تیری راہواں وچ اَپڑی میں دل ہار وے ، محمودالحق

تیری راہواں وچ اَپڑی میں دل ہار وے
تنگی مینوں عشق دی چنگا مرنا اک وار وے

خوشیاں دے پل وچ جیون دا نئیں اعتبار وے
اَ جا بہہ جا ماہی حیاتی دا کر لے دیدار وے

پھلاں دھرتی سجائی سجدہ نہ ہووے بار وے
ٹکراں جے ہون تینوں دِلاں اُتے بھار وے

عاشق کھڑے بوہے تے ہتھ لے کے ہار وے
جانجی لے کے ٹُرے لاشے بے مہار وے

سکھاں دے پل وچ سودےنئیں اُدھار وے
غماں دا سُوا جوڑا پایا حیاتی سدا بہار وے

ڈھولاں تے سہیلیاں گاون اُجڑیا کیوں دیار وے
شہنائیاں جنازے اُٹھدے وچ دھمالاں لاڑے یار وے

بابل دے آنگن کھیڈاں خوشیاں غماں انتظار وے
رُس جاندی سی تے لگدا کھڈونیاں دا بازار وے

عشقاں مینوں چڑھ گئیاں جوانی وچ منجدھار وے
اللہ اللہ پڑھ دی ،بچ دی نہ میں عشق بہار وے

مائیں ہتھ جوڑے دل سانبھی ظالم سنسار وے
عشق محمود رب دا ، لاشہ رکھ لے بیکار وے
 

تلمیذ

لائبریرین
بابل دے آنگن کھیڈاں خوشیاں غماں انتظار وے
رُس جاندی سی تے لگدا کھڈونیاں دا بازار وے

سبحان اللہ!
بہت ودھیا۔
 
ایہ فرماؤ سید شہزاد ناصر صاحب بھئی ایہ غزل یا گیت (یا جو کچھ وی اے) ایتھے شاعر دی رضامندی نال پوسٹ کیتا جے؟ یا تہاڈی اپنی پسند اے؟ دوجی گل: اک ہوندی اے شوق دی سانجھ، تے اک ہوندا اے گل بات کرن دا سدا۔ ایہ وی تسیں ای دسو گے کیہ اے۔
اگلی گل پھر کرنے آں۔
 
ایہ فرماؤ سید شہزاد ناصر صاحب بھئی ایہ غزل یا گیت (یا جو کچھ وی اے) ایتھے شاعر دی رضامندی نال پوسٹ کیتا جے؟ یا تہاڈی اپنی پسند اے؟ دوجی گل: اک ہوندی اے شوق دی سانجھ، تے اک ہوندا اے گل بات کرن دا سدا۔ ایہ وی تسیں ای دسو گے کیہ اے۔
اگلی گل پھر کرنے آں۔
استاد جی تسی بڑی گجی مار ماری اے :idontknow:
گل ایہو اے خالد محمود چوہدری صاحب ہوراں نے نکتہ کڈھیا اے تے میں اوس دی وضاحت کرن توں قاصر آں ایہو غزل میری پسند اے جس طرح ملی ایتھے شریک کر دتی محترم تلمیذ بھا جی نے وی ایہو ای آکھیا ای کہ تبدیلی کرن توں وزن وگڑ جائے گا ہن تسی فرماؤ تہاڈا کی خیال جے
 
استاد جی تسی بڑی گجی مار ماری اے :idontknow:
گل ایہو اے خالد محمود چوہدری صاحب ہوراں نے نکتہ کڈھیا اے تے میں اوس دی وضاحت کرن توں قاصر آں ایہو غزل میری پسند اے جس طرح ملی ایتھے شریک کر دتی محترم تلمیذ بھا جی نے وی ایہو ای آکھیا ای کہ تبدیلی کرن توں وزن وگڑ جائے گا ہن تسی فرماؤ تہاڈا کی خیال جے

کوئی گجھی مار نہیں، شاہ جی، میں سدھا سادہ بندہ سدھی گل کرن دا عادی آں، بھانویں ۔۔۔۔
میرے سامنے تن چار گلاں نیں۔

پہلی گل: میں ایس نوں غزل نہیں سمجھ سکدا، غزل دی ایہ ہیئت نہیں ہوندی۔ غزل وچہ ہر بیت دا پہلا مصرع ردیف قافیے توں آزاد ہوندا اے۔ اکو ردیف تے رلویں قافیے والی ایہ صنف (وزن یا چال دی گل اگے آ رہی اے) وارث شاہ، مولوی غلام رسول، دائم اقبال دائم ہوراں نے ورتی اے۔

