کچھ اردو الفاظ کے ہجے

[قیصرانی]

پیارے دوستو، مجھے چند الفاظ کے ہجے بہت پریشان کر رہے ہیں۔ میں نے آج کل کی کتب میں کئی الفاظ ایسے دیکھے ہیں جو پرانی کتب میں مختلف ہجوں سے لکھے گئے تھے۔ براہ کرم مدد کیجئے

گذرنا

یا

گزرنا

 

[قیصرانی]

اسی طرح

شاید

یا

شائد

 

[قیصرانی]

لیے

یا

لئے

 

[الف عین]

آج کل
گزرنا
درست ہے۔ ز سے

 

[الف عین]

شاید ہی درست ہے۔ لیکن لئے کو میں دو کنجیوں سے ترجیح دیتا ہوں اگر چہ ثقّہ حضرات لیے پسند کرتے ہیں۔

 

[قیصرانی]

شکریہ استاد محترم

دراصل ابن صفی صاحب کے ناولز کو لکھتے ہوئے یہ مسئلہ ہو رہا ہے کہ وہاں پرانے ہجے ہی موجود ہیں

مزید الفاظ وقت کے ساتھ ساتھ پوچھتا جاؤں گا

 

[قیصرانی]

ایک اور سوال۔ ان دو فقروں‌میں‌کیا فرق ہے؟

اماں بی کو بڑبڑاتا چھوڑ کر تو نہیں جا سکتا تھا۔

اور

اماں بی کو بڑبڑاتے چھوڑ کر تو نہیں جا سکتا تھا۔

 

[قیصرانی]

اس پر یہاں قصبے میں تو بڑی چہ میگوئیاں ہوئی ہوں گی۔

یا

اس پر یہاں قصبے میں تو بڑی چہ مگوئیاں ہوئی ہوں گی۔

 

[دوست]

آپ موجودہ استعمال کو ترجیح‌ دیں۔

 

[الف عین]

بڑبڑاتا درست ہے
بڑبڑاتے لکھا جائے تو یوں درست ہوگا
بڑبڑاتے ہوئے۔
چہ می گوئیاں صحیح ہے

 

[زیک]

میرا خیال ہے کہ واضح املاء کی غلطیوں کو درست کیا جائے مگر اس کے علاوہ اگر مصنف پرانی یا علاقائی املاء اور ہجے استعمال کرتا ہے تو اسے ویسے ہی ٹائپ کیا جائے۔ آخر ہم ابنِ صفی کی کتاب کو برقیانا چاہتے ہیں نہ کہ ایک نیا ایڈیشن شائع کرنا جس پر لکھا ہو (Edited by Qasrani)۔

 

[سیدہ شگفتہ]

میرا خیال ہے کہ واضح املاء کی غلطیوں کو درست کیا جائے مگر اس کے علاوہ اگر مصنف پرانی یا علاقائی املاء اور ہجے استعمال کرتا ہے تو اسے ویسے ہی ٹائپ کیا جائے۔ آضر ہم ابنِ صفی کی کتاب کو برقیانا چاہتے ہیں نہ کہ ایک نیا ایڈیشن شایع کرنا جس پر لکھا ہو (Edited by Qasrani)۔

یہی درست ہے یعنی املاء کو اسی طرح پیش کیا جائے جس طرح سے کہ اصل مصنف نے اسے پیش کیا تھا ( اور جس طرح اس وقت رائج تھی جب اس تحریر کو تخلیق کیا گیا) ۔ کیونکہ ہر تحریر اپنی املاء میں اپنے دور کی نمائندگی کرتی ہے اور مختلف تحریروں کا عصری تسلسل میں مطالعہ کیا جائے تو با آسانی زبان کے ارتقائی مراحل سامنے آتے ہیں ۔

 

[قیصرانی]

آضر ہم ابنِ صفی کی کتاب کو برقیانا چاہتے ہیں نہ کہ ایک نیا ایڈیشن شایع کرنا جس پر لکھا ہو (Edited by Qasrani)۔

ایک بات اور بھی۔ ان پرانے نسخوں میں کوئی 90٪ فقروں کے اختتام ‘۔‘ کی بجائے ‘!‘ پر ہوا ہے۔ کیا اسے بھی ایسے ہی لکھوں‌ یا پھر اسے فل سٹاپ سے بدلتا جاؤں؟

 

[قیصرانی]

شکریہ دوست بھائی، لیکن جملہ دوستوں بلکہ اساتذہ کی رائے اس کے خلاف ہے۔ امید ہے کہ آپ محسوس نہیں‌کریں گے

بہت شکریہ استاد محترم۔ لیکن دونوں‌ میں فرق کیا ہوا؟ اگر لکھیں

بڑبڑاتا ہوا

یا پھر

بڑبڑاتے ہوئے

بہت شکریہ باس صاحبہ۔ یہ بات بالکل درست ہے کہ اگر ہر کتاب کو اس کے اوریجنل ایڈیشن کی املاء میں لکھا جائے تو ارتقائی مراحل بہت آسانی سے سمجھ آسکتے ہیں

 

[دوست]

نہیں‌ جی بات اصولی طور پر ٹھیک ہے ان کی۔

 

[قیصرانی]

نہیں‌ جی بات اصولی طور پر ٹھیک ہے ان کی۔

شکریہ دوست بھائی