باقر زیدی --- جب نظر حُسن رَسا ہوتی ہے

[طارق شاہ]

غزل ​

باقر زیدی​

​

جب نظر حُسن رَسا ہوتی ہے​

ہر قدم لغزشِ پا ہوتی ہے​

​

اُس کے ملبوسِ بدن کی خوشبو​

کِس قدر ہوش رُبا ہوتی ہے​

​

خود کو خود سے ہی چُھپا رکھنے میں​

کیا ستمگر سی ادا ہوتی ہے​

​

سُرخ پھُولوں پہ ہو شبنم جیسے​

عارضوں پر وہ حیا ہوتی ہے​

​

اب کہاں وہ نگہِ مہر کہ جو​

دونوں عالم سے سوا ہوتی ہے ​

​

منہ سے نِکلے نہ کوئی حرفِ طلَب​

کیسی خودار اَنا ہوتی ہے​

​

وہ سمجھتا ہے دل وجاں کا مزاج​

اُس کی آنکھوں میں حیا ہوتی ہے​

​

کیا کہیں اُس کی بُوئے زُلف دراز​

نکہتِ گُل سے سوا ہوتی ہے​

​

باقر زیدی ​

 

[سید زبیر]

خوبصورت کلام
منہ سے نِکلے نہ کوئی حرفِ طلَب
کیسی خودار اَنا ہوتی ہے

 

[طارق شاہ]

تشکّر سید صاحب!
بہت شاد رہیں

 

[نایاب]

واہہہہہہہہہ کیا خوب کہا سچ کہا ۔۔۔۔۔۔۔۔۔۔
اُس کے ملبوسِ بدن کی خوشبو

کِس قدر ہوش رُبا ہوتی ہے​

 

[طارق شاہ]

واہہہہہہہہہ کیا خوب کہا سچ کہا ۔۔۔ ۔۔۔ ۔۔۔ ۔
اُس کے ملبوسِ بدن کی خوشبو

کِس قدر ہوش رُبا ہوتی ہے​

اظہار خیال کے لئے تشکّر
بہت شاد رہیں

 

[عمر سیف]

منہ سے نِکلے نہ کوئی حرفِ طلَب
کیسی خودار اَنا ہوتی ہے

خوب

 

[طارق شاہ]

منہ سے نِکلے نہ کوئی حرفِ طلَب
کیسی خودار اَنا ہوتی ہے

خوب

اظہار خیال کے لئے تشکّر جناب
بہت خوش رہیں