نوشی گیلانی اب کس سے کہیں اور کون سنے جو حال تمہارے بعد ہوا

قرۃالعین اعوان

لائبریرین
اب کس سے کہیں اور کون سنے جو حال تمہارے بعد ہوا
اس دل کی جھیل سی آنکھوں میں اک خواب بہت برباد ہوا

یہ ہجر ہوا بھی دشمن ہے اس نام کے سارے رنگوں کی
وہ نام جو میرے ہونٹوں پر خوشبو کی طرح آباد ہوا

اس شہر میں کتنے چہرے تھے کچھ یاد نہیں سب بھول گئے
اک شخص کتابوں جیسا تھا وہ شخص زبانی یاد ہوا

وہ اپنے گاؤں کی گلیاں تھیں دل جن میں ناچتا گاتا تھا
اب اس سے فرق نہیں پڑتا ناشاد ہوا یا شاد ہوا

بے نام ستائش رہتی تھی ان گہری سانولی آنکھوں میں
ایسا تو کبھی سوچا بھی نہ تھا دل کتنا بے داد ہوا
 

زبیر مرزا

محفلین
لاجواب انتخاب
اس شہر میں کتنے چہرے تھے کچھ یاد نہیں سب بھول گئے​
اک شخص کتابوں جیسا تھا وہ شخص زبانی یاد ہوا​
آل ٹائم فیورٹ شعر
 

محمد بلال اعظم

لائبریرین
اب کس سے کہیں اور کون سنے جو حال تمہارے بعد ہوا
:cry::cry::cry:

اک شخص کتابوں جیسا تھا وہ شخص زبانی یاد ہوا
:angel::angel::angel:
آج سات ماہ بعد بھی یہی کیفیت ہے
اب کس سے کہیں اور کون سنے جو حال تمہارے بعد ہوا
:cry::cry::cry:

اک شخص کتابوں جیسا تھا وہ شخص زبانی یاد ہوا
:angel::angel::angel:
سدا بہار غزل ہے
 
Top