دل کا سکون۔۔۔۔۔۔۔

ام اریبہ

محفلین
ایسا لگتا جیسے ساری دنیا غائب ہوگئی ہو اور بس دھند اور اس کا وجود باقی بچا ہو..اور وہ بھاگے جا رہی ہے دنیا ایک صحراکی مانند لگ رہی تھی ۔۔وہ شاید بھا گ بھاگ کر تھک گئی تھی ۔۔اسے تو یہ بھی معلوم نہ تھا کہ وہ کیوں بھاگ رہی ہے۔۔اس کا دل چاہتا کوئی ٹھنڈی میٹھی چھاوں والا گاوں ہو جہاں وہ کچھ دیر رک جائے۔۔۔کچھ دیر سکون لے لے ۔۔مگر کہاں؟۔۔۔یہی تلاش تو اسے صدیوں سے بھگائے پھر رہی تھی ۔۔۔یوں لگتا وہ اکیلی رہ گئی ہے ۔اس کے اندر ایک آگ تھی جسے وہ بجھانا چاہتی تھی ۔۔۔مگر کیسے ؟؟؟سکون کہاں ملے گا ؟ٹھنڈا اور میٹھا گاوں کہاں ہے ؟نظر ہی نہیں آرہا تھا ۔۔۔وہ لوگ جو زندگی اساس معلوم ہوتے تھے نہ جانے کہاں گم ہو گئے تھے ۔۔۔اس کا دل چاہا وہ چیخ چیخ کر سب کو پکارے مگر ۔۔آواز ۔۔۔گلے میں ہی کہیں پھنس گئی تھی ۔۔۔
اداس جذبوں کی کوٹھری میں
اندھیرا بڑھتا ہی جا رہا ہے ۔۔۔۔۔۔
۔وہ بےدم سی ہو کرگر سی گئی آنسو بےاختیار آنکھوں سے رواں تھے ۔۔۔اس کے منہ سے بےساختہ پکار نکلی ۔۔۔یا اللہ ۔۔۔میں کیا کروں؟۔۔۔اسے یوں لگا اس پکار سے اک لمحہ سکوں تھا جو گذر چکا تھا مگر دل میں ٹھنڈ سی پڑی تھی ۔۔وہ جس کی صدیوں سے تلاش میں تھی
رات کے حسن پہ پھیلا ہو یادوں کا غبار
رقص کرتی ہوئی تنہائی کے پیاسے سائے
میں اکیلی ہوں ۔۔۔
مگر پھر بھی اکیلی تو نہیں۔۔۔۔۔۔۔۔
اسے لگا وہ تنہا نہیں ہے ۔۔کوئی ہے جو اس کا ہے ۔۔بس صرف اس کی پکار کا منتظر تھا ۔۔اس کے پکارنے کی ہی دیر تھی ۔۔کہ اس کا پیار جوش میں آچکا تھا ۔۔سکون تھا کہ رگ و پے میں اتر رہا تھا ۔۔۔۔۔۔۔۔الا بذكر الله تطمئن القلوب۔۔۔تلاش ختم ہو گئی تھی ۔۔وہ بے تحاشہ رو رہی تھی کتنی نادان تھی ۔۔دل کے سکون کو دنیا میں تلاش کر رہی تھی ۔۔اور سکون ملا تو کہا ں؟۔۔۔۔۔بس ایک پکار سے ۔۔۔۔۔۔۔اس کا دل چاہا ۔۔وہ سب کو بتائے ۔۔اور چیخ چیخ کر بتائے کہ ۔۔۔نادانوں کہیں تم سب بھی میری طرح ۔۔۔زندگی کے سارے تلاش میں ہی ختم نہ کر لینا ۔۔۔سکوں کا تو بس ایک ہی راستہ ہے ۔۔۔اس کے ہو جاو ۔۔وہ سب کچھ سمیت تمھارا ہو جائے گا ۔۔۔۔۔۔۔۔۔۔
ام اریبہ۔۔۔۔۔۔۔۔۔۔۔۔
 

ساقی۔

محفلین
سچ کہا آپ نے ۔۔۔۔۔۔۔۔ انسان اپنے آپ کو تلاش لے اپنے رب کو پہچان لے تو سب کچھ پا لیتا ہے۔
 

نایاب

لائبریرین
سچی تحریر کب کسی داد کی محتاج ہوتی ہے ۔
یہ آنکھ سے گزر دل میں اتر انسان کو عمل پر راغب کر دیتی ہے ۔۔۔۔۔۔۔۔۔۔
بہت دعائیں سدا خوش رہیں ہنسیں مسکرائیں محترم بہنا ۔۔ آمین
 

محمداحمد

لائبریرین
اس تحریر کو پڑھ کر اقبال کا یہ شعر یاد آگیا:

وہ جنہیں کہیں نہ اماں ملی، جو اماں ملی تو کہاں ملی
مرے جُرمِ خانہ خراب کو، ترے عفوِ بندہ نواز میں
 

ماہی احمد

لائبریرین
اس تحریر کو پڑھ کر اقبال کا یہ شعر یاد آگیا:

وہ جنہیں کہیں نہ اماں ملی، جو اماں ملی تو کہاں ملی
مرے جُرمِ خانہ خراب کو، ترے عفوِ بندہ نواز میں
ایسے نہیں ہے

نہ کہیں جہاں میں اماں ملی جو اماں ملی تو کہاں ملی
میرے جرم خانہ خراب کو ترے عفوِ بندہ نواز میں

(ویسے اس کو امّاں پڑھیں بڑا مزہ آئے گا:p)
 
Top