسے ونڈو کے پیرالل انسٹال کر لیتا ہوں۔(بخیر و عافیت سے)
صرف ایک دفعہ ونڈو اور اوبنٹو دونوں اپریٹنگ سسٹمز سے ہاتھ دھونے پڑے تھے وہ بھی میری ہی کسی غلطی کی وجہ سے۔
باقی مییں لینکس میں سعود بھائی کو فالو کر رہا ہوں۔
انہوں نے اوبنٹو کی تعریف کی میں اوبنٹو پر آ گیا۔
فیڈورا کو ابھی لسٹ پر رکھا ہوا تھا، کہ کچھ دن پہلے انہوں نے ایلیمنٹری او ایس کا ذکر کیا۔
لیکن میں تو ابھی تک اوبنٹو کے سحر سے ہی نہیں نکل سکا تو دوسرے فلیور چھکنے کی ابھی تک کوئ صورت نظر نہیں آتی۔
اگر سب اچھا چل رہا ہے تو فالتو میں تجربے کرنے کی ضرورت نہیں۔ میں نے ڈسٹرو اس لیے تبدیل کی کہ لینکس منٹ سنیمن سسٹم (کور آئی 3) پر بھاری محسوس ہو رہا تھا یا شاید میرے کام کا لوڈ زیادہ تھا۔ اوبنٹو میٹے اچھا چل رہا ہے۔
 
Dos اور Windows سے ہے بس پیار ہی پیار ۔ اس سے بیوفائی کا تو سوچ ہی نہیں سکتے۔
اس سے زیادہ کی ضرورت نہیں یا پھر یوں سمجھ لیجئے کہ انگور کھٹے ہیں
 
آخری تدوین:
Top