دوجی گل: ایس صنف نوں عروض تے نہیں تولیا جا سکدا، ایہدے لئی چھندا بندی چوں پیمانے لینے پیندے نیں۔ اوتھے ماتراں چرن وسرام چال دا حساب لاندے نیں۔ مینوں ایس پورے فن پارے وچ کوئی سانجھی چال نہیں لبھی۔ ایس لئی میرے حساب وچ ایہدی چال (وزن، بحر) نہیں آ رہی۔ گلوکاری اک دوجا انگ اے، اوہ لوگ گاون وچ ماترے نکے وڈے کر لیندے نیں یا دوجے لفظاں وچ چال نوں جیویں وی ہووے نبھا لیندے نیں، ایہ میرے وس دا کم نہیں۔

تیجی گل: نفسِ مضمون تے مزاج۔ ایس پکھوں ویکھئے تے ایہدیاں بہتیاں سطراں پنجابی گیت دی لوک صنف "بولی" طرح اپنا اپنا مضمون بیان کردیاں نیں، پر ایہ چال "بولی" دی وی نہیں۔ مزاج ولوں وی اک سطر دوجی دا ساتھ نہیں دے رہی۔

کاڈھ (نتیجہ): کتے کتے جے دو اگڑ پچھڑ آندیاں سطراں دی چال تے مضمون رل گئے نیں تے ایہ شاید اتفاق ای ہوئیا اے۔ ہن میں ایتھے کیہ آکھاں۔

غصہ نہ کریا جے، تہاڈی بڑی مہربانی۔
جیوندے رہو۔
 
لکھی ہوئی شے پڑھنا تے گائی ہوئی شے سننا، اینہاں دونہاں وچ فرق اے۔ گویا تے سازندہ رل کے کسے چنگے بھلے گیت نوں وگاڑ وی دیندے نیں، تے کسے ماٹھے جیہے گیت نوں سوار وی دیندے نیں۔
اوہ پکھ شعر نال رل کے وی وکھ رہندا اے۔ ایس حوالے نال نصیر احمد ہوری بہتر گل کر سکدے نیں۔
 
کوئی گجھی مار نہیں، شاہ جی، میں سدھا سادہ بندہ سدھی گل کرن دا عادی آں، بھانویں ۔۔۔ ۔
میرے سامنے تن چار گلاں نیں۔

پہلی گل: میں ایس نوں غزل نہیں سمجھ سکدا، غزل دی ایہ ہیئت نہیں ہوندی۔ غزل وچہ ہر بیت دا پہلا مصرع ردیف قافیے توں آزاد ہوندا اے۔ اکو ردیف تے رلویں قافیے والی ایہ صنف (وزن یا چال دی گل اگے آ رہی اے) وارث شاہ، مولوی غلام رسول، دائم اقبال دائم ہوراں نے ورتی اے۔

دوجی گل: ایس صنف نوں عروض تے نہیں تولیا جا سکدا، ایہدے لئی چھندا بندی چوں پیمانے لینے پیندے نیں۔ اوتھے ماتراں چرن وسرام چال دا حساب لاندے نیں۔ مینوں ایس پورے فن پارے وچ کوئی سانجھی چال نہیں لبھی۔ ایس لئی میرے حساب وچ ایہدی چال (وزن، بحر) نہیں آ رہی۔ گلوکاری اک دوجا انگ اے، اوہ لوگ گاون وچ ماترے نکے وڈے کر لیندے نیں یا دوجے لفظاں وچ چال نوں جیویں وی ہووے نبھا لیندے نیں، ایہ میرے وس دا کم نہیں۔

تیجی گل: نفسِ مضمون تے مزاج۔ ایس پکھوں ویکھئے تے ایہدیاں بہتیاں سطراں پنجابی گیت دی لوک صنف "بولی" طرح اپنا اپنا مضمون بیان کردیاں نیں، پر ایہ چال "بولی" دی وی نہیں۔ مزاج ولوں وی اک سطر دوجی دا ساتھ نہیں دے رہی۔

کاڈھ (نتیجہ): کتے کتے جے دو اگڑ پچھڑ آندیاں سطراں دی چال تے مضمون رل گئے نیں تے ایہ شاید اتفاق ای ہوئیا اے۔ ہن میں ایتھے کیہ آکھاں۔

غصہ نہ کریا جے، تہاڈی بڑی مہربانی۔
جیوندے رہو۔
جزاک اللہ جزاک اللہ
تسی بوہت ای تفصیل نال سمجھایا اللہ تہانوں لمی حیاتی دے تے تہانوں ہر فکر غم تے پریشانی توں دور رکھے آمین
 
Top